1Ne maopoopo te kau Filisitia mō te taua i Soko, se fa'kai foliki i Iuta. Ne fakama'nava latou i te koga e fakaigoa ko Efese Tamima, i te va o Soko mo Aseka.
2Ne maopoopo a Saulo mo te kau Isalaelu, faka'tu ei olotou faleie i te Vanu o Ela, tena te koga e fakatoka ei latou o taua atu ki te kau Filisitia.
3A tino Filisitia e tu i te sua mauga foliki, ka ko tino Isalaelu i te sua mauga foliki, kae se vanu i te va o latou.
4E isi se tagata e igoa ki a Koliata mai te fa'kai o Kata, ne ulu mai i te koga o te kau Filisitia o kalaga mai ke tu atu se nafa o ia mai te kau Isalaelu. A tena maluga, e siliga atu mo te tolu mita te maluga
5kae e pei ki gatu tau palasi tela e tusa mo te limasefulu fitu kilokalame te mafa, mo te pulou palasi foki.
6A ona vae e ufi foki ki palasi, kae e pukepuke mai tena tao palasi, tela e safe sale i tena tuauma.
7A tena tao e tai pau eiloa te fula mo te fiti i te mea laga laugatu, ka ko te mata o tena tao e tusa mo te fitu kilokalame te 'mafa. E isi se sotia e fano i ona mua, e amo ne ia tena talita.
8Ne tu atu Koliata kae kalaga atu ki tagata Isalaelu, “Ne a otou mea e fakalaina mai pena, o fakatoka mo se taua? Au se tagata Filisitia, koutou pologa a Saulo! Fili mai se tagata i a koutou ke fepaki maua.
9Kafai e takavale au i a ia, kae tamate ne ia au, ko matou ka fai mo pologa a koutou; kae kafai e takavale i a au, kae tamate ne au, ko koutou ka fai mo omotou pologa.
10I te taimi tenei, i te koga tenei, ko kalaga atu ei au ki te kautau a Isalaelu ke fili mai se tino i a koutou ke fepaki maua!”
11I te lagonaga ne Saulo mo tena kau te mea tena, ko oko eiloa i te lotou ma'taku.
Ko Tavita i te kautau a Saulo12A Tavita ko te tama a Iese, te tagata Efalata kae e nofo i Peteleema i Iuta. A Iese e tokovalu ana tama tagata, kae i te taimi ne tupu ei a Saulo, ka ko ia ko toeaina eiloa
13A tamaliki ma'tua a ia e tokotolu ne olo mo Saulo ki te taua. A te toekimua ko Eliapo, 'tao atu ki ei ko Apinatapu, 'tao atu ki ei ko Sama.
14A Tavita ko te toekimuli. A te tokotolu tama matua kona e nofo eiloa i te kautau a Saulo,
15ka ko Tavita e isi ne taimi e foki sale atu ki Peteleema o tausi a mamoe a tena tamana.
16A Koliata e tu faeloa o kalaga ki se nafa o ia mai te kautau a Isalaelu i taeao mo afiafi i aso e fasefulu.
17I te aso e tasi, ne fai atu a Iese ki a Tavita penei, “Vau o puke a te sefulu kilokalama o saito konei ne tao, mo puta falaoa konei e sefulu, o fano fakavave mo koe ma ou taina i te koga o te kautau a Isalaelu.
18Puke atu foki a susu makeke konei e sefulu, ma te takitaki o te kautau. Asi atu me e a ou taina, kae foki mai mo se fakailoga e iloa ei ne matou me ne matea eiloa ne koe, kae e malosi foki.
19A te tupu ko Saulo, ou taina, mo te kautau katoa, kola i te Vanu o Ela, e taua mo te kau Filisitia.”
20Ne pula aka a Tavita i te tafataeao, avatu ne ia te tino ke tausi a mamoe, kae fanatu i tena malaga o ave a meakai ki ana taina, e pela mo te fakatonuga a Iese. Ne oko atu a ia ki te koga o te kautau, i te taimi ko olo atu ei te kau Isalaelu ki te lotou malae, kae kalaga te kalaga o te taua.
21A te kautau Filisitia mo te kautau Isalaelu ne olo atu ki olotou tulaga e fakatoka ei latou o taua, o fakatau fakafesagai.
22Ne tuku atu ne Tavita a meakai ki te ofisa tela e pule i mea'kai, kae tele atu ki ona taina i te malae o te taua, o fesili atu me e a latou.
23I te taimi ne faipati atu ei a ia ki ona taina, kae tu aka mo Koliata o kalaga mai ki se tagata Isalaelu ke fanatu ke fepaki mo ia, e pela eiloa mo taimi mua. Tena, ne lagona ei ne Tavita te kalaga a Koliata.
24I te laveaga ne tino Isalaelu a Koliata, ne tele latou i te ma'taku.
25Ne fakatau fai'pati eiloa latou i a latou penei, “Kiloke ki a ia! Fakalogo atu ki ana kalaga! A Saulo ne fai mai me i so se tino e mafai o tamate ne ia Koliata e maua sena togi lasi; mo tena tama fafine foki ka avatu ke avaga mo ia, mo te kaiga foki o tena tamana ka seai ne lafoga e togi ne latou ki te tupu.”
26Ne fesili atu a Tavita ki tagata kola i ona tafa penei, “Se a te togi ka maua ne te tagata e tamate ne ia te Filisitia tena, kae fakasao Isalaelu mai te fakamasiasiga lasi tena? Kae ko oi la te Filisitia fapaupau tena e vau o taumafai o fakaseaoga mai te kautau a te Atua Ola?”
27Tena, ne fakailoa atu ne latou ki a ia te togi e maua ne te tagata e tamate ne ia Koliata.
28Ne lagona ne Eliapo a Tavita e faipati ki tagata i kona, tena ne kaitaua a ia ki a Tavita kae fai atu penei, “Ne a au mea e fai i konei? Ko oi te tino e tausi ne ia au mamoe i te vao? A koe nei ne vau fua ke onoono koe ki te taua!”
29Ne fesili atu Tavita, “Ne a aku mea ne fai? E a, e se tau foki au o silisili atu pela ki mea e tupu?”
30Ne toe mafuli atu Tavita ki te sua tino, fesili atu foki ana fesili kola ne fai, kae i taimi katoa e fesili atu ei a ia, e tasi eiloa te tali e maua ne ia.
31Ne lagona ne nisi tino a pati a Tavita, tena ne fai atu ei latou ki a Saulo, tena ne uga atu ei te fekau a Saulo ki ei ke fanatu ki a ia.
32Muna a Tavita ki a Saulo, “Tou Malu, e seai se tino e tau o mataku ki te Filisitia tenei! Tuku mai ke fepaki maua.”
33Ne tali atu Saulo, “E pefea eiloa koe o taua atu ki a ia tena? A koe se tamaliki fua, ka ko ia se sotia i tena olaga katoa!”
34Muna a Tavita, “Tou Malu, au e tausi ne au a mamoe a toku tamana. Kafai se leona io me se ulosa e vau o ave se tamā mamoe,
35au e fano eiloa o sala, tamate ne au, kae puke mai te tamā mamoe. Kae kafai ia e mafuli mai te leona io me ko te ulosa o taua mai ki a au, e puke fātu au o kumi te ua, kae pago ke mate.
36E isi ne leona mo ulosa ko oti ne tamate ne au kae ka fai foki ne au pena te tagata Filisitia tena e vau o fakaseaoga te kautau a te Atua Ola.
37Au ne fakasao sale ne te Aliki mai leona mo ulosa; ka toe fakasao foki ne ia a au mai te Filisitia tena.”
Ne tali atu Saulo, “Ko lei. Fano, kae ke fakatasi atu te Aliki ki a koe.”
38Ne tuku atu ne Saulo tena gatu tau ke pei ki ei Tavita, mo tena pulou palasi.
39Ne fakamau atu ne Tavita te pelu a Saulo ki te gatu tau, tena, taumafai ei a ia o sasale, kae e se mafai ne ia o sasale, me i a ia e se masani o pei sale ki gatu tau pena. Muna a Tavita ki a Saulo, “E se mafai ne au o taua mo mea katoa konei e fakalavelave mai ki a au. Au e se masani mo mea kona.” Tena ne tapale katoa ne ia.
40Ne puke atu a ia ki tena tokotoko tausi mamoe, fanatu ei a ia o puke mai e lima fatu mania'nia mai te vaitafe foliki, fao atu ei ki loto i tena taga. Ne fakatoka tena sana fatu, fanatu eiloa a ia o fakafesagai a Koliata.
Koliata ko Takavale i a Tavita41Ne sasale atu te Filisitia ki a Tavita, mo tena tino amo talita e fano i ona mua. Ne fanatu eiloa a ia ki mua,
42kae i te pili atuga a ia ki a Tavita, kae ko lavea 'lei foki ne ia, ne mata fakatauemu a ia ki a Tavita, i a Tavita se tamaliki fua.
43Muna a Koliata ki a Tavita, “E fai mo a tou tokotoko tena? I tau fakatau au se kuli?” Tena ne laulau mai ei ne ia a fakamalaiaga mai tena atua ki a Tavita.
44Ne kalaga atu a ia ki a Tavita penei, “Vau ke tuku atu ne au tou foitino ke kai ne manu vae fa mo manu eva.”
45Ne tali atu a Tavita, “A koe e vau mo tau pelu mo tau tao, ka ko au e fanatu i te igoa o te Aliki Malosi, te Atua o te kautau a Isalaelu, tela ne muna masei koe ki ei.
46I te aso tenei, a koe ka tuku mai ne te Aliki ke fakatakavale ne au; ka fakatakavale ne au a koe kae kati tou ua. Kae ka tuku atu ne au a foitino o te kau Filisitia ke kai ne manu eva mo manu vae fa. Tena ka iloa ei ne te lalolagi kātoa me e isi se Atua o Isalaelu,
47kae ka matea foki ne tino katoa i konei, i te Aliki e se manako ki ne pelu io me ne tao ke fakasao ei tena fenua. A ia e manumalo faeloa i taua, kae ka tuku mai ne ia a koutou ke fakatakavale ne matou.”
48Ne sasale atu a Koliata ki a Tavita, ko Tavita eiloa ko tele atu ki te laina o te kau Filisitia o taua mo Koliata.
49Ne faulu atu tena lima ki tena taga, puke aka se fatu e tasi, sana ei ne ia a Koliata. Ne fanatu te fatu, poko eiloa i te lae o Koliata, malukuluku eiloa te faiai, tena ne siga ei ki lalo i te laukele.
50 pela foki ki te mataloa o te fa'kai o Ekelona. Ne tafola eiloa te kau Filisitia i te auala tela e fano ki Salaima, ke oko foki eiloa ki Kata mo Ekelona.
53I te 'fokimaiga o te kau Isalaelu mai te afuliga o te kau Filisitia, olo atu ei o fao mai a mea taua mai te koga o te kau Filisitia.
54Ne puke aka ne Tavita te ulu o Koliata, ave ei ne ia ki Ielusalema, kae ne tausi ne ia a mea tau a Koliata i tena faleie.
Tavita ko Fanatu ki a Saulo55I te laveaga ne Saulo a Tavita ko fano o taua mo Koliata, ne fesili atu ei a ia ki a Apinelu, te takitaki o tena kautau, penei, “Apinelu, e a ai te tama tena?”
Ne tali atu Apinelu, “Tou Malu, e se iloa ne au.”
56Tena ne fakatonu atu ei Saulo, “Fano la o silisili atu pela me ko oi te tagata tena.”
57Tena la, i te fokimaiga o Tavita i te otiga ne tamate ne ia a Koliata, kae tu atu a Apinelu ke fanatu a ia ki a Saulo. I te taimi tena, a Tavita koi pukepuke mai eiloa ne ia te ulu o Koliata.
58Ne fesili atu Saulo ki a ia penei, “Ko oi tou tamana?”
Ne tali atu Tavita, “A toku tamana ko Iese, tau tavini, se tagata mai Peteleema.”
Who We AreWhat We EelieveWhat We Do
2025 by iamachristian.org,Inc All rights reserved.
