1Ko sei se fafine ne gali pela mo koe!
Ko oko eiloa i te gali o ou vae i taka.
A te gaofega o ou vae e pela eiloa me se ata ne fai ne se tagata poto i te 'lomi.
2A tou pito e pela me se pola,
Tela e se mafai o masa te uaina ne fakamanogi i ei.
A tou taugasulu e pela me se saitaga saito
Tela e fakatamilo ne lili.
3A ou u e pela me se masaga a tia,
E pela me se ava kasele.
4A tou ua e pela me se taoa ne faite ki nifo o elefane.
A ou mata e pela mo pugapugaloto vai i te fa'kai o Hesepono,
I tafa o te mataloa o te fa'kai takutakua tena.
A tou isu e gali pela mo te taoa o Lepanona
Tela e tu o tausi Tamaseko.
5A tou ulu e tu tonu ki luga e pela mo te Mauga o Kalamelu.
A ou laulu kola ne saisai fakagaligali e maina mai e pela me se silika tafasili i te gali;
A te gali o tou laulu e mafai o fai ne ia se tupu ke kilo faeloa ki ei kae ko se toe gasue.
6Ko oko eiloa i tou gali kae taulekaleka;
A tou alofa ko oko eiloa i te katoatoa.
7A tou foitino e loa e pela me se lakau ko te pama,
Ka ko u o koe e pela mo fui o lakau ko pama.
8Au ka kake i te lakau ko te pama o tau ona fuaga.
A taku kilo ki ou u e pela me ne fui o vine,
A tou manava e pela mo te manogi o apolo,
9Ka ko tou gutu e pela mo te uaina tafasili i te gali.
Ko muna a te FafineKe tafe atu te uaina ki taku pele,
Ke tafe atu i luga i ona laugutu mo ona nifo.
10Au e a taku pele, kae e manako mai foki a ia ki a au.
11Taku pele, vau ke olo taua ki te feitu ki tua o te fa'kai
O moe i te po i fa'kai foliki.
12Ka ala vave taua i te vaveao o onoono ki vine
Ke lavea aka ne taua me ko ola me ikai,
Me ko ma'tala a pula me ikai,
Pela foki mo pomekalanite me ko isi ne pula i ei me ikai.
I kona, ka fakaasi atu ei ne au toku alofa ki a koe.
13E mafai o 'sogi ne koe te manogi o manutalake,
Mo fuaga gali katoa e pili mai fua ki te mataloa o 'ta fale,
Me ne tausi fakalei ne au a mea katoa kona ma koe taku pele.
Who We AreWhat We EelieveWhat We Do
2025 by iamachristian.org,Inc All rights reserved.
