1 Eseki 2.9,10; Isa 29.11 Ne matea ne au a te pelugā tusi i te lima fakaatamai o ia tela e nofo i te nofogaaliki; e fonu a feitu e lua i tusitusiga, kae faka'piki mau foki ki fakamailoga e fitu.
2Ne matea foki ne au te agelu malosi tela ne folafola mai mo te leo lasi penei: “Ko oi te tino e 'tau o 'tala ne ia a fakamailoga kae 'fola foki ne ia a te pelugā tusi?”
3Kae seai eiloa se tino ne maua i te lagi, io me i te lalolagi, io me i lalo i te lalolagi, e mafai ne ia o 'tala a te pelugā tusi, kae kilo ki mea i ei.
4Au ne tagi pakalaga i te mea e seai se tino kai maua, e 'tau o 'tala ne ia te pelugā tusi kae kilo ki loto i ei.
5Kene 49.9; Isa 11.1,10Kae tokotasi mai te kau toeaina ne muna mai ki a au penei: “Sa tagi. Kiloke! A te Leona mai i te matakaiga o Iuta, ko te mokopuna takutakua o Tavita, ko oti ne manumalo kae e mafai foki ne ia o 'tala a fakamailoga e fitu, kae 'tala foki a te pelugā tusi.”
6 Isa 53.7; Saka 4.10 Ne matea ne au a te Tama Mamoe ko Iesu e tu i te kogaloto o te nofogaaliki, e nikoi fakatamilo ne manu e fa mo toeaina. A te Tama Mamoe e foliga mai pela me ko oti ne tamate. E fitu ona suki, e fitu foki ona mata, ko agaga kona e fitu o te Atua, ne uga mai ki te lalolagi katoa.
7Ne fano a te Tama Mamoe kae puke ne ia a te pelugā tusi mai i te lima fakaatamai o te tino tela e nofo i te nofogaaliki.
8Sala 141.2Ka koi fai ne ia te mea tena, ne totuli ifo a manu e fa mo te tinolua mo te tokofa toeaina, i mua o te Tama Mamoe. E tofu a te tino mo te kitala mo tanoa aulo ko 'fonu i mea manogi, ko talosaga kona a tino kelisiano.
9Sala 33.3; 98.1; Isa 42.10Ne usu ne latou a te pese fou penei:
“E 'tau i a koe o puke ki te pelugā tusi
Kae 'tala ne koe ona fakamailoga.
Me i a koe ne tamate, kae mai i tou mate ne fakasaoloto ei ne koe tino mai fenua katoa,
Mai matakaiga takitasi, mo 'gana kese'kese mō te Atua.
10 Eso 19.6; Faka 1.6 Ko oti ne fai ne koe latou ke fai mo malo o faitaulaga e tavini atu ki te tou Atua;
Kae ka pule latou i te lalolagi.”
11 Tani 7.10 Ne toe kilo ake au, kae ne lagona ne au agelu e afe mo afe te aofaki o latou. E 'tu fakatamilo i te nofogaaliki, pela foki mo manu e fa mo toeaina,
12kae 'pese mo te leo lasi penei:
“A te Tama Mamoe tela ne ta
E 'tau eiloa o maua ne ia te mana,
Te maumea, te poto mo te malosi,
Te 'malu, te vikiga mo te tavaega!”
13Kae ne lagona foki ne au a manu katoa i te lagi mo te lalolagi, pela foki mo lalo ifo o te lalolagi, fakatasi mo mea ola i te tai, ko manu katoa ne faite i te lagi mo te lalolagi ne 'pese mai penei:
“Ke i a ia tela e nofo i te nofogaaliki, e pela foki mo te Tama Mamoe,
Te vikiga, te tavaega, te 'malu mo te malosi,
Ke oko eiloa ki te se gata mai ki te se gata mai eiloa!”
14Ne tali mai manu e fa, “Amene!” Totuli ifo ei a toeaina kae tapuaki atu.
Who We AreWhat We EelieveWhat We Do
2025 by iamachristian.org,Inc All rights reserved.
