ESELA 10 - Tuvalu Revised Bible

Ko Fakagata te Fakatau Avaga ki Tino o Fenua Fakaatea

1I te taimi koi tagi ei a Esela i mua o te Faletapu kae talo ke fakamagalo a agasala a te fenua, ne maopoopo atu a tino Isalaelu e tokouke — tagata, fafine, mo tamaliki i ona tafa, o tagi fanoa'noa foki.

2Tena ne fai atu ei a Sekania te tama tagata a Ieielu mai te kaukaiga o Elama ki a Esela penei, “Ko se lei te va o tatou mo te Atua, i a tatou ne olo o avaga mo fafine o fenua fakaatea, kae kaati koi isi eiloa se fakamoemoega 'lei mo Isalaelu.

3E tau nei o fai se tautoga 'malu a tatou ki te tou Atua me ka uga keatea ne tatou a fafine konei mo olotou tamaliki. Ka fai eiloa ne matou a te mea e fai mai ne koe mo tino kola e fakaava ki fakatonuga a te Atua. Ka fai eiloa ne matou a te Tulafono a te Atua.

4Ko koe e tau o fai sau faiga. A matou e lago atu ki a koe, tela la, na taumafai o fai se faiga.”

5Tena la, ne fakatauto ne Esela a takitaki o faitaulaga mo takitaki o te kau sa Levi, mo takitaki o te fenua ke fai ne latou a te mea tela e fai mai ei a Sekania.

6Oti aka, fanatu ei a ia mai mua o te Faletapu o fano ki te koga e nofo ei a Ieoananu te tama tagata a Eliasipa, nofo ei i kona i te po tena, kae e tagi faeloa ona ko te se fakamaoni o te kau o te tafeaga. Ne seki kai seki inu eiloa a ia.

7Ne avatu te fekau ki tino katoa kola ne foki mai i te tafeaga ke maopoopo katoa i Ielusalema i te fakatonuga mai i takitaki o te fenua.

8Kafai e katoa te tolu o aso, ko tino kola e se oko atu ka fao katoa olotou manafa mo koloa, kae ka se toe taku latou ne tino Isalaelu.

9I aso e tolu kona, i te po luasefulu o te iva o masina, ne o'mai katoa a tagata kola e nofo i te koga fenua o Iuta mo Peniamina ki Ielusalema, kae ne maopoopo i te malae o te Faletapu. Ko oko eiloa i te 'lasi o vaiua e to i te taimi tena, tela la, a tino ko polepole fua ona ko te masei o te aso mo te taua o te maopoopoga.

10Ne tu aka Esela te faitaulaga o faipati ki a latou, ana muna, “A koutou ko oti ne se fakamaoni, tela la, ko aumai ne koutou te agasala ki luga i Isalaelu, i te a'vagaga a koutou mo fafine o fenua fakaatea.

11I te taimi nei, na fakatoese eiloa ki te Aliki, te Atua o otou tupuga, kae fai te mea e fiafia a ia ki ei. Ke fakamao eiloa nei koutou mai i tino fakaatea kona e nofo i te o'tou fenua, kae ave keatea otou avaga fakaatea.”

12Ne pakalaga mai te vaitino penei, “Ka fai ne matou so se mea e fai mai ei koe.”

13Ne toe fai mai olotou muna penei, “A te vaitino ko to tokouke, ka ko te vaiua ko oko eiloa i te to malosi. E se mafai ne matou o tu penei i te matafale. A te mataupu tenei se se mataupu e mafai o fa'kaiku i se aso e tasi io me ne aso e lua, me e tokouke matou e taia i te agasala tena.

14Kaati ka nofo omotou ofisa i lelusalema o fai te mataupu. Tena la, a tino kola ne avaga ki fafine o fenua fakaatea ka fakasolosolo o o'mai i taimi kesekese, fakatasi mo takitaki mo famasino o olotou fa'kai. I te faiga tena, kaati ka galo te kaitaua o te Atua i te agasala tena.”

15E seai eiloa se tino ne teke ki te manatu tena, na ko Ionatana eiloa te tama tagata a Asaelu mo Iaseia te tama tagata a Tikava, kae 'kau atu foki ki ei ko Mesulama mo Sapetai te sa Levi.

16A te kau kona ne foki mai i te tafeaga, ne talia ne latou a te fuafuaga tena, tena ne fili ei ne Esela a tagata mai matai o kaukaiga kae fakamau olotou igoa. I te po muamua o te sefulu o masina ne kamata ei te lotou sukesukega ki te mea tena,

17tela la, i te tolu o masina, ne palele ei te sukesukega ki tagata e avaga ki fafine o fenua fakaatea.

Ko Tagata ne Avaga ki Fafine o Fenua Fakaatea

18Tenei te fakasologa o igoa o tagata kola ne avaga ki fafine o fenua fakaatea:

Ko Faitaulaga, mo igoa o olotou kaukaiga:

I te kaukaiga o Iosua mo ana taina, kola ko tama tagata a Iosataka: ko Maseia, Eliesa, Ialipa mo Ketalia.

19Ne tauto latou ke ma'vae latou mo olotou avaga, tena ne ofo ei ne latou se mamoe ke fai mo taulaga mō te fakamagaloga o olotou agasala.

20I te kaukaiga o Imela: Ko Hanani mo Sepatia

21I te kaukaiga o Halima: ko Maseia, Elia, Semaia, Ieielu mo Usia

22I te kaukaiga o Pasula: ko Elioenai, Maseia, Isamaeli, Netanelu, Iosapata, mo Elasa.

23Ko te kau sa Levi:

Ko Iosapata, Simei, Kelaia tela e fakaigoa foki ko Kelita, Petaia, Iuta mo Eliesa.

24Tino tata lakau:

Eliasipa.

Ko tausi o te Faletapu:

Saluma,Telema mo Uli.

25Ko nisi tino:

Te kaukaiga o Palosi: ko Lamia, Isia, Malakita, Mitiamina, Eleasalo, Malakita mo Penaia

26I te kaukaiga o Elama: ko Matania, Sakalia, Ieielu, Apiti, Ielemota mo Elia

27Te kaukaiga o Satu: Elioenai, Eliasipa, Matania, Ielemota, Sapata mo Asisa

28Te kaukaiga o Pepai: ko Ieoananu, Hanania, Sapai mo Atalai

29Te kaukaiga o Pani: ko Mesulama, Maluka, Ataia, Iasupa, Seala mo Ielemota

30Te kaukaiga o Pahata Moapi: Atana, Kelali, Penaia, Maseia, Matania, Pesaleli, Pinui mo Manase

31-32Te kaukaiga o Halima: Eliesa, Isia, Malakita, Semaia, Simeona, Peniamina, Maluka mo Semalia

33Te kaukaiga o Hasuma: Matenai, Matata, Sapata, Elifeleti, Ielemai, Manase, Simei

34-37Te kaukaiga o Pani: Matai, Amalamo, Uele, Penaia, Peteia, Keluhi, Uania, Melemota, Eliasipa, Matania, Matenai, mo Iasu

38-42Te kaukaiga o Pinui: Simei, Selemai, Natano, Ataia, Makanetepai, Sasai, Salai, Asalelu, Selemia, Semalia, Saluma, Amalia mo Iosefa

43Te kaukaiga o Nepo: Ieielu, Matitia, Sapata, Sepina, Iatai, Ioelu mo Penaia.

44A tagata katoa kona ne avaga ki fafine o fenua fakaatea. Ne ma'vae latou mo olotu avaga, uga ei ne latou ke olo keatea mo olotou tama.