ESEKIELU 8 - Tuvalu Revised Bible

KO TE LUA O FAKAASIGA KI A ESEKIELU E UIGA KI TE ATUA(8.1—10.22)Ko te Tapuaki ki Tupua i Ielusalema

1I te po lima, i te one o masina, i te ono o tausaga o matou i te tafeaga, a takitaki o te kau Iuta kona ne fakatafea e sagasaga fakatasi matou i loto i toku fale. I kona eiloa, ko te mana eiloa o te Aliki Sili ko oko mai ki a au.

2 mo nisi mea kola e tapuaki ki ei a tino Isalaelu.

11E tinofitu a takitaki o tino Isalaelu e nofo mai i kona, e aofia ei a Iasania te tama tagata a Safana. E tofu eiloa latou mo mea sunu mea manogi, ka ko te au e fanake mai i olotou mea manogi kona.

12Ne fesili mai te Atua ki a au penei, “Te tagata ola, e lavea ne koe a mea a takitaki o Isalaelu kona e fai funa? E fai olotou tapuakiga i te potu e fonu i ata fakatusa. E penei te fakamasakoga a latou:‘A matou e se lavea ne te Aliki! Ko oti ne tiaki ne ia a te fenua.’ ”

13Tena, kae fai mai te Aliki ki a au penei, “Ka lavea ne koe e fai ne latou a mea e tafasili atu i te mataga i lo mea kona ne fai ne latou.”

14Ne ave ne ia au ki te mataloa i matu o te Faletapu, kae fakaasi mai ne ia ki a au a fafine e tagi i te mate o te atua ko Tamusa.

15Ne fesili mai a ia penei, “Te tagata ola, e lavea ne koe a te mea tena? Ka lavea ne koe a mea e tafasili atu i te mataga.”

16Tena, ne ave ei ne ia au ki te koga ki loto o te potu fono o te Faletapu. I kona, i tafa o te mataloa ki te koga tapuaki, i te va o te fata-fai-taulaga mo te auala, e nofo mai i ei e tusa mo te tinolua mo te tokolima tagata. E fuli olotou tua ki te koga tapuaki, kae e ifo ki te saegala, o tapuaki atu ki te la tela ko fanake.

17Muna a te Aliki ki a au, “Te tagata ola, e lavea ne koe a te mea tena? A tino Iuta konei e se malie foki i te fai ne latou o amioga mataga konei ne lavea ne koe i konei, mo te fakasauaga ne fai ne latou i te fenua katoa. Ikai, e manako eiloa ke o'mai o fai olotou amioga kona i loto i te Faletapu o fai au ke atili kaitaua malosi eiloa. Kiloke ki te salaga ne latou o te toe mea mataga eiloa, ke fai ei au ke kaitaua!

18Ka lagona eiloa ne latou a te malosi katoatoa o toku kaitaua. Ka se fakasao ne au latou, se alofa foki eiloa ki a latou. Ka pakalaga latou o talo mai ki a au i te mea e mafai ne latou, kae ka se fakalogo eiloa au ki a latou.”