1Tenei te fekau tela ne aumai ne te Atua ki a Isaia, te tama tagata a Amota, e uiga ki Iuta mo Ielusalema:
2I aso mai mua nei,
A te mauga tela e tu ei te Faletapu ka maluga atu i mauga katoa.
E uke a malo ka o'mai ki ei,
3Ka ko olotou tino ka fai ake penei,
“Tatou ka olo ake ki te mauga o te Aliki,
Ki te Faletapu o te Atua o Isalaelu.
Ka akoako mai ne ia tatou ki mea e manako a ia ke fai ne tatou;
Ka sasale tatou i auala me ne filifili ne Ia.
Me i te akoakoga a te Aliki e vau mai i Ielusalema;
E faipati a ia ki tena fenua mai i Siona.”
4 Ioelu 3.10; Mika 4.3 Ka fakatoka ne ia a kinauga i va o malo lasi.
Ka tuki ne latou olotou pelu ke fai mo mea fakamalū laukele
Ka ko olotou tao ke fai mo naifi vele vao.
Ka se toe taua eiloa a malo,
Se toe fakatoka eiloa mō se taua.
5Te gafa o Iakopo, o'mai nei ke sasale tatou i te mainaga tela ne aumai ne te Aliki ki a tatou!
Te Fakamatamata ka Fakaseaoga6Te Atua, koe ko se saga ki tou fenua, te gafa o Iakopo! A te fenua ko fonu i tino fakataulaitu mai i te saegala, pela foki mai i Filisitia. A tino ko tautali i tu mo aganu a fenua fakaatea.
7A olotou fenua e fonu i siliva mo aulo, e seai se gatamaiga o olotou koloa. E uke a solofanua a latou, e pena foki olotou kaliota.
8E uke atua faite i olotou fenua, kae tapuaki ki mea ne faite ne latou ki olotou lima.
9A tino katoa ka ta kae fakamasiasi. Te Aliki, sa fakamagalogina latou!
10 Faka 6.15; 2Tesa 1.9 Ka muni latou i ana i kaupapa maluga, io me keli a lua i te laukele o muni i ei ke sao latou mai i te kaitaua o te Aliki, kae ke muni foki mai i tena malosi mo tena malu!
11E oko mai te aso ka fakagata ei te fakamatamata o tino, pela foki te uiga fiasili o latou. Tena la, ko te Aliki fua tokotasi ka manumalo.
12I te aso tena, ka fakaseaoga ne te Aliki Malosi a tino takutakua katoa, tino fakamatamata mo tino fiasili.
13Ka fakamasei ne ia a alasi maluga o Lepanona pela foki a lakau ko oka i te fenua o Pasana.
14Ka fakalaugatasi ne ia a mauga maluga mo koga malugaluga,
15pela foki a taoa maluga katoa mo pui o fa'kai malosi katoa.
16Ka fakaapulu foki ne ia a vakamutu ke oko eiloa ki vakamutu lasi eiloa kae gali.
17-18Ka gata te fakamatamata o tino, pela foki olotou uiga fiasili. Ka se toe ai ne tupua e lavea atu, ka ko te Aliki fua tokotasi ka manumalo i te aso tena.
19A tino ka olo o muni i ana i kaupapa maluga, io me keli a lua o muni i ei ke sao latou mai i te kaitaua o te Aliki, kae ke muni foki mai i a ia, i te taimi e vau ei a ia o luelue te lalolagi.
20Kafai e oko mai te aso tena, ka 'pei keatea olotou tupua aulo mo tupua siliva kola ne faite, kae tiakina atu ki manu ko mole mo pate.
21Kafai ko vau te Aliki o luelue te lalolagi, ka ko tino ka olo o muni i pūga mo ana i kaupapa maluga ke sao latou mai i te kaitaua o te Aliki, kae ke muni foki latou mai i tena mana mo tena malu.
22Sa toe talitonu ki tagata ola. Se a te aoga o latou?
Who We AreWhat We EelieveWhat We Do
2025 by iamachristian.org,Inc All rights reserved.
