1 TUPU 6 - Tuvalu Revised Bible

Solomona ko Faite te Faletapu

1I te lua o masina, te masina o Sivi, i te fa o tausaga o te nofoaiga a Solomona, ne kamata ei Solomona o galue ki te faitega o te Faletapu. Ko tusa nei mo te faselau valusefulu tausaga talu mai te taimi ne tiakina ei ne te fanauga a Isalaelu a te fenua o Aikupito.

2A te koga i loto e tusa mo te luasefulu fitu mita te loa, iva mita te lauefa, kae sefulu tolu tesimale lima mita te maluga.

3A te fapaologa e tusa mo te fa tesimale lima mita te 'poko ki loto, kae e iva mita te lauefa, e pela eiloa te lauefa mo te potu tapu.

4A 'pui o te Faletapu e isi ne fakapupuga i ei, e pu foliki ki tua kae tai 'pu mata lasi i te feitu ki loto.

5E isi se fale fogafale tolu ne faite o faka'piki ki kaokao o te Faletapu mo tena feitu ki tua. A te fogafale e tasi e tusa mo te lua tesimale lua mita te maluga.

6A potu takitasi i te fogafale tafa ki lalo e taki lua tesimale lua mita te lauefa; i te fogafale i te kogaloto a potu i ei e takilua tesimale fitu mita te lauefa; ka ko potu i te fogafale tafa ki luga e tusa mo te tolu tesimale tasi mita te lauefa. A te 'pui o te Faletapu e matolu i te fogafale ki lalo, ko tai manifi atu i te fogafale i te kogaloto kae tai manifi atu eiloa i te fogafale tafa ki luga, tela la, a potu i fogafale takitasi e lago katoa ki luga i te 'pui, kae ko seai ei ne 'saga e faka'piki ki te 'pui.

7A fatu kola ne faite ki ei te Faletapu ne katikati katoa eiloa i te koga ne keli mai i ei, tela la, e seai eiloa se samala io me se takū io me so se mea faigaluega fiti ne lagona atu ke pakeke mai i te taimi ne faite ei te Faletapu.

8A te mataloa ki te fogafale tafa ki lalo o te fale fakaopoopo ki te Faletapu, e tu i te feitu ki saute o te Faletapu, kae e isi ne kakega e olo ake ki te fogafale lua mo te fogafale tolu.

9Tena, ne palele eiloa te Faletapu ne faite ne te Tupu ko Solomona. Ne faite ne ia te fakaalo ki laupapa o te alasi.

10A te fale fogafale tolu tela ne fakaopoopo ki te Faletapu, tela e takilua tesimale lua mita te ma'luga o fogafale takitasi, ne faite faka'piki ki te 'pui o te Faletapu, kae ne soko ki lakau fakalava o te alasi.

11Muna a te Aliki ki a Solomona,

12“Kafai e fakalogo koe ki aku tulafono mo fakatonuga, kae ka fai ne au mo koe a te mea ne tauto ei au ki tou tamana ko Tavita.

13Ka nofo fakatasi au mo oku tino i loto i te Faletapu tenei e faite ne koe, kae ka se toe tiakina eiloa ne au a latou.”

14Tena, ne palele eiloa te Faletapu ne faite ne Solomona.

Ko te Koga i Loto o te Faletapu(2NTupu 3.8-14)

15A te pui loto o te Faletapu e ufi ki laupapa o te alasi mai te fola ke oko ki te fakaalo, ka ko te fola e faite ki laupapa o te paina.

16

17A te potu i mua o te Potu Tafasili i te Tapu e sefulu valu mita te loa.

18A pui kola e faite ki laupapa o te alasi e fakagaligali ki ata o fuagalakau o vine mo pula lakau e koli i laupapa; a te 'pui loto katoa e ufi ki laupapa o te alasi, tela la, a fatu o te 'pui e se lavea atu.

19I te feitu tafa eiloa ki loto i te Faletapu, e isi se potu ne faite i ei, ko te koga e tuku ei te Pusa o te Feagaiga a te Aliki.

20A te potu tenei e iva mita te loa, iva mita te lauefa kae iva mita foki te maluga, kae ufi katoa ki te tina aulo. A te fata-fai-taulaga e ufi ki laupapa o te alasi.

21A te koga i loto o te Faletapu e ufi ki aulo, ka ko te mataloa o te Potu Tafasili i te Tapu e 'tau i ei a filifili aulo. A te Potu tena e ufi foki ki aulo.

22Eso 30.1-3 A te koga katoa i loto o te Faletapu e ufi katoa ki te aulo, pela foki te fata-fai-taulaga i te Potu Tafasili i te Tapu.

23 Eso 25.18-20 E lua a kelupi e faite ki te lakau ko te olive, kae e tuku i te Potu Tafasili i te Tapu, e takifa tesimale fa mita te ma'luga.

24-26A te ava manu kona e pau eiloa te lasi, e 'pau foki o la foliga. E tofu mo kapakau takilua, e tusa mo te lua tesimale lua mita te 'loa o kapakau takitasi, tela la, a te loa mai te mata o te kapakau e tasi ki te mata o te sua kapakau, e tusa mo te fa tesimale fa mita te loa.

27A manu faite kona e faka'tu ke faka'saga ki te koga e tasi, i loto i te Potu Tafasili i te Tapu. A kapakau o laua kola e tafa ki loto e pa'tele i te kogaloto o te potu, ka ko nisi kapakau e pa'tele ki 'pui takitasi.

28A kelupi kona e ufi katoa ki te aulo.

29A te pui katoa o te potu lasi mo te potu foliki e fakagaligali katoa ki ata o kelupi, mo lakau ko pāma, mo pula lakau.

30Ke oko foki eiloa ki te fola e ufi foki ki te aulo.

31E lua feitu mataloa ne faite ki laupapa o te lakau ko te olive, ne fakapiki ki te mataloa o te Potu Tafasili i te Tapu; a te koga tafa ki luga o te mataloa e makaikai.

32A mataloa e fakagaligali foki ki ata o kelupi, mo ata o lakau ko pāma, mo ata o pula o lakau. A mataloa, mo kelupi, mo lakau ko pāma e ufi katoa ki te aulo.

33A te mataloa o te potu lasi, ne faite fakata'fa ki laupapa o te olive.

34E lua a mataloa e fetu, kola ne faite ki te paina,

35kae ne fakagaligali ki ata o manu fai kapakau, lakau o pāma mo pula lakau, kola e ufi katoa foki ki aulo.

36E isi se potu ne faite i mua o te Faletapu kae e pui ona feitu; a te pui tena e ati ki fatu. E tolu unu fatu kae fakava ki te saga alasi, ko fai eiloa pena ki te gataga o te 'pui.

37A te fakavae o te Faletapu ne faite i te lua o masina, te masina o Sivi, i te fa o tausaga o te nofoaiga a Solomona.

38I te valu o masina, te masina o Pulu, i te sefulutasi o tausaga o te nofoaiga a Solomona, ne palele ei te faitega o te Faletapu, e pela eiloa mo te ata ne fakamoe. E tusa mo te fitu tausaga ne faite ei ne Solomona te Faletapu.