2 TIMOTEO 4 - Tuvalu Revised Bible

1Ko fakatonu malosi atu au ki a koe i mua o te Atua mo Keliso Iesu, tela ka fakamasino ne ia a tino ola mo tino 'mate: Ona ko tena oko mai i tona malo, ko fakatonu atu ei ne au koe,

2ke folafola atu ne koe te muna, o 'fuli mai a loto, ka ke mau eiloa koe i te folafola atu, i taimi 'tau mo taimi se 'tau, o fakatonu atu, o akoako atu, o fakamalosi atu, o akoako atu foki fakatasi mo te kufaki katoatoa.

3E oko mai te taimi ko se toe faka'logo ei tino ki akoakoga tonu, kae ka tautali atu ki olotou manakoga, kae ka fakapotopoto foki ne latou a faiakoga kola e logosala olotou akoakoga ki olotou taliga.

4Ka 'fuli latou keatea mai te mea tonu o faka'logo ki tala 'kai.

5Kae pela mo koe, e 'tau eiloa mo koe o mafaufau faka'lei i mea katoa, kufaki i puapuaga, fai te galuega a te tino folafola, kae fakataunu tau galuega totino, e pela mo se tavini a te Atua.

6Kae nei ko oko mai a te taimi e tuku atu ei au ke fai mo taulaga; me ko pili mai te taimi e tuku ei ne au a te olaga nei.

7Ko oti ne fai ne au te mea sili i te fakataufaiga, ko oti foki au ne tele i te fakatau'telega loa, ko oti foki ne taofi mau ne au te fakatuanaki.

8Kae nei, ko oti ne fakatakato mo oku a te foualiki o te amiotonu, tela ka tuku mai ki a au ne te Aliki tela ko te famasino fai mea tonu i te Aso tena, kae se ki a au fua, kae pela foki ki a latou katoa kola e fakatali'tali mo te alofa ki tona toe foki mai.

Ko Muna Totino a Paulo

9Taumafai malosi ke oko fakavave mai koe ki a au.

10Kolo 4.14; File 24; 2Koli 8.23; Kala 2.3; Tito 1.4 E pela mo Tema ne manatu ki te lalolagi, i aso nei ko oti ne tiakina ne ia a au kae fano ki Tesalonia. Ko Kelesene ne fano ki Kalatia ka ko Tito ki Talamatia.

11Kolo 4.14; File 24; Galu 12.12,25; 13.13; 15.37-39; Kolo 4.10; File 24 A Luka tenei eiloa e 'nofo maua. Puke mai a Maleko ke o'mai koulua; me ko oko eiloa i te aoga me fesoasoani mai ki a au i te galuega.

12Galu 20.4; Efe 6.21-22; Kolo 4.7-8 Ko oti ne uga ne au a Tuiko ki Efeso.

13Galu 20.6 Kafai foki e vau koe, puke mai toku gatu 'loa tela ne tuku ne au i a Kapasi i Teloa, pela foki mo tusi, kae sili eiloa i mea kona, ko tusitusiga kola e tusi ki luga i pakili o manu.

14 1Timo 1.20; Sala 62.12; Loma 2.6 A Alesana te tagata tuki fiti, e faka'mae malosi ne ia a toku loto. Ka taui atu ne te Aliki ki a ia ana mea ne fai.

15Ke fakamao koe mai i a ia, me ko 'teke malosi ne ia te talaiga a tatou.

16E seai se tino ne tu mō oku i te taimi muamua ne fakamasino ei au, kae ne taumafai eiloa au o fakasao au, ne tiakina katoa ne latou au. Ke se taui atu ne te Atua a te mea tena ki a latou!

17Ka ko te Aliki ne tu eiloa i oku tafa, kae ne tuku mai ne ia ki a au a te malosi o folafola atu katoatoa te muna, ko te mea ke lagona katoa ne tino o fenua fakaatea; kae fakasaogina foki au mai te gutu o te leona.

18A te Aliki ka fakasao ne ia au mai mea masei katoa, kae avatu foki ne ia au fakalei ki tona Malo faka te lagi. Ke i a ia te vikiga ki te se gata mai, ki te se gata mai eiloa! Amene.

Ko Alofaaga Fakapalele

19 Galu 19.22; 2Timo 1.16-17 Ko alofa atu au ki a Pisila mo Akuila, pela foki te kaiga katoa o Onesefolo.

20 Galu 19.22; Loma 16.23; Galu 20.4; 21.29 A Elata ne nofo i Kolinito; Tolofimo ne tuku ne au i Meleto me masaki.

21Taumafai malosi ke oko mai koe mai mua o te tau 'moko.

Ko alofa atu a Eupele, a Paute, a Lino, a Kalaotia pela foki mo te kau taina ki a koe.

22Ke nofo te Aliki i tou agaga.

Ke i a koutou katoa a te alofa tauanoa o te Atua.