SALAMO 127 - Tuvalu Revised Bible

Ko Vikiga o te Aga'lei o te Atua

1Kafai e se faite ne te Aliki te fale,

E seai se aoga e galue fua ei a tufuga fai fale;

Kafai e se tausi ne te Aliki a te fa'kai,

E seai se aoga e sona 'tu ei a leoleo o tausi te fa'kai.

2E seai se aoga e ga'lue fakamalosi ei koutou mo te tausiga o te olaga,

Pela mo te ala usu i te taeao kae moe ko leva te po.

Me i te Aliki e tuku atu eiloa ne ia a mea ki a latou

Kola e alofa a ia ki ei ka koi moe eiloa latou.

3A tamaliki ne meaalofa mai te Aliki;

Ko te tinā fakamanuiaga tonu eiloa tena.

4A tama tagata a se tagata ne fai ka koi tamataene a ia,

E pau latou mo matasana i lima o se sotia.

5Amutia a te tagata e uke ana matasana pena,

Ka se mafai o fakatakavalegina,

Manafai e fakafesagai mo ona fili i te koga e fai ei fakamasinoga.