LOMA 2 - Tuvalu Revised Bible

Ko te Fakamasinoga Tonu a te Atua

1 Mata 7.1; Luka 6.37 Tela la, ko seai sau fakamasakoga e toku tagata, e tusa me ko oi koe, kae kafai e fakamasino atu koe, ko fakamasino eiloa koe ne koe, me i te famasino e fai foki ne ia a mea kona.

2E iloa foki ne tatou me i te fakamasinoga a te Atua, e paku tonu eiloa ki luga i a latou kola e fai amioga ma'sei penei.

3Toku tagata, i tou taofi me kafai e fakamasino atu ne koe a tino kola e amioga pena, kae tela ei koe e amioga foki pena; e a, e mafai ne koe o sao mai i te fakamasinoga a te Atua?

4Kae a, ko fakaseaoga fua ne koe te lasi o tona alofa kaimalie, tena loto mau mo te kufaki? E se iloa ne koutou i te alofa kaimalie o te Atua e takitaki ne ia koe ki te salamo ki agasala?

5Kae ona ko tou loto makeke mo te finau vale, ko fakaputu ake ne koe ou fakasalaga mō te Aso o te kaitaua o te Atua, tela ka fakaasi mai ei tena fakamasinoga tonu.

6Sala 62.12; Faata 24.12 Ka tuku atu ne ia te 'togi ki tino katoa, e tusa mo olotou galuega ne fai.

7E tuku foki ne ia te ola se gata mai ki tino kola e ga'lue 'lei, kae 'sala foki ki vikiga, te 'malu mo te ola tumau.

8Ka ko latou kola e ma'natu fakapito, kae se faka'logo ki te mea tonu, kae faka'logo ki te amio masei, ka i luga i a latou te fakasalaga mo te kaitoa.

9E isi foki ne mea 'fita mo te logo'mae mō tino katoa kola e fai amio masei, e muamua te Iutaia, kae tafa atu te Eleni.

10Ka ko te vikiga, te 'malu mo te filemu, e o tino katoa kola e fai mea 'lei, e muamua te Iutaia kae tafa atu te Eleni.

11Teu 10.17Me i te Atua e se fakailoga tino.

12A tino o fenua fakaatea e se iloa ne latou a te Tulafono, kae kafai e agasala latou e se fakamasinogina eiloa latou ne te Atua ki te Tulafono. A tino Iutaia e 'nofo mo te Tulafono, kae kafai e agasala latou, e fakamasinogina latou i te Tulafono.

13I te mea e se ko tino kola ne fakalogo'logo olotou taliga ki te Tulafono e amiotonu i mua o te Atua, ka ko latou kola e tausi te Tulafono ka takuamiotonugina.

14E se maua ne fenua fakaatea te Tulafono, kae kafai e fai ne latou a fakatonuga o te Tulafono i te loto lagona, ne tulafono mea kona ki a latou; kae tonu me e seai se lotou Tulafono.

15E fakaasi mai ei ne latou me i mea kola e manako ki ei te Tulafono, e tusi i olotou loto; kae molimau foki olotou mafaufau me tonu, i te mea i nisi taimi ko fakamasino io me fakasao latou ne olotou manatu.

16E pela mo te Tala 'Lei tenei e folafola atu ne au, ko te auala tena e fakamasino ei ne te Atua a tino i te Aso e oko mai ei a Iesu Keliso. Ka fakamasino ne ia e tusa mo tulafono e tusi i olotou loto.

Ko Tino Iutaia mo te Tulafono

17Kafai koe e taku se Iutaia, kae fakalagolago ki te Tulafono, kae fakamatamata foki ona ko te sokoga o koe mo te Atua.

18E iloa foki ne koe te loto o te Atua, kae fakamaoni foki ne koe te mea 'lei mo te mea masei, i te mea i a koe ne akoga i te Tulafono.

19Kae kafai ko iloa tonu ne koe i a koe ko te takitaki o te tino kivi, se mainaga ki a latou kola e i te pouliga,

20se tino fakatonu o tino va'lea, se faiakoga o tamaliki, i te mea ko maua ne koe te foitino o te poto mo te mea tonu i te Tulafono.

21Ai a e akoako ei ne koe a nisi tino, kae se akoako koe ki a koe eiloa? E lauga atu ne koe te se kaisoa, ka ko koe e kaisoa.

22Ne fai mai koe me se 'tau se tino o mulilua, ka ko koe e mulilua. A koe e takalialia ki tupua, kae tela la, e fao malo ne koe a mea tapu i fale tapuaki ki tupua.

23A koe e fakamatamata me e tausi ne koe a te tulafono a te Atua, kae kafai e ofa ne koe te tulafono ko se ava koe ki te Atua.

24Isa 52.5I te mea ne muna mai te Tusi, “Ko takumaseigina a te igoa o te Atua i fenua fakaatea ona ko koutou.”

25E aoga te pilitome manafai e tausi ne koe te Tulafono; kae kafai ko ofa ne koe te Tulafono, a tou pilitome ko fai pela mo se tino se pilitome.

26Tela la, kafai ko te tino e seki pilitome kae tausi ne ia fakatonuga o te Tulafono, ko tena uiga ko fai te tino tena mo tino pilitome.

27Ko latou kola e seki pilitome eiloa i te foitino, kae tausi ki te Tulafono, ka fakamasinogina ne latou koutou kola e isi te otou Tulafono tusia mo te pilitome, kae ofa ne koutou.

28A te Iutaia tonu, e se ko ia tela e lavea atu ki mata, i te mea a te pilitome tonu, se mea fua i tua o te pa'kili kae lavea foki ki mata.

29Teu 30.6A te Iutaia tonu, ko ia tela e lagona tonu ne ia i tena loto, me i te pilitome tonu se mea tau te loto, se mea faka te Agaga, kae se se mea o te tulafono tusia. A tena vikiga e se mai i tino kae mai i te Atua.