ISAIA 44 - Tuvalu Revised Bible

A te Aliki ko te Atua e Tokotasi

1A te Aliki ne faipati mai penei,

“Isalaelu taku tavini, toku fenua filifilia,

Te gafa o Iakopo, fakalogo mai i te taimi nei.

2Au ko te Aliki tela ne faite ne ia koe;

Au ne fesoasoani atu ki a koe talu

Mai te taimi ne fanau ei koe.

Sa mataku; a koe ko taku tavini,

Ko toku fenua filifilia tela e alofa au ki ei.

3“Ka avatu ne au ne vai ki te laukele seai ne vai,

Kae faka'tafe a vaitafe foliki i luga i te laukele malo.

Ka ligi atu ne au toku mana ki luga i au tamaliki,

Mo taku fakamanuiaga ka tuku atu ki luga i tino o tou gafa.

4Ka olaola lei latou e pela me ne mouku kola e fakasusu faka'lei,

Pela me ne lakau ko uilou i tafa o vaitafe foliki.

5“Ka fai ake a muna a tino taki tokotasi penei,

‘Au e a te Aliki.’

Ka o'mai latou o kau mai ki tino Isalaelu.

Ka tusi ne latou te igoa o te Aliki i olotou lima,

Kae fai aka pela i a latou ko tino o te Atua.”

6 mo te tino e kai ki lefu. Ko fakase a ia ne ona mafaufauga valea, ko faigata o aoga se fesoasoani a se tino ki a ia. E se mafai eiloa o fai mai i te tupua tela i ona lima e se se atua.

Ko te Aliki, te Tufuga mo te Fakaola

21Muna a te Aliki,

“Isalaelu, masaua te mea tenei;

Masaua i a koe ko taku tavini.

Ne faite ne au koe ke fai mo aku tavini,

Kae ka se mafai o fakapuli ne au a koe.

22Ne fue keatea ne au au agasala e pela me se kaumana.

Foki mai ki a au; ko au ne fakasao ne au a koe.”

23Kalaga mo te fiafia, koutou lagi!

Koga poko o te lalolagi, kalaga!

Kalaga mo te fiafia, koutou mauga,

Mo lakau katoa o te vao!

Ko oti ne fakaasi mai ne te Aliki a tena malosi

I te fakasaoga ne ia o tena fenua ko Isalaelu.

24“Au ko te Aliki te otou fakaola;

Ko au ne faite ne au koutou.

Au ko te Aliki, ne faite ne au a mea katoa.

Ko au tokotasi ne fola ne au a lagi;

I te taimi ne faite ei ne au a te lalolagi,

E seai eiloa se tino ne fesoasoani mai ki a au.

25 1Koli 1.20 Ne fakaseaoga ne au a tino fakamatala mea tupu i aso fakamuli,

Kae fakase ne au a valoaga a tino poto i fetu.

E fakaseaoga ne au a muna a tino poto

Kae fakaasi atu foki ne au i te lotou poto ko te valea tena.

26Kae kafai ko fai se valoaga a taku tavini,

Kafai ko uga ne au se avefekau ke fano o fakaasi aku fuafuaga,

Ko au foki eiloa e fakataunu ne au a fuafuaga mo valoaga kona.

Au e fai ki a Ielusalema me i tino ka toe o'mai o nofo i ei,

Pena foki ki fa'kai o Iuta, me ka toe faite.

A fa'kai kona ka toe faka'tu aka.

27E fakamasapakupaku ne au a te moana,

I taku fakatonuga.

28 2NTupu 36.23; Esela 1.2 Au ne fai atu ki a Kulesa penei,

‘A koe ne fili ne

Au ke fai koe mo pule kae fakatonutonu atu koe ne au;

Ka fai ne koe a te mea tela e manako au ke fai ne koe:

Ka fai tau fakatonuga ke toe atiake Ielusalema,

Pela foki a te fakavae o te Faletapu ke faite.’ ”