1 NOFOAIGA TUPU 17 - Tuvalu Revised Bible

Ko te Fekau a Natano ki a Tavita(2Samu 7.1-17)

1A Tavita ko nofo nei i tena palesi. I te aso e tasi, ne uga tena fekau ki te pelofeta ko Natano, kae fai atu ki a ia penei, “Kilo mai ki a au tenei e nofo i te fale ne faite ki alasi, ka ko te Pusa o te Feagaiga e tuku fua i te faleie!”

2Ne tali atu Natano penei, “Fai so se mea e mafaufau koe o fai, i te Aliki e fakatasi atu eiloa ki a koe.”

3I te po tena, ne fai atu te Atua ki a Natano penei,

4“Fano o fai ki taku tavini ko Tavita aku muna konei,‘E se ko koe te tino e faite ne koe se faletapu mo oku nofo.

5Mai i te taimi ne fakasao ei ne au a tino Isalaelu mai Aikupito ke oko mai ki te aso nei, au seki nofo eiloa i se faletapu; au ne nofo faeloa i faleie, kae malaga faeloa mai i te sua koga ki te sua koga.

6I te taimi ne olo sale ei matou mo tino Isalaelu, ne seki fesili eiloa au ki takitaki kola ne filifili ne au, me ai a e seki faite ei ne latou se faletapu mo oku ki lakau o te alasi.’

7“Tela la, fai ki taku tavini ko Tavita me i a au, te Aliki Malosi, e fai atu ki a ia penei, ‘Ne puke mai ne au a koe mai i te koga ne tausi mamoe ei koe, kae fai ne au a koe mo takitaki o toku fenua ko Isalaelu.

8Au ne fakatasi atu ki a koe i koga katoa e fano koe ki ei, kae ne fakatakavale ne au ou fili katoa i te taimi e fanatu ei koe o taua ki a latou. Ka fai ne au a koe ke takutakua e pela mo takitaki tafasili i te takutakua i te lalolagi.

9-10Ko oti ne filifili ne au se koga 'lei mo tino Isalaelu, kae ko oti foki ne fakanofo ne au latou i kona, te koga ka nofo latou i ei, se toe pule fakasauagina ne se malo. Talu mai te taimi ne ulu mai ei latou ki loto i te fenua tenei, e isi faeloa ne tino fakasaua e taua atu ki a latou, kae nei, ka se toetupu se mea pena. Au e tauto me ka fakatakavale ne au otou fili katoa, kae tuku atu ne fanau e tokouke ma koutou.

11Kafai ko mate atu koutou, kae ko tanu fakatasi atu mo otou tupuga, kae ka fai ne au se tama tagata e tokotasi a koutou ke fai mo tupu, kae ka tausi eiloa ne ia tena malo ke malosi.

12Ko ia tena ka faite ne ia se faletapu mo oku, kae ka onoono faka'lei au ke fakatumau ne au te fakasologa o tupu i tena gafa ki te se gata mai.

13

18Ne a foki aku muna ka toe fai atu! E ui eiloa e iloa faka'lei ne koe a au, kae e fai eiloa ne koe au ke fakaaloalogia ne tino.

19Ko tou loto mo tou fakamoemoega ke fai ne koe a mea kona mo oku, kae ke fakaasi mai foki ne koe toku maluga i aso fakamuli.

20Te Aliki, e seai se tino e pau mo koe; ko leva ne iloa ne matou me ko koe fua ko te Atua.

21E seai se malo i te lalolagi e pela mo Isalaelu, tela ne faka'sao ne koe mai i te nofo pologa ke fai mo ou tino tonu. A mea gali kae fakaofoofogia kola ne fai ne koe mō latou, ko ala ei o takutakua tou igoa i te lalolagi katoa. Ne faka'sao ne koe ou tino mai i Aikupito, kae afuli keatea ne koe a nisi malo i te taimi e olo atu ei koutou ki mua.

22Ko oti ne fai ne koe Isalaelu mo fai tou fenua tonu ki te se gata mai, ka ko koe, te Aliki, ko fai mo Atua o latou.

23“Kae nei, te Aliki te Atua, fakataunu aka a tautoga a koe ne fai e uiga ki a au mo toku gafa, kae fai a mea kola ne mafaufau koe ke fai.

24A tou takutakua ka seai se gatamaiga, ka ko tino ka fai faeloa penei, ‘A te Aliki Malosi ko te Atua o Isalaelu.’ Kae ka fakatumau ne koe toku laina tupu ki te se gata mai.

25Ne loto malosi au o fai atu taku talo tena ki a koe toku Atua, me ko oti ne fakaasi mai ne koe ki a au tau tavini, a mea katoa kona, kae ne fai mai foki koe me ka fai ne koe a tino i toku gafa ke fai mo tupu.

26Te Aliki, a koe ko te Atua, kae ko oti ne fai ne koe te feagaiga gali tena ki a au.

27Au e fakamolemole atu ke fakamanuia mai ne koe toku gafa, ko te mea ke tumau faeloa te taulia o latou i a koe. Te Aliki, ko oti ne fakamanuia ne koe latou, ka ko tau fakamanuiaga ka tumau i a latou ke oko ki te se gata mai.”

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help