SALAMO 132 - Tuvalu Revised Bible

Ko Vikiga o te Faletapu

1Te Aliki, sa fakapuli ne koe Tavita,

Mo mea faigata katoa ne oko ki a ia.

2Te Aliki, masaua a tena folafolaga ne tauto atu ei ki a koe a te Atua Malosi o Iakopo:

3“Ka se fano au ki toku fale io me fano au ki toku moega;

4Au ka se malolo io me moe,

5Seiloga ke fakatoka mua ne au se koga mo te Aliki,

Se fale mo te Atua Malosi o Iakopo.”

6 2NTupu 6.41,42 Ne 'logo matou e uiga mo te Pusa o te Feagaiga i Peteleema,

Ne maua ne matou i kogā laukele o Iealima

7Ne fai atu matou pela, “Tatou ka olo ki te fale o te Aliki;

O tapuaki atu i mua o tena nofogaaliki.”

8Te Aliki, vau ki te Faletapu mo te Pusa o te Feagaiga,

Ko te fakailoga o tou mana, kae nofo i ei ki te se gata mai.

9Ko au faitaulaga ke fai mea tonu faeloa;

Ke ka'laga fiafia katoa ou tino!

10Ne fai tau feagaiga mo Tavita tau tavini;

Te Aliki, sa ita la ki tau tupu ne filifili.

11 2Samu 7.12-16; 1NTupu 17.11-14; Sala 89.3,4; Galu 2.30 Ne fai ne koe se feagaiga 'malu ki a Tavita,

Se feagaiga e se mafai o fuli:

“Ka fili ne au se tokotasi mai i au tamaliki tagata ke fai mo tupu,

Ka tupu a ia manafai e oti atu tau nofoaiga.

12Kafai e fakamaoni au tama'liki tagata ki taku feagaiga,

Mo aku fakatonuga e fai ki a latou, ka fai foki mo tupu olotou tamaliki tagata i taimi katoa e pela mo koe.”

13Ne fili ne te Aliki a Siona;

Mo fai tena koga nofo tumau:

14“Tenei te koga ka nofo ei au ke oko ki te se gata mai;

Tenei foki te koga e manako au o pule i ei.

15Ka fai ne au Siona ke maukoloa i mea katoa e fia maua ne ia;

Ka tuku atu ne au meakai ki a latou kola e fia'kai.

16Ka fakamanuia ne au ana faitaulaga i olotou mea katoa e fai,

Ka ko ona tino ka usu pese kae ka'laga mo te fiafia.

17 1Tupu 11.36 I konei ka fai ne au se tokotasi mai mokopuna o Tavita ke fai mo tupu takutakua;

Mai konei foki ka fakatumau ne au a te pule a taku tupu ne filifili.

18Ka fakamasiasi ne au ona fili,

Ka ko tena malo ka manuia kae tupu olaola.”