1Kafai e oko mai te taimi tena, ka tokofitu fafine e olo ki te tagata e tokotasi o fai atu ki ei penei, “E mafai ne matou o sala omotou gatu mo omotou pei, kae fakamolemole atu matou ke taku matou ko au avaga, ke mo a e masiasi matou ona ko matou seki avaga.”
Ielusalema ka Toe Fakafou2Ka oko mai te taimi e toe fakaola ake ne te Aliki a vaega lakau katoa i te fenua ke ola ake o lasi kae gali. A tino Isalaelu katoa kola koi ola mai ka fiafia kae fakamatamata ona ko lakau kaina kola ko ola ake i te laukele.
3A tino katoa kola e toe i Ielusalema, kola ne filifili ne te Aliki ke sao, ka taku latou ne tino malu.
4Ka fakamasino kae faka'ma ne te Aliki ki tena 'mana a te malo, kae mulu faka'ma te agasala a Ielusalema pela foki a toto kola ne maligi i te koga tena.
5Eso 13.21; 24.16 Tena la, ka aumai ne te Aliki a te kaumana i te ao, ka ko te au mo te ulaga afi maina i te po, ke nofo mai i luga o te Mauga o Siona mo tino kona e maopoopo i kona. A te malu o te Atua ka ufi kae puipui ne ia a te fa'kai katoa.
6Ka faka'malu ne te malu o te Aliki a te fa'kai mai i te vela o te aso, kae fai mo koga e saogalemu, kae malu mai i te vaiua mo te afā.
Who We AreWhat We EelieveWhat We Do
2025 by iamachristian.org,Inc All rights reserved.
