SEFANAIA 3 - Tuvalu Revised Bible

Ko te Agasala a Ielusalema mo te Toe Fakaolaga o Latou

1Ielusalema ko malaia, te fa'kai amio masei kae se fakalogo, kae fakapologa foki ne ia ona tino.

2Ne seki fakalogo foki a ia ki te Aliki, seki talia foki ne ia tena akoakoga. Ne se fakatuanaki a ia ki te Aliki io me fakamolemole atu ki a ia mō se fesoasoani.

3A ona tino maluga ko pela mo ne leona fe'kai, mo ona famasino ko pela me ne kuli vao fiakai, ko se mafai ne latou o tiakina se pogaivi ki te sua aso ona ko to lasi a te kaimanako.

4A pelofeta ne tino se fakatuanakigina kae fonu i te fai togafiti masei; ko faitaulaga ko soli ne latou a te mea tela e tapu, kae fuli sē aka foki a te tulafono a te Atua mō te lei o latou.

5Ka ko te Aliki tenei eiloa e nofo i te fa'kai; e fai faeloa ne ia a te mea tonu, kae seai se mea 'se. I taeao katoa, e fai faeloa ne ia a te fakamasinoga tonu ki tena fenua. Kae e ui eiloa i te mea tena, a tino amio masei i te koga tena e tumau eiloa o fai amioga se tonu kae e se ma foki i ei.

6Muna a te Aliki, “Ko oti ne solo keatea ne au a malo lasi ke seai; ko oti foki ne fakamasei ne au olotou fa'kai lasi, mo pui mo olotou taoa ko malepelepe katoa. A fakai 'lasi ko tuku tiakina ne tino, a auala ko lavaki, me ko seai eiloa se tino e toe mai.

7Au ne manatu ifo pela, kaati la toku fenua ka maua ne latou se agaga āva ki a au kae talia ne latou taku akoakoga, kae ka se puli lele i a latou a te pogai ne akoako ei a latou ne au. Kae ne seki leva foki, ko toe fai foki ne latou a amioga ma'sei.”

8Muna a te Aliki, “Faitali malie, faitali ki te aso tela ka fakasala ei ne au a malo. Ko tonu eiloa i a au me ka puke fakatasi ne au a fenua mo malo, ko te mea ke lagona ne latou a te malosi o toku kaitaua. A te lalolagi katoa ka fakamaseigina ne te afi o toku kaitaua fakamataku.

9“Ka fuli ne au a loto o tino i fenua, kae ka talo mai latou ki a au fua eiloa, kae se ki nisi atua. A latou ka fakalogo eiloa ki a au.

10Me pefea a te 'mao o Sutana, ka ko oku tino kola e nofo i ei ka aumai ne latou a taulaga ki a au.

11A koutou toku fenua, i te taimi tena, e se tau mo koutou o 'ma ona ko te tekemaiga o koutou ki a au. Ka ave ne au keatea a tino katoa kola e fakamatamata kae fiasili, kae ka se toe teke lele mai a koutou ki a au i toku mauga tapu.

12Ka tuku ne au i te koga tena ko tino fua kola e loto maulalo mo te filemu, kola ka o'mai ki a au mō se fesoasoani.

13

Ka usu pese a ia kae loto fiafia ona ko koutou,

18E pela eiloa mo tino e nofo i se 'kaiga fiafia.”

Muna a te Aliki,

“Ko oti ne fakagata ne au te fakamataku o te fakasalaga,

Kae ave foki keatea mai a koutou te masiasi.

19Ko oko mai te taimi

Tela ka fakasala ei ne au a otou fili saua;

Ka fakaola ne au a tino 'pili katoa,

Kae fakafoki mai a tino ne fakatafea ki olotou kaiga.

Ka 'fuli ne au te masiasi o latou ki te malu,

Ka ko te lalolagi katoa ka tavae ki a latou.

20Ko oko mai te taimi

Tela ka faka'foki mai ne au otou tino kola ne salalau;

Ka fai ne au a koutou ke takutakua i te lalolagi katoa

Kae ke toetupu olaola mo te manuia.”

Kona pati a te Aliki.