1 NOFOAIGA TUPU 7 - Tuvalu Revised Bible

Ko te Gafa o Isakala

1A Isakala e tokofa ana tama tagata: ko Toula, Pua, Iasupa mo Similona.

2A Toula e tokoono ana tamaliki tagata: ko Usi, Lefaia, Ielielu, Iamai, Ipisama, mo Semuelu. A latou ne matai o kaiga i te kaukaiga o Toula, kae ne sotia takutakua foki. A te aofaki o latou i aso o te Tupu ko Tavita e tusa mo te 22,600.

3A Usi e tokotasi tena tama tagata, ko Isilaia. A Isilaia mo ana tama tagata e tokofa, ko Mikaeli, Opetaia, Ioelu mo Isia, ne matai katoa o olotou kaiga takitasi.

4E tokouke olotou avaga mo tamaliki — a tino i olotou gafa e mafai o maua i ei se kautau e tusa mo te 36,000 tagata.

5A te fuainumela tonu ne fakamau, e uiga ki te aofaki o tino i te matakaiga o Isakala kola ko tau o fai mo sotia, e tusa mo te 87,000 tagata.

Ko Gafa o Peniamina mo Tanu

6A Peniamina e tokotolu ana tama tagata: ko Pela, Pekali mo Ietialelu.

7A Pela e tokolima ana tama tagata: ko Esepono, Usi, Usieli, Ielimota, mo Ili. A latou ne matai o kaiga i te kaukaiga, kae ne sotia takutakua foki. E tusa mo te 22,034 tagata i te gafa o latou, kola ko tau o fai mo sotia.

8A Pekali e tokoiva ana tama tagata: ko Semula, Ioasa, Eliesa, Elioenai, Omeli, Ielemota, Avia, Anatota, mo Alemeta.

9A te aofaki o latou ne fakamau i tusi o te malo, e maua ei e 20,200 tagata ko tau o fai mo sotia.

10A Ietiaelu e tokotasi tena tama tagata, ko Pilana, ka ko Pilana e tokofitu ana tama tagata: ko Ieusa, Peniamina, Euta, Kenaana, Setana, Talasisi mo Apisahala.

11A latou ne matai o kaiga i te kaukaiga, kae ne sotia takutakua foki. A tino i olotou gafa, kola ko tau o fai mo sotia e tusa mo te 17,200.

12A Supima mo Hupima ne tino foki i te matakaiga tenei.

A Tanu e tokotasi tena tama tagata, ko Husima. Ko te Gafa o Nafatali

13A Nafatali e tokofa ana tama tagata: ko Iasielu, Kuni, Iesela, mo Saluma. A latou ne tupu mai i a Pila. Ko te Gafa o Manase

14E tokolua tama tagata a Manase ne fai i te fafine Alamea, te avaga fakasalasala a ia, ko Asilielu mo Makila. A Makila ko te tamana o Kileata.

15Ne sala ne Makila ne avaga ma Hupima mo Supima. A te igoa o tena tuagaene ko Maaka. A te sua tama tagata a Makila ko Selofeata, ka ko tama katoa a ia ne fafine.

16A Maaka, te avaga a Makila, ne fanau mai ne ia e tokolua tama tagata, fakaigoa ei ne latou ko Pelesa mo Selesa. A Pelesa e tokolua ana tama tagata, ko Ulama mo Lakema,

17ka ko Ulama e isi sena tama tagata e igoa ki a Petana. A latou katoa kona, ne tino i te gafa o Kileata, te tama tagata a Makila kae ko te mokopuna o Manase.

18A Hamoleketa, te tuagaene o Kileata, e tokotolu ana tama tagata: ko Isoto, Apiesa, mo Mahala.

19A Semita e tokofa ana tama tagata: ko Aiani, Sekema, Liki mo Aniama.

Ko te Gafa o Efalaima

20Tenei te fakasologa o te gafa o Efalaima i kautama takitasi: ko Sutela, Peleti, Tahata, Eleata, Tahata,

21Sapata, Sutela. E isi aka foki se tokolua tama tagata a Efalaima i tafa o Sutela: ko Eseli mo Eleata; a laua kona ne mate i te taimi ne taumafai ei o kaisoa a te pulumakau a tino Kata.

22Ne tagi fanoanoa te lotou tamana ko Efalaima i te mate o ana tama kona, kae ne o'mai ana taina o fakamafanafana a ia.

23Ne toe moe a ia mo tena avaga, tena ne faitama ei, fanau aka nei se tama tagata. Ne fakaigoa ne latou te tamaliki ko Pelia, e pela eiloa mo te fakalavelave tela ne oko atu ki te lotou kaiga.

24E isi se tama fafine a Efalaima e fakaigoa ki a Seela. Ne faite ne ia a fa'kai o Peta Holono i luga mo Peta Holono i lalo, mo Useni Seela.

25E isi foki se tama tagata a Efalaima e igoa ki a Lefa. Konei a tino i tena gafa: Lesefa, Tela, Tahana,

26Latana, Amiuta, Elisama,

27Nuno, Iosua.

28A te koga laukele tela ne puke ne latou o nofo i ei, e aofia i ei a Peteli mo fa'kai i ana tafa, ke oko atu eiloa ki Nalana i te saegala, kae e oko atu foki eiloa ki Kesela i te togala, pena foki mo fa'kai i ana tafa. E aofia foki i kona a fa'kai ko Sekema mo Aia, mo fa'kai foliki i o la tafatafa.

29Ko tino i te gafa o Manase e pule ne latou a fa'kai ko Pete Seana, Tanaka, Mekito, mo Toa, mo fa'kai foliki i olotou tafatafa.

Kona katoa a koga ne nofo ei a tino i te gafa o Iosefa te tama tagata a Iakopo.

Ko te Gafa o Asela

30Konei a tino i te gafa o Asela. E tokofa ana tama tagata: ko Imina, Isiva, Isivi, mo Pelia; kae e tokotasi tena tama fafine, ko Sela.

31A Pelia e tokolua ana tama tagata, ko Hepela, mo Malakielu. Ko Malakielu ne maua ne ia a te fa'kai o Pilisaita.

32A Hepela e tokotolu ana tama tagata: ko Iafeleti, Someli, mo Hotama; kae e tokotasi tena tama fafine, ko Sua.

33A Iafeleti e tokotolu foki ana tama tagata: ko Pasaka, Pimali, mo Asevata.

34A tena taina ko Someli, e tokotolu foki ana tama tagata: ko Loka, Ieupa, mo Alama.

35A tena taina ko Hotama e tokofa ana tama tagata: ko Sofa, Imina, Selesa, mo Amala.

36A tino i te gafa o Sofa ko Sua, Hanefele, Sualo, Peli, Imela,

37Pesela, Hoto, Siama, Silesa, Italana mo Peela.

38A tino i te gafa o Ietela ko Iefune, Pisepa, mo Ala,

39ka ko tino i te gafa o Ula ko Ala, Hanielu, mo Lisia.

40A tino katoa kona ko te gafa o Asela. A latou ne matai o kaiga takitasi, ne sotia takutakua, ne takitaki ko iloga. E tusa mo te 26,000 tagata ko tau o fai mo sotia i te gafa o Asela.