1“Kafai ko manako au o toe fakaola oku tino kae fai ke maumea, kae matea atu me e fai faeloa ne latou a amioga masei. E fakatau fakaloiloi sua tino ne sua tino; e ulu ki loto i fale o kaisoa; e ta ne latou a tino kae fao malo olotou mea i auala.
2E se iloa lele eiloa ne latou me e masaua eiloa ne au a amioga masei konei; a olotou agasala ko fetaotaomaki i olotou tafa, tela la, e se mafai ne au o fakaseke.”
Ko Togafiti Funa i Loto i te Palesi3Muna a te Aliki, “Ko fakaloiloi ne tino a te tupu mo ana ofisa ki olotou togafiti ma'sei.
4Ko oko eiloa latou i te faitogafiti kae se fakamaoni. A te lotou kaitaua ko 'ka fua kae se ula e pela me se afi i te ogaumu, tela e se fakagasue ne te tino fai falaoa ke oko eiloa ki te taimi tela ka tao ei a falaoa.
5I te aso ne fai ei te fakafiafiaga a te tupu, ne fainu ne latou a te tupu mo ana ofisa ki uaina ke ko'na kae fakavale'vale.
6E 'ka latou e pela me se ogaumu i olotou fuafuaga masei. I te po katoa, a te olotou kaitaua e ka kae se ula, kae i te tafataeao ko 'ka ulaula eiloa.
7“I te malosiga o te lotou kaitaua tela ne tamate ei ne latou a olotou takitaki. Ne tamate fakasolosolo a olotou tupu, kae seai eiloa se tupu ne talo mai ki a au ki se fesoasoani.”
Ko Isalaelu mo Malo8Muna a te Aliki, “A tino Isalaelu e pela me se falaoa e se 'paku lei. E fakalagolago latou ki malo kola e pili atu ki a latou
9kae se iloa eiloa ne latou me ko te fakalagolago ki nisi malo e pogai ei te vai'vai o latou. A olotou aso ko pili o oti, kae e se iloa eiloa ne latou.
10A te fakamatamata o tino Isalaelu ko matea atu eiloa. E ui eiloa i mea katoa kola ne tupu, a Isalaelu seki foki mai eiloa ki a au, ko te Aliki te lotou Atua.
11A Isalaelu e evaeva sale fua pela me se lupe fakavalevale; i te taimi muamua, ne olo latou ki Aikupito mo se fesoasoani, oti aka toe olo foki ki Asulia ke maua se fesoasoani!
12Kae ka tala ne au a te tili o po latou e pela me ne manu eva, i te taimi e fakasili aka ei latou i oku tafa. Ka fakasala ne au a latou e tusa mo amioga masei a latou ne fai.
13“A latou ko malaia! Ko oti ne tiakina kae teke ne latou a au. Ka fakamasei ne au a latou. Au ne manako ke fakasao ne au a latou, ka ko olotou tapuakiga ki a au ko te 'se faeloa.
14A olotou talosaga ki a au e seki fai mo te fakamaoni, kae e faka'siga fua latou ki lalo kae tagi pakalaga e pela mo tapuakiga a tino fapau'pau. Kafai e talo latou ke maua ne saito io me ne uaina, e katikati olotou foitino e pela me ne tino fapau'pau. Ko oko eiloa te se faka'logo o tino konei!
15E ui eiloa ne puti aka ne au a latou kae fai ke malosi, kae e fai faeloa olotou togafiti o teke mai ki a au.
16E tumau eiloa te ma'fuli o latou ki te atua tela e seai sena malosi. E se fakatuagagina latou e pela me se kausana pikopiko. Ka mate latou i se mate fi'ta, me i olotou takitaki e faipati fakamatamata, kae ka kata ki a latou a tino Aikupito.”
Who We AreWhat We EelieveWhat We Do
2025 by iamachristian.org,Inc All rights reserved.