AMOSA 3 - Tuvalu Revised Bible

1Koutou tino Isalaelu, te fenua tela ne aumai ne te Aliki keatea mai Aikupito, faka'logo mai ki te fekau tenei ne faipati mai ne ia ki a koutou:

2“I malo katoa o te lalolagi, ko koutou fua te fenua e tasi ne tausi kae iloa lei foki ne au. Tena te pogai e sili atu ei te masei o otou agasala, ko te feitu foki eiloa tena ko 'tau ei mo au o fakasala koutou.”

Ko te Galuega a te Pelofeta

3E a, e mafai ne se tokolua o faimalaga fakatasi, kae seki tonu mō la loto?

4E a, e mafai ne se leona o gulu i te vao, kae seai se manu kai 'po ne ia o kai?

E a, e mafai o gulugulu se tamā leona i tena pu kae seai se meakai e maua ne ia?

5E a, e mafai se manu lele o lave i se malei kae seai se poa i ei?

E a, e mafai se malei o sona fiti fua kae seai se mea ne fakafiti ne ia?

6E a, e mafai o tagi se pu o te taua i se fa'kai kae se ma'taku ki ei a tino?

E a, e mafai o poko se mala i se fa'kai kae seki fakatupu ne te Aliki?

7E se mafai lele o fai ne te Aliki Sili se mea kae seki fakaasi mai tena fuafuaga ki ana tavini ko pelofeta.

8Kafai e tagi pakalaga se leona, ko oi se tino e fai mai i a ia e se mataku?

Kafai e faipati mai te Aliki Sili, ko oi te tino e mafai o kalo keatea mai te folafolaga o tana fekau?

Ko te Malaia o Samalia

9Folafola atu ki tino kola e nofo i palesi o Aikupito mo Asetota penei: “Luku fakatasi ake koutou i mauga o Samalia, ko lavea ei ne koutou te lasi o te fai valevale mo agasala ne fai i kona.”

10Muna a te Aliki, “A tino konei, ko fonu olotou fale i mea ne maua mai i te fakasaua mo te fao malo. E se mafai o iloa ne latou te mea tonu.

11Tela la, e isi se fili ka oko mai o nikoi te olotou fenua, kae ofa olotou olo, kae fakama'lepe foki olotou fale.”

12Muna a te Aliki, “E pela mo te maua atu ne se tausi mamoe ne vae fua e lua io me se taliga o se mamoe ne kai ne se leona, e pena foki eiloa o sao ne lua tino mai tino Samalia, kola e ta'kato nei i moega sili i te lei.”

13Muna a te Aliki Tafasili i te Malosi, 'Fakalogo mai nei, kae fakasalalau atu ki te fanauga a Iakopo,

142Tupu 23.15 me i te aso e fakasala ei ne au a tino Isalaelu ona ko olotou agasala, ka ofa ei ne au a fata-fai-taulaga i Peteli. A tulimanu o fata-fai-taulaga katoa ka mafatifati kae 'to ki lalo i te laukele.

15Ka ofa ne au a fale e aoga mō aso moko mo fale foki e aoga mō aso vela. A fale foki kola e fakagaligali ki nifo o elefane ka siga kae maofa valevale; a fale lasi katoa foki ka maofa katoa.”