1 Teu 22.30 Nei la, ko logo au i a koutou ko oko eiloa i te fai o amioga ma'sei i te feitu ki tagata mo fafine, ne vaega amioga e se fai ne tino pouliuli. E logo au me isi se tino i a koutou ko agasala mo te avaga fou a tona tamana!
2E fakamata'mata la pefea koutou? I te sua feitu, e 'tau mo koutou o fanoanoa, ka ko te tino foki tela ne fai ne ia a te mea tena, e 'tau o fakatoka keatea mai te Ekalesia.
3E penei mo au, e tusa eiloa me se nofo au i kona, ka ko toku loto e nofo eiloa i kona i a koutou. Ko leva ne fakamasino ne au i te igoa o te tou Aliki ko Iesu, a te tino tela ne fai ne ia a te amioga masei tena, e pela eiloa me ne nofo au i kona i a koutou.
4Kafai e maopoopo koutou, au e iai fakatasi foki mo koutou i toku loto, e alatu i te mana o te tou Aliki ko Iesu, tela e nofo i a tatou.
5E 'tau mo koutou o tuku atu a te tino tena ki a Satani, ke fakamasei ne ia tena foitino, ko te mea ke ola a tena agaga i te Aso o te Aliki.
6 Kala 5.9 E se 'tau mo koutou o fakamata'mata! E iloa ne koutou a te faigamuna, “A mo mea faka'fete, e faka'fete ne ia a te paluga falaoa katoa.”
7Eso 12.5E 'tau mo koutou o ave keatea a te mea faka'fete ko leva o te agasala, ko te mea ke fou katoatoa koutou. Tena la, ko fai ei koutou mo paluga falaoa fou e seai se mea faka'fete e palu ki ei, me iloa tonu ne au te otou tulaga. I te mea ko teka nei te tou 'kaiga o te Paseka, i a Keliso te tou tamā mamoe o te Paseka, ko oti ne tuku atu mo fai te taulaga.
8Eso 13.7; Teu 16.3E 'tau mo tatou o fakamanatu a te tou 'kaiga, e se ki falaoa kola e iai te mea faka'fete masei i ei, tela ko te mea faka'fete o te agasala mo te amio masei, kae ki falaoa kola e seki palu ki te mea faka'fete, tela ko te falaoa o te loto 'ma mo te fai mea tonu.
9I taku tusi muamua tela ne tusi atu ki a koutou, ne fakatonu atu au ke se faka'piki koutou ki tino fina lalolagi.
10E seki fakauiga ne au aku muna kona ki tino pouliuli kola e fina lalolagi, io me ki tino kaima'nako, io me ko tino ofa tulafono, io me ko tino e tapuaki ki tupua. Ko te kalo keatea mai i a latou, ko tena uiga ko tou fano eiloa keatea mai amioga a te lalolagi tenei!
11A te mea tela e mafaufau au ki ei, ko te mea ke se faka'piki koutou ki te tino tela e fai mai i a ia se kelisiano, kae tela la se tino e fina lalolagi, se tino e kaimanako, se tino e tapuaki ki tupua, se tino fakapiau tino, se tino kona, se tino ofa tulafono. Mo a eiloa e fakatakaga koe ki ei.
12E seai eiloa saku fekau o fakamasino ne au tino mai tua o te Ekalesia! E 'tau mo koutou o fakamasino tino o te Ekalesia.
13Teu 13.5; 17.7Ko te Atua e fakamasino ne ia a tino mai tua o te Ekalesia. E pela mo muna a te Tusi, “Tuli keatea a te tino amio masei mai i a koutou.”
Who We AreWhat We EelieveWhat We Do
2025 by iamachristian.org,Inc All rights reserved.
