1 NOFOAIGA TUPU 8 - Tuvalu Revised Bible

Ko te Gafa o Peniamina

1A Peniamina e tokolima ana tama tagata. Konei olotou igoa, mai i te tino matua o fanaifo ki te tino foliki: ko Pela, Asapelu, Aala,

2Noha, mo Lafa.

3A te gafa o Pela tenei, ko Atala, Kela, Aputa,

4Apisua, Naamanu, Aoa,

5Kela, Sefufana, mo Hulama.

6-7Tenei te fakasologa o te gafa o Euta, ko Naamanu, ko Aita, mo Kela. A latou ne matai o kaiga kola ne nofo i Kepa, kae ne afuli ke nofo i Manata. Ko Kela, te tamana o Usa mo Aiuta ne takitaki ne ia a tino kona i te malaga tena.

8-9A Sahalaima ne mavae mo ana avaga e tokolua, ko Husima mo Paala. Fakamuli ifo, i tena nofoga i te fenua o Moapi, ne avaga a ia ki te fafine e igoa ki a Hotesa, e tokofitu ana tama tagata i te fafine tena: Iopapu, Sipea, Mesa, Malikama,

10Ieusa, Sakia, mo Milima. Ana tama tagata katoa kona, ne matai katoa o kaiga i aso fakamuli.

11E tokolua foki ana tama tagata i a Husima: ko Apitupa mo Elipaala.

12A Elipaala e tokotolu ana tama tagata: ko Epela, Misama, mo Semeti. Ko Semeti ne faite ne ia a fa'kai ko Ono mo Loto mo fa'kai foliki i o la tafatafa.

Ko Tino Peniamina i Kata mo Aitialona

13A Pelia mo Sema ne matai o kaiga kola ne nofo i te fa'kai o Aitialona, kae ne afuli ne latou a tino i te fa'kai o Kata.

14A tino i te gafa o Pelia e aofia i ei ko Aio, Sasaka, Ielemota,

15Sepatia, Alata, Eta,

16Mikaeli, Isipa mo Ioha.

Ko Tino Peniamina i Ielusalema

17Konei a tino i te gafa o Elepaala: ko Sepatia, Mesulama, Hisiki, Hepela,

18Isimelai, Isilia mo Iopapu.

19Tino i te gafa o Simei: Iakima, Sikeli, Sapeti,

20Elienai, Siletai, Elielu,

21Ataia, Pelaia, mo Similata.

22Tino i te gafa o Sasaka e aofia i ei a Isipani, Epela, Elielu,

23Apitonu, Sikeli, Hananu,

24Hanania, Elama, Anetotita,

25Ifiteia, mo Penueli.

26Tino i te gafa o Ieloamo e aofia i ei a Samuselai, Senalia, Atalia,

27Ialesia, Elia mo Sikeli.

28Tena te fakasologa o matai o kaiga mo tino tāua i olotou gafa kola e nofo i Ielusalema.

Ko Tino Peniamina i Kipeona mo Ielusalema

29Ne fakavae ne Ieielu a te fa'kai o Kipeona, nofo ei a ia i kona. A te igoa o tena avaga ko Maaka,

30ka ko tena tama matua ko Apitonu. A nisi tama tagata a ia ko Sula, Kiso, Paala, Nelu, Natapu,

31Ketoa, Aio, Sekela,

32mo Mikilota, te tamana o Simea. A tino i olotou gafa ne nofo i Ielusalema i tafa o nisi kaiga i te lotou matakaiga.

Ko Kaiga o te Tupu ko Saulo

33A Nelu ko te tamana o Kiso, ka ko Kiso ko te tamana o te Tupu ko Saulo. A Saulo e tokofa ana tama tagata: ko Ionatana, Mikisua, Apinatapu, mo Esepaala.

34Ionatana ko te tamana o Melipaala, Melipaala ko te tamana o Mika.

35A Mika e tokofa ana tama tagata: Pitone, Meleki, Talea, mo Aasa.

36A Aasa ko te tamana o Ieoata, Ieoata ko te tamana o tama tagata konei e tokotolu: Alemeta, Asimaveta, mo Semeli. A Semeli ko te tamana o Mosa,

37Mosa ko te tamana o Pinea, Pinea ko te tamana o Lafo, Lafo ko te tamana o Eleasa, ka ko Eleasa ko te tamana o Aselu.

38A Aselu e tokoono ana tama tagata: ko Asilikama, Pokelu, Isamaeli, Sealia, Opetaia, mo Hananu.

39A te taina o Aselu ko Eseka, e tokotolu ana tama tagata: ko Ulama, Ieusa, mo Elifeleti.

40A tama tagata a Ulama ne sotia takutakua kae poto i te sana o matasana. A te aofaki katoa o ana tama tagata mo ana mokopuna tagata e tusa mo te lau mo te tinolima. A tino katoa kona ko tino i te matakaiga o Peniamina.