TEUTELONOME Fakatomuaga - Tuvalu Revised Bible

FakatomuagaTe tusi o Teutelonome e fakatoka i ei a lauga takitasi kola ne lauga ne Mose ki tino Isalaelu i te fenua o Moapi, te koga ne manava ei latou mai te malaga loa, o fakatoka o ulu atu ki loto i Kanana.Ko mea taua e fakamau i loto i te tusi, e fakasolo penei 1) Ko toe fakamasaua ne Mose a mea taua ne tupu i tausaga e fasefulu ko teka. Ne fakatagi atu a ia ki tino, ke masaua a te takitakiga mai o latou ne te Atua i te vao, kae tau mo latou o faka'logo kae fakamaoni ki te Atua. 2) Mose ko toe faitaugina ne ia a tulafono e sefulu, kae faka'mafa ne ia te uiga o te tulafono muamua, kae kalaga ki tino ke tapuaki ki te Aliki e tokotasi. Ne toe faitau ne ia a nisi tulafono kola e takitaki ei te olaga o tino Isalaelu i loto i te fenua o te feagaiga.3) Ne fakamasaua ne Mose te uiga tonu o te feagaiga a te Atua ne fai mo latou, kae kalaga atu ki a latou ke fakafou te lotou fakamaoni ki te feagaiga. 4) Iosua ko tofi ki te tofiga fakatakitaki o tino o te Atua. I te otiga ne usu ne latou te pese tavae ki te Atua i tena fakamaoni, kae folafola atu a fakamanuiaga ki matakaiga e sefululua o Isalaelu, a Mose ne mate i Moapi, i te saegala o te Vaitafe o Iolitana.Te fakavae o te tusi, ko te fakasaoga mo te fakamanuiaga ne te Atua ana tino filifilia, kola e alofa a ia ki ei; e tau mo ana tino o masaua te mea tenei, ke alofa kae faka'logo ki a ia, ko te mea ke tumau o ola mafuta mo fakamanuiaga.Te fuaiupu taua i te tusi, 6.4-6, ko muna ne fakaigoa ne Iesu me ko te tulafono sili: “Alofa ki te Aliki tou Atua mo tou loto katoa, mo tou agaga katoa, mo tou malosi katoa.”Ko Fakasologa o MataupuLauga muamua a Mose 1.1—4.49Lua o lauga a Mose 5.1—26.19a. Tulafono e Sefulu 5.1—10.22e. Tulafono, fakatonuga mo akoakoga 11.1—26.19Fakatonuga fakatau mo te ulu atu ki Kanana 27.1—28.68Fakafouga o te feagaiga 29.1—30.20Pati fakaoti a Mose 31.1—33.29Te mate o Mose 34.1-12