1 SAMUELU 12 - Tuvalu Revised Bible

Ko Muna Fakamavae a Samuelu

1Ne fai atu a Samuelu ki tino Isalaelu penei, “Ko oti nei ne fakataunu ne au te mea ne manako mai koutou ke fai ne au. Ko oti ne avatu ne au te tupu ke takitaki ne ia koutou,

2tela la, ko ia ka takitaki ne ia koutou. Ka ko au ko matua eiloa, aku tama tagata kona e nofo tasi koutou. Au ne takitaki i a koutou talu mai aso koi tamataene ei au.

3Au tenei e tu atu i otou mua. Kafai e isi se mea se 'lei ko oti ne fai ne au, taku mai la i te taimi tenei, i mua o te Aliki mo te tupu ko oti ne fili ne ia. E a, kai puke eiloa ne au se pulumakau a se tino io me se asini? Kai fakaloiloi eiloa ne au se tino? E a, kai talia eiloa ne au se meaalofa fakakolekole mai se tino? Kafai e isi se mea i mea konei ne fai ne au, ko tau la o toe togi ne au te mea ne puke ne au.”

4Ne tali atu a tino penei, “Ikai, e seki fakaloiloi eiloa ne koe matou io me fakapuapuaga matou; e seai foki se mea a se tino kai puke ne koe.”

5Ne toe fai atu Samuelu penei, “A te Aliki mo tena tupu ne filifilia, ko molimau kona i te aso nei me e seai se mea 'se kai fai ne au ki tino Isalaelu.”

Ne tali mai latou penei, “Ao, te Aliki ko te 'tou molimau.”

6 tafa atu ki ei ko Iefata, kae fakamuli ko au. A koutou ne fakasao sale ne matou taki tokotasi, mai otou fili, tena ne nofo ei koutou mo te saogalemu.

12

16Tela la, 'tu mai i otou tulaga, kae ka lavea ne koutou a mea lasi ka fai ne te Aliki.

17Mea nei ko te tau vela, ne? Ka ko au ka talo, kae ka aumai ne te Aliki a fatili mo vaiua. Kafai e tupu te mea tenei, ko iloa ei ne koutou me ko oti ne agasala koutou ki te Aliki i te taimi ne fakatagi atu ei koutou ki se tupu.”

18Tena ne talo atu ei a Samuelu, kae i te aso foki eiloa tena, ne aumai ei ne te Aliki te fatili mo te vaiua. Tena ne mataku ei a tino i te Aliki mo Samuelu,

19kae fai atu ki a Samuelu penei, “Tou malu, fakamolemole, talo atu ki te Aliki tou Atua ke se mate matou. Ko iloa nei ne matou me i te manako o matou ki se tupu se agasala e tasi mai nisi agasala e uke a matou.”

20Ne tali atu Samuelu, “Sa mataku.” “E ui eiloa ko oti ne fai ne koutou se agasala masei pena, kae sa fulitua eiloa ki te Aliki, kae tavini atu ki a ia mo otou loto kātoa.

21Sa olo o tapuaki ki nisi atua; e se mafai ne latou o fesoasoani atu ki a koutou, io me fakasao koutou, me e se ne atua tonu.

22A te Aliki ko oti ne fai tena feagaiga, tela la, e se mafai ne ia o tiakina koutou, me ko oti ne filifili a ia ke fai koutou mo ona tino tonu.

23Ka ko au, ka talo faeloa au mo koutou; ke se agasala au ki te Aliki i toku se talo mo koutou. Ka akoako atu ne au koutou ki mea lei mo mea e tau o fai ne koutou.

24Fakalogo ki te Aliki kae tavini atu ki a ia mo te fakamaoni mo otou loto katoa. Masaua a mea fakaofoofogia ko oti ne fai ne ia mo koutou.

25Kae kafai eiloa e tumau koutou i te agasala, ko koutou eiloa mo te otou tupu ka 'ta fakapalele.”