1 IOANE 3 - Tuvalu Revised Bible

Ko Fanau a te Atua

1 Ioa 1.12 Onoono ki te alofa mai o te Tamana ki a tatou! Ko oko eiloa i te lasi o tona alofa, tena te ala ko fakaigoa ei tatou ko fanau a te Atua, kae tonu eiloa me i a tatou ko ana fanau. Tenei te pogai e se iloa ei tatou ne te lalolagi: i te lalolagi e seki iloa ne ia te Atua.

2Oku taugasoa pele, a tatou nei ko fanau a te Atua, kae e seki iloa 'lei me ka fai pefea tatou. Kae e iloa ne tatou a te mea nei: kafai e toe vau a Keliso, e foliga tatou ki a ia, i te mea ka matea atu ne tatou a ia ko ia tonu eiloa.

3So se tino e isi sona fakamoemoega penei i a Keliso, e 'ma faeloa a ia e pela eiloa mo Keliso e 'ma.

4So se tino e agasala, e sala a ia i te ofa ne ia a te Tulafono a te Atua; me i te agasala ko te ofa tulafono tena.

5Ioa 1.29E iloa ne koutou i a Keliso ne toe vau ko te mea ke ave keatea ne ia agasala a tino, kae e seai eiloa se agasala i a ia.

6So se tino e ola i a Keliso, e se toe ola a ia i te olaga agasala; ka ko te tino tela koi tumau eiloa i te fai agasala, e seki matea eiloa ne ia a ia, e seki iloa foki ne ia a ia.

7Taku fanau, ke seai se tino e fakaloiloi ne ia a koutou! So se tino e fai ne ia a te amiotonu, e amiotonu eiloa a ia, e pela eiloa mo Keliso e amiotonu.

8So se tino koi tumau i te fai agasala, e kau ki te Tiapolo, me i te Tiapolo ne agasala eiloa mai i te kamataga. Ne vau te Tama a te Atua mō te pogai eiloa tenei, o fakamalepe a te galuega a te Tiapolo.

9So se tino e fai mo tama a te Atua e se toetumau a ia i te fai agasala, me ko i a ia a foliga tonu o te Atua, me ko te Atua tona Tamana, tela la, ko se toetumau a ia i te fai agasala.

10Tenei te mea e iloa ei a te kesekesega o fanau a te Atua mo fanau a te Tiapolo: so se tino e se fai ne ia a te mea tonu, io me se alofa ki tona taina, e se se tama a te Atua.

Ke Fakatau Alofa Koutou

11 Ioa 13.34 Tenei te talaiga ne lagona ne koutou mai i te kamataga: e 'tau mo tatou o fakatau alofa.

12Kene 4.8E se 'tau mo tatou o fai pela mo Kaino; e kau i te Tino Masei, kae ne tamate foki ne ia a tena taina. Ai a ne tamate ei ne Kaino a tena taina? I te mea ko faiga a tena taina e tonu, ka ko ana faiga e se tonu.

13Oku taina, ke se ofo koutou, manafai e ita ki a koutou a tino o te lalolagi nei.

14Ioa 5.24E iloa ne tatou me ko oti ne tiakina ne tatou a te mate, ka ko oko mai tatou ki te ola; e iloa ne tatou a te mea nei ona ko tatou e a'lofa ki o'tou taina. So se tino e se alofa, tona uiga koi tumau eiloa a ia i te mate.

15So se tino e ita ki so se tino, ko tona uiga se tino tatino; kae e iloa ne koutou i te tino tatino, e se nofo i a ia te ola se gata mai.

16Tenei te mea e iloa ei ne tatou me se a te mea e taku ko te alofa: ko te ola o Keliso ne tuku mai mo tatou. Tela la, e 'tau foki mo tatou o tuku atu otou ola mo otou taina!

17Kafai se tino e maumea, kae e matea foki ne ia a tena taina e mativa, kae e se alofa ki a ia; e mafai pefea o molimau mai i a ia e alofa ki te Atua i tena loto?

18Aku tama! A te tou alofa e se fai fua ki pati mo muna; e 'tau o tonu te alofa, ka ke fakaasi tonu atu i faiga.

Ko te Loto Malosi i Mua o te Atua

19Tenei te mea e iloa i ei ne tatou i a tatou ko tino o te munatonu. Tenei foki te lagona ka maua ne tatou i mua o te Atua.

20Me kafai e fakase tatou ne o'tou loto, e 'tau o iloa ne tatou i te Atua e sili atu i o'tou loto, kae e iloa foki ne ia a mea katoa.

21Tela la e oku taugasoa pele, kafai e se fakase tatou ne otou loto, e maua ne tatou a te loto malosi i mua o te Atua.

22E maua ne tatou mai i a ia so se mea e fakatagi atu ei tatou, ona ko te mea e faka'logo tatou ki ana fakatonuga, kae fai foki ne tatou a te mea e fiafia a ia ki ei.

23Tenei tena fakatonuga: ke talitonu tatou ki te igoa o tena Tama ko Iesu Keliso, ka ke fakatau alofa foki tatou, e pela eiloa mo te fakatonumaiga a Keliso ki a tatou.

24So se tino e fakalogo ki te fakatonuga a te Atua, e ola i te Atua, ka ko te Atua e ola foki i loto i a ia. Kae tenei te mea e iloa ei ne tatou i te Atua e ola i loto i a tatou: e iloa ne tatou e alatu i te Agaga, tela ne tuku mai ne ia ki a tatou.