LOMA 9 - Tuvalu Revised Bible

Ko te Atua mo Ana Tino Filifilia

1Au e faipati ki te mea tonu i a Keliso ka ko au e se loi, me i toku mafaufau tonu, e molimau foki ki a au i te Agaga Tapu.

2Me ko oko eiloa i te lasi o toku fanoanoa mo te loto 'mae.

3I te mea ko loto au ke malaia au, kae ke fakamavae foki keatea mai i a Keliso mō te 'lei o oku taina pela foki tino o toku fenua.

4 e se ko tamaliki a te Atua, kae ko tama'liki kola ne fanau mai e pogai mai i te feagaiga a te Atua e takua ko fanau 'tonu.

9 kae ka maua ne Sala se tama tagata.”

10E se gata foki i kona, a Lepeka foki ne fai ana tama i te tagata e tokotasi, ko Isaako te tou tupuga.

11Ka koi tuai o fa'nau a Iakopo mo Esau, e seai eiloa se avanoa e fai ei ne laua te 'lei io me ko te masei. Kae ne fai atu te Atua ki a Lepeka e uiga ki ana tama tagata, ke filifili ne ia se tokotasi. E fakaasi mai i te mea nei me se ko fua o galuega a Iakopo ne fai, ka ko te filifiliga eiloa a te Atua.

12Kene 25.23Kae konei la a pati ne fai atu ki a ia: “Ko te tama matua ka tavini ki te tama foliki.”

13Mala 1.2,3E pela mo muna a te Tusi, “Au e alofa ki a Iakopo, kae takalialia ki a Esau.”

14Se a te pati a tatou ka fai? E isi te se fai mea tonu o te Atua? Ikai, e se pena!

15Eso 33.19Me konei ana pati ki a Mose, “Ka alofa au ki so se tino tela e fiafia au ki ei.”

16Tela la, e se fai ki te loto io me ko te malosi o te tino, ka ko te alofa 'nau o te Atua.

17Eso 9.16 Muna a te Tusi ki a Falao, “Ne putiputi ake ne au koe mo te pogai eiloa tenei, ke fakaasi atu ei toku mana i a koe, ko te mea ke folafolagina toku igoa i te lalolagi katoa.”

18Tela la, e alofa a ia ki te tino tela e fiafia a ia ki ei, kae fakaloto makeke foki ne ia a te tino tela e loto ki ei te Atua.

Ko te Kaitaua mo te Alofa 'Nau o te Atua

19Ka fai mai koutou penei ki a au, “Ai a la e maua sale ei ne te Atua a mea 'se i tino? Ka ko oi foki e mafai ne ia o 'teke te loto o te Atua?”

20Isa 29.16; 45.9Ka ko oi koe e talitali atu ei koe ki te Atua? E mafai ne te ulokele o faipati ki te tino tela ne fai ne ia, “Ai a ne fai ei ne koe au penei?”

21E a, e seai se pule a te tino fai ipukele i te kele, o faite ne ia i te akuga kele e tasi, se ipu mo faigamea fakapitoa, mo te ipu e fakaaoga faeloa.

22Kae kafai ko te Atua ko loto o fakaasi atu tona kaitaua, kae fakailoa atu foki a tona mana ke iloa, ne kufaki ne ia mo te lotomau a te ipu o te kaitaua tela ne fai mō te fakamalepega,

23ko te mea ke fakaasi ei te lasi o tona 'malu mō te ipu o te alofa 'nau tela ko leva ne fakatoka mō tena 'malu.

24Kae penei la mo tatou kola ne ana kalagagina, e se mai i tino Iutaia fua kae pela foki mai tino o fenua fakaatea.

25Hose 2.23Me konei ana muna ne fai i te tusi a Hosea:

“A latou kola e se ne oku tino, ka taku ne au latou ‘Ko oku Tino,’

Ka ko te fenua tela e se alofa au ki ei, ka taku ne au ko ‘Taku Fagasele.’

26 Hose 1.10 Kae i te koga tonu eiloa tela ne fakailoa atu ei ki a latou penei: ‘A koutou e se ne oku tino,’

I kona foki eiloa ka taku ei latou ko tama a te Atua ola.”

27 Isa 10.22,23 Ka ko Isaia ne pakalaga ki luga e uiga ki a Isalaelu penei: “E tiga eiloa i te tokouke o tino Isalaelu e pela mo one o te tai, kae ne mo tino fua e 'toe, ka fakaolagina latou:

28me i te Aliki ka fakasala ne ia te lalolagi i te fakamataku mo te mate.”

29Isa 1.9Kae ne 'valo a Isaia penei: “Moi fai ne seki fakatoega ne te Aliki ne nisi tino, kati la ko oti nei ne fai tatou e pela mo Sotoma, io me e pela mo Komolo.”

Ko Isalaelu mo te Tala 'Lei

30Se a te pati a tatou ka fai? A tino o fenua fakaatea kola e seki tau'tali i te amiotonu, kae nei ko oti ne maua ne latou te amiotonu e alatu i te fakatuanaki.

31Ka ko tino o te Atua, kola ne salasala te tulafono tela e fai ne ia latou ke amiotonu i mua o te Atua, ne seki maua ne latou.

32Ai a? I te mea ne seki tau'tali ki ei i te fakatuanaki, kae pela me ne tau'tali i fakavae o galuega. Ne 'siga pa'ku katoa latou mai i luga o te fatu fakapa'ku tino.

33Isa 28.16Muna a te Tusi:

“Kiloke, ko tuku ne au i Siona te fatu tela ka fai ne ia ke pa'ku ei tino,

Ko te kaupapa tela ka fakapa'ku ne ia tino.

Ka ko te tino tela e talitonu ki a ia, ka se fakamasiasigina foki a ia.”