1Ko oko mai te taimi ka ave ola ei a Elia ne te Aliki ki te lagi i te vaeosio. Ne ma'laga atu a Elia mo Elisaia mai i Kilikala,
2kae i te auala ne fai atu ei a Elia ki a Elisaia penei, “Kiloke, a koe ka nofo i konei; a te Aliki ne fakatonu mai ki a au ke fano au ki Peteli.”
Kae ne tali atu a Elisaia penei, “Au e tauto e tusa mo toku fakamaoni ki te Aliki ola, e pena foki ki a koe, me e se mafai ne au o tiaki koe.” Tena, ne olo tasi eiloa laua ki Peteli.
3E isi ne pelofeta e nofo i kona ne olo atu ki a Elisaia o fesili ki ei penei, “E iloa ne koe i tou matai ka ave keatea ne te Aliki mai i a koe i te aso nei?”
Ne tali atu a Elisaia, “Ao, e iloa ne au, kae e lei ke se fai'pati tatou ki te mea tena.”
4Tena, ne toe fai atu a Elia ki a Elisaia penei, “E lei ke nofo koe i konei; a te Aliki ne fakatonu mai ke fano au ki Ieliko.”
Kae ne tali atu a Elisaia penei, “Au e tauto e tusa mo toku fakamaoni ki te Aliki ola, e pena foki ki a koe, me e se mafai ne au o tiaki a koe.” Tena, ne olo tasi ei laua ki Ieliko.
5E isi se kau pelofeta e nofo i kona ne olo atu ki a Elisaia o fesili ki ei penei, “E iloa ne koe i tou matai ka ave keatea ne te Aliki mai i a koe i te aso nei?”
Ne tali atu a Elisaia, “Ao, e iloa ne au, kae e lei ke se fai'pati tatou ki te mea tena.”
6Tena, ne fai atu ei a Elia ki a Elisaia penei, “E lei ke nofo koe i konei; a te Aliki ne fakatonu mai ke fano au ki te Vaitafe o Iolitana.”
Kae ne tali atu a Elisaia penei, “Au e tauto e tusa mo toku fakamaoni ki te Aliki ola, e pena foki ki a koe, me e se mafai ne au o tiaki a koe.” Tena ne olo tasi ei laua ki te Iolitana,
7kae ne tau'tali atu i a laua a te tinolima pelofeta. Ne 'tu a Elia mo Elisaia i tafa o te vaitafe, ka ko te tinolima pelofeta e tu mai tai 'mao mo laua.
8Ne puke aka Elia ki tena gatu 'loa, pelu aka ne ia, kae kini ne ia ki ei a te vai; ne mavae lua a te vai, tena ne sasale atu ei laua mo Elisaia i luga i te laukele malo ki te sua feitu o te vaitafe.
9Ne tali atu Elisaia.
10Ne tali atu a Elia, “A tou manako ko oko eiloa i te faigata. Kae e lei; ka maua ne koe manafai e lavea ne koe a au i te taimi tela e ave ei au; kafai e se lavea ne koe a au i te taimi tena, e se maua foki ne koe a te mea ne manako mai koe ki ei.”
11Ne sau'tala atu eiloa laua i te la auala, tena, ko te kaliota afi eiloa e toso ne solofanua afi ko vau i te va o laua, ko Elia foki eiloa ko ave ola ki te lagi i te vaeosio.
122Tupu 13.14 Ne lavea ne Elisaia a te mea tena ne tupu, tena ne kalaga ei a ia ki a Elia penei, “Toku tamana, toku tamana! Te 'pui malosi o Isalaelu! A koe ko galo atu!” Tena, seki toe lavea atu eiloa ne ia a Elia.
Ne 'sae lua ne Elisaia tena gatu 'loa, i tena fanoanoa.
13Ne puke aka ne ia a te gatu 'loa o Elia tela ne to, fanatu ei a ia o tu i te kaugutu o te Iolitana.
14Ne kini ne ia a te vaitafe ki te gatu tena o Elia, kae fai aka mo ana pati penei, “Tefea te Aliki, te Atua o Elia?” Ne toe kini atu ne ia a te vaitafe, tena ne mavae lua ei, sasale atu ei a ia ki te sua feitu.
15Ne lavea mai a ia ne te tino lima pelofeta mai i Ieliko, kae fai aka olotou pati penei, “A te 'mana o Elia ko i luga i a Elisaia!” Ne fakafetaui atu latou kona ki a Elisaia, kae ifo atu i ona mua,
16kae fai atu penei, “E tinolima matou konei, kae ne tagata ma'losi katoa. Tatou ka olo o sala tou matai. E se taumate kaati ne ave faeloa a ia ne te agaga o te Aliki o tuku i se mauga io me i se vanu.”
Ne tali atu a Elisaia, “ikai, e se 'tau mo koutou o olo o sala a Elia.”
17Kae e finau eiloa a pelofeta kona, tena ne tuku atu eiloa ne ia ke olo o sala a Elia. Ne olo atu te tinolima pelofeta kona o sala Elia i luga i koga maluga mo koga ma'lalo i aso e tolu, kae seki maua eiloa ne latou.
18Tena, foki atu ei latou ki a Elisaia tela ne faka'tali i Ieliko, kae fai mai a Elisaia ki a latou penei, “E a, kai fai atu au ke sa olo koutou?”
Ko mea Fakaofoofogia ne Fai ne Elisaia19E isi ne tagata mai i Ieliko ne olo ki a Elisaia kae fai atu ki ei penei, “Tou malu, e pela eiloa mo te mea e iloa ne koe, a te fa'kai tenei se fa'kai gali, ka ko te vai ko oko eiloa i te masei me e mafua mai foki i ei a te 'to o tama a fafine.”
20Ne fai atu te fakatonuga a Elisaia penei. “Tuku ne masima ki se pōla fou kae aumai ki a au.” Tena ne aumai ne latou te masima ki a ia,
21fano ei a ia ki te vaitafe foliki, 'pei atu ne ia te masima ki loto i ei, kae fai atu penei, “Tenei te muna a te Aliki: ‘Ko fai nei ne au a te vai tenei ke 'ma, ko se toe ai ei se 'mate io me se tama lele e mafua mai i ei.’ ”
22Tena ne 'lei eiloa ei te vai talu mai te taimi tena, e pela eiloa mo muna a Elisaia.
23Ne fanatu a Elisaia mai i Ieliko o fano ki Peteli, kae i te auala e isi ne tamaliki tagata mai i te fa'kai ne olo o fakalili a ia. Ne ka'laga sale latou penei, “Ulu tula, fano keatea mai i konei!”
24Ne mafuli aka a Elisaia, fakapula atu ona mata ki a latou kae muna tuku ne ia latou i te igoa o te Aliki. Tena, ko ulosa fa'fine eiloa e lua ko sae mai i loto i te vao, saesae ei ne laua a te tino fa mo te tokolua tamaliki tagata.
25Ne fanatu eiloa a Elisaia ki te Mauga o Kalamelu, kae fakamuli, toe foki mai ei a ia ki Samalia.
Who We AreWhat We EelieveWhat We Do
2025 by iamachristian.org,Inc All rights reserved.