1Ielusalema, tu ki luga o maina mai pela mo te la;
A te malu o te Aliki ko maina mai ki a koe!
2A nisi malo ka ufi ne te pouliga,
Ka ko te mainaga o te Aliki ka maina mai ki luga i a koe;
A te mainaga o tena fakatasi mai ka i luga i a koe.
3A malo ka o'mai ki tou mainaga,
Pena foki a tupu ka o'mai ki te mainaga o te ata ao o tou aso fou.
4Onoono aka ki ou feitu me se a te mea e tupu:
A ou tino ko maopoopo o foki mai ki te lotou fenua!
A au tama tagata ka o'mai mai i koga mao;
A au tama fafine ka sapasapai mai pela me ne tamaliki.
5Ka lavea ne koe a te mea tena kae ka fonu koe i te fiafia;
Ka 'pole tou foitino i te fiafia.
A te maumea o malo ka aumai ki a koe;
A olotou koloa ka aumai mai i te vasa ki a koe.
6A tino faimalaga i kamela ka o'mai,
Mai i Mitiana mo Efa.
Ka o'mai mai i Seepa o aumai te aulo mo mea manogi.
Ka folafola atu ne tino a te tala lei e uiga ki mea ne fai ne te Aliki!
7A mamoe katoa o Ketala mo Nepaiota
Ka aumai ki a koe e fai mo taulaga
Kae ofo atu i luga i te fata-fai-taulaga ke fakafiafia ei te Aliki.
A te Aliki ka fakatumau ne ia te malu o tena Faletapu ki te se gata mai.
8Ne a vakamutu konei e folau pela me ne kaumana,
Pela me ne lupe kola ko foki mai ki te lotou fenua?
9A vakamutu kona ne o'mai mai i fenua mao,
O aumai a tino o te Atua ki te lotou fenua.
Ne o'mai mo latou a siliva mo aulo
Ke fakaaloalo ki ei ne latou a te igoa o te Aliki,
Te Atua tapu o Isalaelu,
Tela ne fai ne ia a malo ke fakaaloalo ne latou a tino o tena fenua.
10Muna a te Aliki ki a Ielusalema,
“A pui o tou fa'kai ka faite ne tino fakaatea,
Ka ko olotou tupu ka tavini atu ki a koe.
Ne fakasala ne au a koe i toku kaitaua,
Kae nei ka fakaasi atu toku fiafia mo toku alofa ki a koe.
11 Faka 21.25,26 Ka tala ou mataloa i ao mo po,
Ko te mea ke aumai ne tupu o malo
A koloa ma koe.
12Ka ko malo kola e se tavini atu ki a koe
Ka ta fakamaseigina.
13“A lakau mai i lakau ko paina, iunipa mo pelosi,
A lakau tafasili i te lei mai i te vao o Lepanona,
Ka aumai ke fakaaoga mo toe atiake ki ei a koe, e Ielusalema,
Mo faite fakagaligali a toku Faletapu,
Mo faite toku fa'kai ke gali.
14 Faka 3.9 A tama tagata a tino kola ne pule fakasaua ne latou a koe, ka o'mai
O ifo mo te fakaaloalo atu ki a koe.
A tino katoa kola ne takalialia i a koe ka o'mai o tapuaki i lalo o ou vae.
Ka fakaigoa ne latou a koe ko ‘Te Fa'kai o te Aliki,’
io me ko ‘Siona, te Fa'kai o te Atua Tapu o Isalaelu.’
15“Ka se toe fai koe mo fa'kai ne tiakina,
Ka se toe itagia foki koe,
Ka se toe fai koe mo fa'kai lavaki kae seai ne tino e nofo i ei,
Ka fai ne au a koe ke takutakua kae gali,
Ke fai mo koga o te fiafia ki te se gata mai,
Se gata mai eiloa.
16A malo mo tupu ka tausi fakalei ki a koe,
E pela mo te matua tela e onoono fakalei ki tena tama.
Ka iloa ne koe me ko au, te Aliki ne fakasao ne au a koe,
Ko te Atua malosi o Isalaelu ne fakasaoloto ne ia a koe.
17“Ka aumai ne au ki a koe a te aulo kae se ko te palasi,
Te siliva mo te palasi kae se ko te fiti mo te lakau,
Te fiti kae se ko te fatu.
A ou tino pule ka se toe pule fakasaua ki a koe;
Ka fai ne au latou ke pule mo te fai mea tonu mo te filemu.
18A te leo o te fakasaua ka se toe lagona atu eiloa;
Ka se ofa fakamasei foki eiloa a te otou fenua.
Ka puipui kae 'pulu ne au a koe e pela au me se pui;
Ka tavae mai ne koe a au me ne fakasao ne au a koe.
19 Faka 21.23; 22.5 “Ka se toe fai te la mo mainaga ki a koe i te ao,
A te masina foki ka se toe fai mo mainaga ki a koe i te po;
Ko au, te Aliki, ka fai mo mainaga ki a koe ki te se gata mai;
A te mainaga o toku malu katoatoa ka maina atu ki a koe.
20A otou aso fanoanoa ko pili o gata.
Ko au, te Aliki, ko te mainaga ki a koutou
Tela e tumau ki te se gata mai,
E tumau atu i lo te la mo te masina.
21A otou tino katoa ka fai ne latou a te mea tonu,
Kae ka fai mo latou a te fenua ki te se gata mai.
Ne toki ne au latou pela me ne lakau,
Ne faite ne au latou
Ko te mea ke lavea ne tino katoa a toku takutakua.
22Ke oko foki eiloa ki kaiga tafasili i te foliki
Kae malalo i te otou fenua
Ka takutakua eiloa pela me se malo takutakua.
Kafai ko oko mai te taimi tonu,
Ko fakataunu fakavave ei ne au a te mea tena.
Au ko te Aliki!”
Who We AreWhat We EelieveWhat We Do
2025 by iamachristian.org,Inc All rights reserved.
