2 TUPU 13 - Tuvalu Revised Bible

Ko Ioasasa te Tupu o Isalaelu

1I te luasefulu tolu o tausaga o te nofoaiga a Ioasa te tama tagata a Asaia i Iuta, ne fakasopo ei a Ioasasa te tama tagata a Ieu ke fai mo tupu o Isalaelu, kae ne tupu a ia i Samalia i tausaga e sefulufitu.

2A ia ne agasala ki te Aliki, e pela eiloa mo te Tupu ko Ielopoamo, me ne taki foki ne ia a Isalaelu ki te agasala; ne seki mafulifuli mai eiloa a ia mai ona auala ma'sei.

3Ne kaitaua te Aliki ki Isalaelu, tena ne tuku atu ei ne ia latou ke fakatakavale sale i taimi e uke ne te Tupu o Sulia ko Hasaeli mo tena tama tagata ko Peniata.

4Tena, ko Ioasasa eiloa ko talo atu ki te Aliki, kae ne talia eiloa ne te Aliki tena talo, me ko lavea ne te Aliki te fakasauaga a Isalaelu ne te tupu o Sulia.

5Ne aumai ne te Aliki se takitaki mo Isalaelu, tela ne fakasao ne ia Isalaelu mai i lima o te kau Sulia, tena ne nofo ei Isalaelu mo te filemu e pela eiloa mo aso mua.

6Kae e seki tiaki atu eiloa ne latou a te fai o agasala, e pela mo agasala ne fai ne Isalaelu i te takitakiga a te Tupu ko Ielopoamo; e tumau faeloa o fai ne latou a agasala kona. A te fakatusa o te atua fafine ko Asaila koi tu eiloa i Samalia.

7A te kautau a Ioasasa e 'toe mai, e tinolima tagata i solofanua, e sefulu kaliota, kae e sefulu afe sotia sasale. A te tokoukega ne 'ta katoa ne te tupu Sulia, o lakalaka ki lalo e pela me se pefu.

8A nisi tala e uiga ki a Ioasasa, mo ana mea ne fai e iloga ei tena loto toa, e fakamau katoa i te tusi o Te Tala Tuku Fakasolo o Tupu o Isalaelu.

9Ne mate atu a ia, tanu ei i Samalia. Ne sui a ia ne tena tama tagata ko Ieoasa o fai mo tupu.

Ko Ieoasa te Tupu o Isalaelu

10I te tolusefulu fitu o tausaga o te nofoaiga a Ioasa, te tupu o Iuta, ne fai ei a Ieoasa, te tama tagata a Ioasasa mo tupu o Isalaelu. Ne tupu a ia i Samalia i tausaga e sefuluono.

11Ne agasala foki a ia ki te Aliki, me ne tautali i auala ma'sei o te Tupu ko Ielopoamo, tela ne 'taki ne ia Isalaelu ki te agasala.

12A nisi tala e uiga ki a Ieoasa, pela mo ana uiga toa i tena tauaga mo te Tupu o Iuta ko Amasia, e fakamau katoa i te tusi o Te Tala Tuku Fakasolo o Tupu o Isalaelu.

13Ne mate atu Ieoasa kae ne tanu i tanuga o kaigā tupu i Samalia, kae ne sui a ia ne tena tama tagata ko Ielopoamo II o fai mo tupu.

Ko te Mate o Elisaia

14 I te patelega o te foitino o te tino tena ki ivi o Elisaia, ko te tagata eiloa tena ko toe ola mai, kae tu mai ki luga.

Ko te Taua a Isalaelu mo Sulia

22A te tupu o Sulia ko Hasaeli ne fakapuapuaga ne ia a te kau Isalaelu i te nofoaiga a Ioasasa,

23ka ko te Aliki ne alofa eiloa ki a latou. Ne seki tuku atu ne ia latou ke ta fakapalele, kae ne fesoasoani eiloa a ia ki a latou e pela eiloa mo tena feagaiga mo Apelaamo, Isaako mo Iakopo. Ne seki puli eiloa i a ia tena fenua.

24I te matega o Hasaeli, te tupu o Sulia, ne sui a ia ne tena tama tagata ko Peniata o fai mo tupu.

25Ne fakatakavale fakatolu ne te Tupu o Isalaelu ko Ieosasa a Peniata, kae toe puke mai ne ia a fa'kai kola ne puke ne Peniata i te taimi ne tupu ei a Ioasasa, te tamana o Ieoasa.