TITO Fakatomuaga - Tuvalu Revised Bible

FakatomuagaA Tito se tino o fenua fakaatea, kae ko oti ne fuli ke fai mo Kelisiano, ne fai mo te tino galue, kae fesoasoani ki a Paulo i tena galuega faka misionale. Te Tusi a Paulo ki a Tito e fakatuatusi ki tena fesoasoani talavou i Keleta, tela ne tuku i kona ke onoono ki te galuega a te Ekalesia. Te tusi e fakaasi i ei a manatu taua e tolu.Te mea muamua, a Tito ko fakamasaua ki vaega o uiga, kola e tau o maua ne takitaki o Ekalesia, ona loa ko te lavea atu a uiga ma'sei o te taulasiga o tino Keleta. Te sua mea, a Tito ne fautua ki auala e tau o akoako ne ia a potukau kesekese i loto i te Ekalesia, toeaina, lomatua, (kola ka fai tusaga o akoako a talavou fafine) talavou tagata, pela foki mo pologa. I te fakaotiga, a te Tusitala ne fautua ne ia a Tito e uiga mo te olaga faka-Kelisiano, e pela mo te manakoga ko te olaga filemu mo te fakataugasoa, kae ke fakagata te olaga faifili, fakakinau mo te mavaevae i loto i te Ekalesia.Ko Fakasologa o MataupuKo te Fakatomuaga (1.1-4)Ko ofisa o te Ekalesia (1.5-16)Ko Tiute o vasega kese'kese i te Ekalesia (2.1-15)Ko Fakamalosiga mo fautuaga (3.1-11)Ko te Fakaotiga (3.12-15)