SALAMO 136 - Tuvalu Revised Bible

Ko te Pese Fakafetai

1 1NTupu 16.34; 2NTupu 5.13; 7.3; Esela 3.11; Sala 100.5; 106.1; 107.1; 118.1; Iele 33.11 Fakafetai atu ki te Aliki me i a ia e aga'lei,

Ka ko tena alofa e se gata mai.

2Fakafetai atu ki a ia tela e tafasili i atua katoa;

i tena alofa e se gata mai.

3Fakafetai atu ki te Aliki tela e tafasili i te malosi i aliki katoa;

i tena alofa e se gata mai.

4Ko ia fua tokotasi e mafai o fai vavega lasi;

i tena alofa e se gata mai.

5 Kene 1.1 Ne faite ne ia te lagi ki tena poto;

i tena alofa e se gata mai;

6 Kene 1.2 Ne faite foki ne ia te lalolagi i luga o te moana 'poko;

i tena alofa e se gata mai.

7 Kene 1.16 Ne faite ne ia te la mo te masina;

i tena alofa e se gata mai;

8Ko te la ke pule ne ia te ao;

i tena alofa e se gata mai;

9A te masina mo fetu ke pule ne latou te po;

i tena alofa e se gata mai.

10 Eso 12.29 Ne tamate ne ia toekimua tagata o Aikupito;

i tena alofa e se gata mai.

11 Eso 12.51 Ne taki ne ia te fanauga a Isalaelu keatea mai Aikupito;

i tena alofa e se gata mai;

12Ki tena lima malosi mo tena taganoa mafi;

i tena alofa e se gata mai.

13 Eso 14.21-29 Ne vaelua ne ia a te Tai Kula;

i tena alofa e se gata mai;

14Ne 'taki atu foki ne ia ona tino i loto i te koga tena;

i tena alofa e se gata mai.

15Ne 'lemu ne ia a te tupu o Aikupito mo tena kautau;

i tena alofa e se gata mai.

16Ne takitaki ne ia ona tino i te vao;

i tena alofa e se gata mai.

17Ne tamate ne ia tupu ma'losi;

i tena alofa e se gata mai.

18Ne tamate ne ia tupu takutakua;

i tena alofa e se gata mai.

19 Nume 21.21-30 Ko Sekono, te tupu o Amoli;

i tena alofa e se gata mai;

20 Nume 21.31-35 Mo Oko te tupu o Pasana;

i tena alofa e se gata mai.

21Ne tuku ne ia olotou laukele ki ona tino;

i tena alofa e se gata mai.

22Ne tuku ne ia ki tena tavini ko Isalaelu;

i tena alofa e se gata mai.

23Ne seki fakapuli ne ia tatou i taimi ne taka'vale ei tatou;

i tena alofa e se gata mai.

24Ne faka'sao ne ia tatou mai i o'tou fili;

i tena alofa e se gata mai.

25Ne tuku mai ne ia meakai ki tino katoa pela foki mo manu;

i tena alofa e se gata mai.

26Fakafetai atu ki te Atua i te lagi;

i tena alofa e se gata mai.