SALAMO 55 - Tuvalu Revised Bible

Te Talo a se Tino ne Fakalata ne tena Taugasoa

1Te Atua, fakalogo mai ki taku 'talo; kae sa saga keatea mai taku fakatagi!

2Fakalogo mai kae tali mai ki a au; i a au ko masei valevale i toku manavase.

3Ko fonu toku loto i te mataku ona ko te fakamatakutaku mai a oku fili,

Mo te fakasaua mai o tino amio ma'sei.

Ko aumai ne latou a fakalavelave ki a au;

Talu eiloa te lotou ita mo te takalialia mai ki a au.

4Au ko mataku,

A te mataku foki o te mate ko 'mafa tukituki i luga i a au.

5Ko saitia au ne te mataku mo te polepole;

Ko takavale foki au i te mataku.

6Aku muna eiloa ke isi ne oku kapakau pela mo se lupe.

Ke eva atu au keatea o sala se koga mo oku fakatapū.

7Ke eva atu au ki se koga mao o faite soku fale i se toafa.

8Ka fakavave atu au o sala soku lafiga mai te matagi malosi mo te afā.

9Te Aliki, faka'numi aka pati a oku fili.

Me ko iloa ne au te saua mo taua i loto i te fa'kai,

10E fakatamilo faeloa i te fa'kai i te ao mo te po,

Tela ko fonu te fa'kai i te ofa tulafono mo fakalavelave.

11Te malaia ko i ona feitu katoa,

A ona auala ko fonu i te saua mo te fai togafiti 'loi.

12Kafai se fili e fakatauemu mai ki a au,

E mafai ne au o kufaki;

Kafai foki se tino e 'teke fakamatamata mai ki a au,

E mafai ne au o 'muni mai i a ia.

13Kae nei ko koe eiloa toku takaga,

Ko tino e masani mo au,

Ko toku taugasoa pili.

14Ne sau'tala faka'lei sale taua, ne tapuaki fakatasi taua i te Faletapu.

15Ke oko fakavave atu te mate ki oku fili;

Kae ke ave ola foki latou ki te fenua o tino 'mate!

I te masei e nofo faeloa i olotou fale mo olotou loto.

16Ka ko au e kalaga atu ki te Aliki te Atua mō se fesoasoani,

Kae ka fakaola ne ia au.

17A toku se malie mo aku fakatagi e olo ake ki a ia i te taeao, tutonu mo te po,

Kae ka lagona ne ia toku leo.

18Ka fakasao ne ia au mo te filemu mai te taua tela ne tau atu ei au ki oku fili uke eiloa.

19A te Atua tela ne pule mai i te kamataga ki te se gata mai,

Ka fakalogo a ia ki toku leo kae fakatakavale ne ia latou;

i a latou e ita ma fuli ki te Atua,

Kae se ma'aku ki a ia.

20A toku taugasoa mua ko oso atu o ta ona takaga;

Ko ofa ei ne ia tena feagaiga.

21E molemole atu ana muna i lo te sinu,

Kae isi foki te loto masei i tena loto;

E sili atu te mole'mole o ana muna i lo te sinu,

Kae ma'suki e pela me se pelu mata 'kai.

22Tuku atu ki te Aliki a mea a manavase koe ki ei,

Me ka fesoasoani a ia ki a koe;

E se tiaki lele ne ia a tino fakamaoni ke taka'vale.

23Ka ko koe e te Atua, ka ave ne koe a tino tatino mo te 'loi

Ki olotou tanuga kae seki oko latou ki te kogaloto o olotou olaga.

Kae pela mo au, e fakatuaga eiloa au ki a koe.