FAMASINO Fakatomuaga - Tuvalu Revised Bible

Fakatomuaga Te tusi o Famasino e fakamau i ei a tala i te vaaitaimi ko se tautali ei Isalaelu ki tulafono mai te vasia o te taimi ne puke ei Kanana ke oko ki te fakatuga o te pulega fakatupu. A tala konei e lasi ki mea ne fai ne tagata takutakua taki tokotasi o Isalaelu, kola e fakaigoa ki “famasino”, te lasiga o latou ne takitaki o kautau, kae se ne famasino i te uiga o te muna. E tokotasi mai i a latou, tela e lauiloa ko Samasoni, tena tala e fakamau i te mataupu e 13-16.A te akoakoga taua i te tusi, me i te tumau o Isalaelu e pogai mai i te lotou fakamaoni ki te Atua; ka ko te olotou se fakamaoni e oko ei latou ki fakalavelave. Kae isi foki se vaega e silia atu i te mea nei: e ui eiloa te fenua ko se fakamaoni ki te Atua, kae ne oko mai a fakalavelave, kae e toka faeloa te Atua o fakasao ana tino, manafai ko salamo kae toe 'foki atu ki a ia.Ko Fakasologa o MataupuMea ne tupu ke oko ki te mate o Iosua 1.1—2.10Famasino o Isalaelu 2.11—16.31Mea kesekese ne tupu 17.1—21.25