1Muna a te Aliki ki a Mose,
2“Fakasala atu a tino Mitiana e tusa mo te mea ne fai ne latou ki tino Isalaelu. Kafai ko oti ne fai ne koe te mea tena, ko koe eiloa ko mate.”
3Tena ne fai atu ei a Mose ki te fenua o Isalaelu penei, “Fakatoka o taua atu ki tino Mitiana, o fakasala latou e tusa mo lotou mea ne fai ki te Aliki.
4E taki toko afe mai matakaiga takitasi o Isalaelu e tau o olo o taua.”
5Tena ne fili mai ei e taki toko afe mai matakaiga takitasi, tela ko tusa ei mo te sefululua afe te aofaki katoa kola ko toka mo te taua.
6Ne uga atu latou ne Mose o taua, ka ko Fineaso te tama tagata a Eleasalo te faitaulaga ko te takitaki. Ko ia e tausi ne ia a mea tapu mo pu e fakailoa sale ei a fakailoga o te taua.
7Ne taua atu latou ki tino Mitiana, e pela mo te fakatonuga a te Aliki ki a Mose, tena ne tamate katoa ei ne latou a tagata katoa,
8fakatasi mo tupu o Mitiana kola e toko lima: ko Evi, ko Lekema, ko Sula, ko Hulo, mo Lepa. Ne tamate foki ne latou a Palaamo, te tama a Peolo.
9Ne puke fakapagota ne tino Isalaelu a fafine mo tamaliki Mitiana, ne puke foki ne latou a olotou lafu pulumakau mo lafu mamoe, pela foki a mea taua katoa,
10kae sunu a olotou fa'kai katoa.
11Ne puke ne tino Isalaelu a mea kola ne 'fao mai ne latou, fakatasi mo pagota mo manu,
12aumai ei ne latou ki a Mose mo Eleasalo mo te fenua katoa o Isalaelu, kola e nofo i kogā koga laugatasi o Moapi i tafa o te Iolitana kae luta tonu mo Ieliko.
Ko 'Foki mai te Kautau13Ne olo atu a Mose mo Eleasalo mo takitaki o te fenua o Isalaelu o fakafetaui ki te lotou kautau.
14Ne kaitaua Mose ki ofisa mo takitaki o potukau takitasi, kola ne foki mai mai te taua.
15Ne fesili atu a Mose penei, “Ai a e seki tamate ei ne koutou a fafine kona?
16Nume 25.1-9 Masaua me ko fafine kola ne tautali i fakatonuga a Palaamo o fai te agasala tela ne mafua ei te se fakamaoni o tino ki te Aliki i Peolo. Tena te mea ne oko atu ei te mala ki te fenua o te Aliki.
17Tela la, tamate katoa i te taimi nei a tamaliki tagata kola ko oti ne olo ki fafine pela foki a fafine katoa kola ko oti ne moe mo tagata,
18kae tausi ma koutou a tamaliki fafine mo fafine kola e seki iloa tagata.
19A tino katoa o koutou kola ne tatino io me ne puke ki foitino o tino mate e tau o nofo i tua o te fa'kai i aso e fitu. I te tolu mo te fitu o aso, masaua o faka'ma otou foitino, pela foki mo fafine kola ne puke fakapagota ne koutou.
20E tau foki o faka'ma ne koutou a gatu katoa, mo mea katoa ne faite ki pakili o manu, ki fulu o kouti, io me ne mea ne faite ki lakau.”
21Tena ne fai atu ei a Eleasalo ki tagata kola ne foki mai mai te taua penei: “Kona a fakatonuga ne tuku mai ne te Aliki ki a Mose:
22aulo, siliva, palasi, fiti, apa, mo te poolo;
23A mea katoa kola e se 'ka i te afi, e pela mo aulo, siliva, palasi, fiti, apa me ko polo mafa, e tau o faka'ma i te afi. Ka ko mea katoa e tau o faka'ma i te vai ke faka'ma.
24I te fitu o aso e tau mo koutou o 'ta otou gatu, tena ko 'ma ei koutou, ko talia ei koutou o ulu atu ki loto i te fa'kai.”
Ko te Vaevaega o Mea ne Puke i te Taua25Muna a te Aliki ki a Mose,
26“Olo mo Eleasalo mo takitaki o te fenua o lau a mea katoa kola ne puke mai ne koutou i te taua, pela foki a pagota mo manu.
27Vae pau a mea kona i vaega e lua, te vaega e tasi ma sotia ka ko te sua vaega ma te fenua katoa.
28Mai te vaega tela e fano ki sotia, taofi mai i ei ke fai mo lafoga ki te Aliki e toko tasi te pagota mai te taki lima selau, e pena foki a pulumakau, asini, mamoe mo kouti.
29Tuku te tusaga tena ki a Eleasalo ke fai mo tusaga fakapitoa ki te Aliki.
30Mai te vaega tela ne ave ma te fenua, puke mai i ei a toko tasi te pagota mai i te taki lima sefulu pagota, e pena foki a pulumakau, asini, mamoe mo kouti. Tuku atu te tusaga tena ki te matakaiga o Levi kola e tausi ne latou te Faleie o te Aliki.”
31Tena, ne fai eiloa ne Mose mo Eleasalo te fakatonuga a te Aliki.
32-35A mea konei ko fakasologa o mea kola ne pukegina ne sotia, fakaopoopo atu ki mea kola ne puke eiloa ma latou: 675,000 mamoe mo kouti, 72,000 pulumakau, 61,000 asini kae 32,000 taupou tamafine.
36-40A te afa o te tusaga o sotia e tusa mo te 337,500 mamoe mo kouti, tela a te 675 ko te lafoga mo te Aliki; 36,000 pulumakau ma sotia, tela a te 72 ko te lafoga ma te Aliki; 30,500 asini ma sotia, tela te 61 ko te lafoga ma te Aliki; 16,000 taupou tamafine ma sotia, kae ko te 32 ko te lafoga ma te Aliki.
41Ne tuku atu ei ne Mose ki a Eleasalo a te tusaga tela ne kati mai i te vaega o sotia e fai mo tusaga fakapitoa ki te Aliki, e pela eiloa mo tena fakatonuga ki a Mose.
42-46A te vaega o te fenua e 'tusa mo te vaega o sotia: e 337,500 mamoe mo kouti, 36.000 pulumakau, 30,500 asini, kae 16,000 taupou tamafine.
47Mai te vaega tena, ne kati mai ne Mose i ei, e tasi te pagota mai te limasefulu pagota, e pena foki te aofaki e kati mai i manu, o ave ma te kau sa Levi kola e tausi te Faleie o te Aliki e pela eiloa mo te fakatonuga a te Aliki.
48Tena, ne olo atu a ofisa kola e takitaki i te kau sotia ki a Mose
49o lipoti atu ki a ia penei, “Tou malu, ne lau fakalei ne matou a sotia i omotou potukau kae e seai eiloa se sotia e galo.
50Ko aumai nei ne matou a mea taulima aulo, ko taulima, ko ligi, ko ligi taliga, mo malele kola ne puke ne matou. Ko tuku atu ne matou a mea kona ki te Aliki e togi ei omotou ola, ko te mea ke tausi mai ne ia matou.”
51Tena, ne puke ei ne Mose mo Eleasalo a mea taulima aulo katoa kona.
52A te aofaki o mea taulima ne aumai ne ofisa e pili ki te luaselau kilokalame te mafa.
53A latou kola e se ne ofisa ne tausi eiloa olotou mea kola ne puke i olotou fili.
54Tena ne ave ei ne Mose mo Eleasalo a aulo kona ki te Faleie o te Aliki, ko te mea ke puipui ne te Aliki a tino Isalaelu.
Who We AreWhat We EelieveWhat We Do
2025 by iamachristian.org,Inc All rights reserved.
