ISAIA 54 - Tuvalu Revised Bible

Ko te Alofa o te Aliki mō Isalaelu

1 Kala 4.27 Ielusalema, a koe ne pela me se fafine seai sena fanau,

Kae nei ko mafai ne koe o usu pese kae kalaga mo te fiafia.

Nei, ka tokouke atu au tamaliki i lo te fafine tela e seki tiaki eiloa ne tena avaga!

2Fakalasi aka a te faleie tena e nofo koe i ei;

Fakaloa aka ona lopu kae fakamalosi ona pine!

3Ka fakalasi ne koe ou tuakoi i feitu katoa;

A ou tino ka toe puke mai ne latou a laukele konei e nofo i ei a tino o nisi malo.

A fa'kai konei e lavaki nei, ka toe fonu i tino.

4Sa mataku, a koe e se toe fakamasiasigina eiloa;

Ka se toe fakaseaogagina eiloa koe.

Ka fakapuli ne koe a tou se fakamaoni

E pela me se fafine seki leva ne avaga,

Ka puli foki i a koe a tou fi'ta

I te nofo tokotasi e pela me se fafine ko mate tena avaga.

5A ia tela ne faite ne ia koe ka pela me se avaga tagata a koe,

A tena igoa ko te Aliki Malosi.

A te Atua tapu o Isalaelu ka fakasao ne Ia a koe,

Ko ia ko te pule o te lalolagi katoa.

6Isalaelu, a koe pela me se fafine fatoa avaga,

Tela ne tiakina ne tena avaga kae

Ko oko eiloa i te fanoanoa.

Ka ko te Aliki ne toe kalaga atu ki a koe

Ke foki mai ki a ia, kae fai mai penei:

7“Ne tiaki ne au koe i se taimi toetoe;

Ka toe puke mai ne au a koe mo te alofa lasi.

8Ne tiaki ne au koe i toku kaitaua,

I se taimi toetoe,

Kae ka fakaasi atu nei toku alofa ki a koe ki te se gata mai.”

Kona muna a te Aliki tela ne fakasao ne ia koe.

9 Kene 9.8-17 “I aso o Noa, ne fai taku tautoga ke

Mo a e toe fakalofia ne au a te lalolagi.

Nei, au ko tauto i a au e se toe kaitaua atu eiloa ki a koe;

E se toe ita atu au io me toe fakasala ne au a koe.

10E maofa a mauga,

Ka ko toku alofa mō koe e se mafai o gata;

Ka tausi ne au taku tautoga o te filemu

Ki te se gata mai.”

Kona a muna a te Aliki tela e alofa ki a koe.

Ko Ielusalema i Aso Fakamuli

11 Faka 21.18-21 Muna a te Aliki,

“Ielusalema te fa'kai puapuaga kae fakaalofa,

Tela e seai se tino ke fakamafanafana atu ne ia koe;

Ka toe faite ne au ou fakavae ki fatu tāua.

12Ka faite ne au ou taoa ki fatu taua ko lupi,

Kae faite ou mataloa ki fatu kola e malapulapu pela me ne afi,

Ka ko pui i ou feitu e faite ki teuga taua.

13 Ioa 6.45 “Ko au eiloa ka akoako ne au ou tino,

Kae tuku atu ki a latou te maumea mo te filemu.

14A te fai mea tonu mo te tonu ka fai ne ia koe ke malosi.

Ka sao koe mai i pulega fakasaua mo mea fakama'taku.

15Kafai e taua atu se tino ki a koe,

Ko tena uiga e taua atu fua kae e seki fakailoa mai ki a au.

So se tino e taua atu ki a koe ka takavale.

16“Ko au ne faite ne au te tagata faite fiti,

Tela ne faka'ka ne ia te afi kae faite a meatau.

Ko au foki ne faite ne au a te sotia,

Tela e fakaaoga ne ia te meatau o tatino.

17Kae ka seai eiloa se meatau e mafai o fakapakia ne ia a koe;

Ka isi faeloa se tali a koe ki a latou

Kola e taumafai o taku fakamasei koe.

Ka 'pulu ne au aku tavini

Kae tuku atu ki a latou a te manumalo.”

Ko te Aliki tena ne faipati.