1Fakamuli ifo, ne toe taua atu Tavita ki te kau Filisitia, tena takavale ei te kau Filisitia, ko te mea eiloa ko gata te lotou pule i luga i te fenua.
2Oti aka, fakatakavale foki ne ia a Moapi. Ne faka'takato ne ia a tino ne puke fakapagota ki lalo i te laukele, kae i te taki tokotolu katoa, ne 'ta ne ia e tokolua kae fakaola e tokotasi. Tena, ne nofo mai ei a tino Moapi i lalo o tena pulega, kae ko togi lafoga atu sale foki ki a ia.
3Ne fakatakavale foki ne ia a Hatatesa, te tama tagata a Lehopa, kae ko te tupu o te kogā fenua o Sopa i Sulia, i te taimi ne malaga atu ei a Hatatesa o toe puke a te kogā fenua tena mai te feitu ki luga o te Eufilate.
4Ne puke fakapagota ne Tavita e afe fituselau o ana tagata i solofanua, kae luasefulu afe o sotia sasale. Ne fakasao ne ia a te aofaki o solofanua ke lava mo faka'tele kaliota e selau, kae 'ta katoa a nisi solofanua.
5Ne fanatu te kautau a tino Sulia i Tamaseko o fesoasoani ki te Tupu ko Hatatesa, kae ne taua atu ki ei te kau a Tavita, tamate ne latou e tusa mo te luasefulu lua afe tagata o Sulia.
6Tena ne faka'tu ne Tavita a koga mo ana kautau i kogā laukele o malo kona ne takavale, tena ne nofo mai foki ei latou mai lalo o te pulega a Tavita, kae lafo lafoga foki ki ei. Ko te Aliki ne fai ne ia Tavita ke manumalo i so se koga.
7Ne fao malo ne Tavita a talita aulo kola e fakaaoga ne ofisa a Hatatesa, ave ei ne ia ki Ielusalema
8Ne puke mai foki ne ia a fiti palasi e uke mai Peta mo Pelotai, ko fa'kai kona e pule ne Hatatesa.
9Ne logo te Tupu o Hamata ko Toi, me ko oti ne fakatakavale ne Tavita a te kautau katoa a Hatatesa.
10Tena, ne uga tena tama tagata ko Iolamo ke fakafetaui atu ki te Tupu ko Tavita kae fakamalo atu ki ei e tusa mo tena manumalo i a Hatatesa, te tupu tela ne taua sale mo Toi i taimi e uke. Ne avatu ne Iolama ki a Tavita a meaalofa aulo, siliva mo palasi.
11Ne fakatapu ne Tavita a mea kona ke fakaaoga i tapuakiga, fakatasi mo siliva mo aulo ne 'fao ne ia mai malo kola ne fakatakavale ne ia,
12ko Etoma, Moapi, Amoni, Filisitia mo Amaleka, pela foki mo te vaega o mea taua ne fao ne ia mai i a Hatatesa.
13 Sala 60 Ne gasolo eiloa Tavita o takutakua i tena fokimaiga i te taga e sefuluvalu afe tagata Etoma i te Vanu o Masima.
14Ne faka'tu a koga nofo o ana kautau i Etoma, tena, pule foki ne ia Etoma. Ko te Aliki ne fai ne ia Tavita ke manumalo i koga katoa.
15Ne pule Tavita i luga i Isalaelu kātoa, kae ne tausi faka'lei eiloa ke seai se mea piko e fai ki ona tino.
16A Ioapo, te tama a te fafine ko Seluia, ko te takitaki o te kautau; a Iosefatu, te tama tagata a Ailuta, e failautusi;
17a Satoka, te tama tagata a Aitupa, mo Aimeleka, te tama tagata a Apiata ko te faitaulaga; a Selaia ko te failautusi a te tupu;
18a Penaia, te tama tagata a Ieoiata e pule i sotia tausi o Tavita, ka ko tama tagata a Tavita ne faitaulaga.
Who We AreWhat We EelieveWhat We Do
2025 by iamachristian.org,Inc All rights reserved.
