FAKAASIGA 4 - Tuvalu Revised Bible

Ko te Tapuakiga i te Lagi

1Mai tua ifo, ne oko mai ki a au te sua fakaasiga, ne matea atu ei ne au a te mataloa e matala i te lagi.

Ne lagona foki ne au te leo e tagi e pela mo se pu, ko te leo foki tela ne lagona ne au muamua e fai mai penei: “Vau ki luga nei, ke fakaasi atu ne au a mea e 'tau o tupu mai tua o te mea nei.”

2Eseki 1.26-28; 10.1I kona foki eiloa ko fakatasi mai te Agaga ki a au. E isi se nofogaaliki i te lagi mo te tino e nofo i ei.

3A ona foliga e malapulapu e pela mo fatu taua, pela mo te iasipi mo te kaneli; kae fakatamilo i te nofogaaliki a te nuanua e lanu e pela mo te emela.

4E isi foki nisi nofogaaliki e lua sefulu fa e fakatamilo i te nofogaaliki, kola e 'nofo i ei a toeaina e tinolua mo te toko fa, kae pei ki gatu kena, kae isi foki i luga i olotou ulu a foualiki aulo.

5Eso 19.16; Faka 8.5; 11.19; 16.18; Esela 1.13 Faka 1.4; Saka 4.2E 'lapa mai a uila kae pa'pa mo fatili mo leo foki mai te nofogaaliki. E isi ne moli e fitu e 'ka i mua o te nofogaaliki; ko agaga konā e fitu o te Atua.

6Eseki 1.22

Esela 1.5-10; 10.14I mua foki o te nofogaaliki e isi se mea e pela mo te tai kilasi, e 'ma eiloa e pela mo se fatu kilasi.

I feitu katoa fakatamilo o te nofogaaliki, e 'tu i ei a manu e fa kola e uke olotou mata i mua mo tua.

7A te manu muamua e foliga pela mo se leona; ko te lua e foliga pela mo se tamā pulumakau; ko te tolu e foliga mai pela mo se tino; ka ko te fa e foliga mai pela mo se aeto.

8Esela 1.18; 10.12; E taki ono kapakau o te manu e tasi, kae fonu eiloa a kapakau i mata, i loto mo tua. E se mafai eiloa o gata a te lotou 'pese i te ao mo te po e penei:

“E tapu, e tapu, e tapu a te Aliki te Atua e o ia te Malosi Katoatoa,

Tela ne ola mai mua, e ola nei, ko ia foki tela ka oko mai.”

9Kafai e usu ne manu konei a pese o vikiga, tavaega mo te fakafetai ki a ia tela e nofo i te nofogaaliki, tela ko ia e ola ki te se gata mai ki te se gata mai eiloa,

10e totuli katoa a te tinolua mo te tokofa o toeaina i mua o ia tela e nofo i te nofogaaliki, kae tapuaki atu ki a ia tela e ola ki te se gata mai, ki te se gata mai eiloa. E lafo atu olotou foualiki ki mua o te nofogaaliki, kae fai atu penei:

11“Te motou Aliki mo te motou Atua!

E 'tau eiloa o maua ne koe a te 'malu, te vikiga, mo te 'mana.

Me ne faite ne koe a mea katoa,

Kae mai i tou loto foki, ne faite ei ne koe a mea ke tino mai kae ke ola foki.”