1A te kau Filisitia ne maopoopo katoa i Afeka, ka ko te kau Isalaelu ne fakama'nava i te vaipuna i te Vanu o Ieseleelu.
2Ne solo atu a tupu o Filisitia e tokolima mo olotou potukau i taki selau mo taki afe; ka ko Tavita mo tena kau e olo atu i tua mo te Tupu ko Akisa.
3Ne lavea ne takitaki o potukau takitasi o Filisitia a Tavita mo tena kau, tena ne fesili atu ei penei, “Ne a mea a tino Epelu konei e fai i konei?”
Ne tali atu Akisa, “Mea nei ko Tavita, se ofisa a Saulo te Tupu o Isalaelu. Ko leva eiloa a ia ne nofo i a au. E seai se mea piko kai fai ne ia talu mai te aso ne oko mai ei a ia ki a au.”
4Ka ko takitaki o Filisitia ne ita ki a Akisa kae fai atu penei, “Uga atu te tagata tena ke foki ki te fa'kai ne tuku ne koe ki ei. Sa tuku mai a ia ke olo tasi tatou o taua, i te mea fua ma fuli mai o taua ki a tatou i te taimi o te taua. Se a foki te auala sili e fakafiafia ei ne ia tena pule, na ko te tamate ne ia o te tou kau?
51Samu 18.7; 21.11 Kae ko oi foki la tena, me ko Tavita, tela e usu i pese a fafine i taimi e saka ei latou, ‘A Saulo e ta i afe, ka ko Tavita i taki sefulu afe.’ ”
6Ne kalaga atu Akisa ki a Tavita kae fai atu ki a ia penei, “Au e tauto i te igoa o te Atua ola o Isalaelu, i a koe ne fakamaoni mai ki a au, kae e fiafia lasi au ke olo tasi taua o taua i te taua tenei. E seai se mea piko kai maua ne au i a koe, talu mai te taimi ne vau ei koe ki a au. Ka ko te fakalavelave, a nisi tupu e se loto ke vau koe.
7Tela la, foki mo te filemu ki tou fa'kai, kae sa faigina se mea e se fiafia ki ei a latou.”
8Ne tali atu Tavita, “Tou malu, se a te mea 'se a aku ne fai? Kafai e tonu au muna me e seai eiloa se mea piko aku kai fai talu mai te aso ne vau ei au o tavini ki a koe, ai a la e se fanatu ei au i a koe, toku pule mo toku tupu, o taua ki ou fili?”
9Ne tali atu Akisa, “Au e loto ki te mea tena. Au e kilo ki tou fakamaoni e pela eiloa me se agelu a te Atua. Ka ko nisi tupu ko oti ne se talia ne latou ke vau koe i a matou ki te taua.
10Tela la, Tavita, i te tafataeao taeao, a koutou katoa kona ne tele mai i a Saulo o 'mai ki a au, e tau o ala fakavave i te taeao o olo manafai ko maina.”
11Tena ne malaga atu ei a Tavita mo tena kau i te taeao malu o te sua aso o foki ki Filisitia, ka ko te kautau Filisitia ne fano eiloa ki Ieseleelu.
Who We AreWhat We EelieveWhat We Do
2025 by iamachristian.org,Inc All rights reserved.
