1Ne fanatu a Mose, fakatasi mo takitaki o Isalaelu, kae fai atu ki tino o te fenua penei, “Fakalogo ki fakatonuga konei ka avatu ne au ki a koutou i te aso nei.
2Iosu 8.30-32 I te aso e sopo atu ei koutou ki te sua feitu o te vaitafe o Iolitana, o ulu ki loto i te fenua tela ne avatu ne te Aliki te otou Atua mo koutou, e tau o fakatu aka ne koutou ne fatu lasi kae fakapa ke maniania,
3kae tusi ki ei a tulafono mo akoakoga katoa konei. Kafai ko ulu atu koutou ki loto i te fenua maumea kae laukele ola tela ne tauto te Aliki te Atua o otou tupuga ke avatu mo koutou,
4masaua o fakatu a fatu kona i luga i te Mauga o Epalu, e penei mo taku fakatonuga ki a koutou i te aso nei, kae fakamole ke maniania.
5Eso 20.25 Faite se fata-fai-taulaga i kona, ki fatu e seki kati ki se mea faigaluega fiti,
6me i so se fata-fai-taulaga e faite ne koutou mo te Aliki te otou Atua, e tau o faite ki fatu e seki kati ki se mea faigaluega. I kona e tau ei o ofo ne koutou a taulaga kola e sunu,
7i kona foki e tau o ofo ei otou taulaga fakafetai, kae kai foki otou taulaga kona, kae fiafia i mua o te Aliki te otou Atua.
8I luga i fatu kona, ke tusi fakalei eiloa i ei a tulafono katoa a te Atua.”
9Tena la, kae fai atu a Mose mo faitaulaga sa Levi ki tino Isalaelu penei, “Tino Isalaelu, fakalogo mai ki a au. I te aso nei, ko fai koutou mo fenua tonu o te Aliki te otou Atua;
10tela la, fakalogo ki a ia kae tausi ki ana tulafono katoa konei ne avatu ne au i te aso nei.”
Ko te Malaia o Tino se Fakalogo11Tena kae fai atu a Mose ki tino Isalaelu penei,
12Teu 11.29; Iosu 8.33-35 “Kafai ko oti koutou ne olo atu ki te sua feitu o te Vaitafe o Iolitana, e tau a matakaiga o Simeona, Levi, Iuta, Isakala, Iosefa mo Peniamina, o tu i luga i te Mauga o Kelisima i te taimi e folafola mai ei a fakamanuiaga ki luga i tino o te fenua.
13Kae konei a matakaiga kola e tau o tu i luga i te Mauga o Epalu i te taimi e folafola mai ei te fakamalaiaga: te matakaiga o Leupena, te matakaiga o Kato, te matakaiga o Asela, te matakaiga o Sepulona, te matakaiga o Tanu mo te matakaiga o Nafatali.
14Ko te kau sa Levi ka faipati ne latou a muna konei i te leo maluga:
15 Eso 20.4; 34.17; Levi 19.4; 26.1; Teu 4.15-18; 5.8 “A te fakamalaiaga a te Atua e paku ki luga i so se tino e faite ne ia se tupua ki fatu, lakau, io me ki fiti, kae tapuaki muni ki ei; a te Aliki e se fiafia ki te ifo ki tupua.’
“Ka ko tino katoa ka tali penei, ‘Amene!’
16 Eso 20.12; Teu 5.16 “‘A te fakamalaiaga a te Atua ke paku ki so se tino e fakamasiasi ne ia tena tamana mo tena matua.’
“Ka ko tino katoa ka tali penei, ‘Amene!’
17 Teu 19.14 “‘A te fakamalaiaga a te Atua ke paku ki luga i so se tino e siki ne ia a te tuakoi o te tino tela e tuakoi mo ia.’
“Ka ko tino katoa ka tali penei, ‘Amene!’
18 Levi 19.14 “‘A te fakamalaiaga a te Atua ke paku ki luga i so se tino tela e takitaki ne ia a tino kivi i te auala 'se.’
“Ka ko tino katoa ka tali penei, ‘Amene!’
19 Eso 22.21; 23.9; Levi 19.33,34; Teu 24.17,18 “‘A te fakamalaiaga a te Atua ke paku ki luga i so se tino e fakatogafiti ne ia a tino fakaatea, tamaliki seai ne matua, mo fafine ko mate olotou avaga, i saolotoga o latou.’
“Ka ko tino katoa ka tali penei, ‘Amene!’
20 Levi 18.8; 20.11; Teu 22.30 “‘A te fakamalaiaga a te Atua ke paku ki luga i so se tino e fakamasiasi ne ia tena tamana o moe mo se avaga e tokotasi a tena tamana.’
“Ka ko tino katoa ka tali penei, ‘Amene!’
21 Eso 22.19; Levi 18.23; 20.15 “‘A te fakamalaiaga a te Atua ke paku ki luga i so se tino e moe mo se manu.’
“Ka ko tino katoa ka tali penei, ‘Amene!’
22 Levi 18.9; 20.17 “‘A te fakamalaiaga a te Atua ke paku ki luga i so se tino e moe mo tena tuagaene io me se afā tuagaene o ia.’
“Ka ko tino katoa ka tali penei, ‘Amene!’
23 Levi 18.17; 20.14 “‘A te fakamalaiaga a te Atua ke paku ki luga i so se tino e moe mo te matua o tena avaga.’
“Ka ko tino katoa ka tali penei, ‘Amene!’
24“‘A te fakamalaiaga a te Atua ke paku ki luga i so se tino e tatino funa.’
“Ka ko tino katoa ka tali penei, ‘Amene!’
25“‘A te fakamalaiaga a te Atua ke paku ki luga i so se tino e talia ne ia se togi ke tamate ne ia se tino e seai sena agasala.’
“Ka ko tino katoa ka tali penei, ‘Amene!’
26 Kala 3.10 “‘A te fakamalaiaga a te Atua ke paku ki luga i te tino tela e se fakalogo ki tulafono mo akoakoga katoa a te Atua.’
“Ka ko tino katoa ka tali penei, ‘Amene!’
Who We AreWhat We EelieveWhat We Do
2025 by iamachristian.org,Inc All rights reserved.
