IELEMIA 41 - Tuvalu Revised Bible

1 tela ne keli ne te kau a te Tupu ko Asa i te taimi ne taua atu ei ki a ia a te tupu o Isalaelu ko Paasa. Ne fakafonu ne Isamaeli a te vaikeli tena ki foitino mate.

10Tena, ne puke fakapagota ne ia a tama fafine a te tupu, pela foki mo tino katoa o Mesepa kola ne tuku ne te ofisa pule ko Nepusalatana ke pule ne Ketalia. Ne ave fakapagota latou ne Isamaeli, olo ei i te auala ki te fenua o Amoni.

11A Ioananu mo takitaki o kautau kola e nofo mo ia, ne logo i te mea masei tela ne fai ne Isamaeli.

12Tena ne olo atu ei latou o afuli a Isamaeli mo tena kau, maua atu ei ne latou i tafa o te vai lasi i Kipeona.

13I te laveaga ne tino kola ne puke fakapagota ne Isamaeli a Ioananu mo takitaki o kautau kola e o'mai mo ia, ko oko eiloa i te lotou fiafia,

14tena ne mafuli mai ei latou o tele mai ki a latou.

15Ka ko Isamaeli mo te tokovalu tagata i tena kau ne sao mai i a Ioananu, sola atu ei ki Amoni.

16A Ioananu mo takitaki o kautau kola ne o'mai mo ia ne tausi fakalei ki tino kola ne puke fakapagota ne Isamaeli mai i Mesepa i te otiga ne tamate ne latou a Ketalia — a pagota kona e aofia ei a sotia, fafine, tamaliki mo eunuka.

17-18A Ioananu mo takitaki o kautau kona ne o'mai mo ia ko mataku i te kau Papelonia ona ko te tamatega o Ketalia ne Isamaeli. A Ketalia ne fakasopo ne te tupu o Papelonia ke fai mo kovana o te fenua. Tena la, ne malaga atu ei latou o olo ki Aikupito, ko te mea ke mao latou mai i te kau Papelonia. I te lotou auala, ne nofo ake latou i Kimeama, i tafa o Peteleema.