1A takitaki o te fenua e nofo katoa i Ielusalema, ka ko te 'toega o tino o te fenua, ne fai ne latou a vili e filifili ei a kaiga takitasi mai i te taki sefulu o kaiga ke olo o nofo i te fa'kai tapu o Ielusalema, ka ko te toega o kaiga ke olo o nofo i nisi fa'kai lasi mo fa'kai foliki.
2A tino o te fenua e tavae ne latou a tino kola e ofo ke nofo latou i Ielusalema.
3Nee 7.73 I nisi fa'kai foliki mo fa'kai lasi, a tino Isalaelu, faitaulaga te kau sa Levi, tino ga'lue i te Faletapu, mo tino o te gafa o tavini a Solomona, e nofo eiloa i olotou manafa i olotou fa'kai.
Tenei te fakasologa o igoa o tino matuatua o te itu malo o Iuta kola e nofo i Ielusalema:
4Ko tino o te matakaiga o Iuta:Ko Ataia te tama tagata a Usia kae ko te mokopuna o Sakalia. A nisi tupuga o ia ko Amalia, Sefatia, mo Malaelu, ko tino o te gafa o te tama tagata a Iuta ko Pelesa.
5Ko Maseia te tama tagata a Paluka, kae ko te mokopuna o Kolose. A nisi tupuga o ia ko Hasaia, Ataia, Ioialipa, mo Sakalia; ko tino o te gafa o te tama tagata a Iuta e igoa ki a Sela.
6Mai i tino o te gafa o Pelesa, e tusa mo te 468 tagata ma'losi e nofo i Ielusalema.
7Ko tino mai i te matakaiga o Peniamina:Ko Salu te tama tagata a Mesulama kae ko te mokopuna o Ioeta. A nisi tupuga o ia ko Petaia, Kolaia, Maseia, Itielu, mo Iesaia.
8A Kapai mo Salai ko kaiga pili eiloa o Salu.
E tusa mo te 928 tino i te matakaiga o Peniamina e nofo i Ielusalema.
9A Ioelu te tama tagata a Sikeli ko te takitaki o latou, ka ko Iuta te tama tagata a Hasenua ko te tokolua ofisa maluga i te fa'kai.
10Ko Faitaulaga:Ko Ietaia te tama tagata a Ioialipa, mo Iakini.
11Ko Selaia te tama tagata a Hilikia kae ko te mokopuna o Mesulama. A ona tupuga ko Satoka, Melaiota mo Aitupa te Faitaulaga Sili.
12E tusa mo te 822 tino o te kaukaiga tenei e galue i te Faletapu.
Ko Ataia te tama tagata a Ieloamo kae ko te mokopuna o Pelalia. A nisi o ona tupuga ko Amisi, Sakalia, Pasula, mo Malakita.
13E tusa mo te 242 tino o te kaukaiga tena ko matai o kaiga takitasi.
Ko Amasai te tama tagata a Asalelu kae ko te mokopuna o Asaia. A nisi o ona tupuga ko Mesilemota mo Imela.
14E tusa mo te 128 tagata o te kaukaiga tena ne sotia takutakua. A te takitaki o latou ko Sapatielu, se tagata i te kaiga maluga eiloa.
15Ko te kau sa Levi:Ko Semaia te tama tagata a Hasupa kae ko te mokopuna o Asilikama. A nisi o ona tupuga ko Hasapaia mo Puna.
16Ko Sapetai mo Iosapata, ne tino sa Levi takutakua eiloa kola e takitaki i galuega i tua o te Faletapu.
17Ko Matania te tama tagata a Mika kae ko te mokopuna o Sapeti, se tino i te gafa o Asafo. Ne takitaki ne ia a te kaufaipese o te Faletapu i te usuga o te talo fakafetai.
Ko Pakapukia, tela ko te tokolua ki a Matania.
Ko Apata te tama tagata a Samua kae ko te mokopuna o Kalala, se tino i te gafa o Ietutunu.
18A te aofaki katoa o te kau sa Levi kola e nofo i te fa'kai tapu ko Ielusalema e tusa mo te 284.
19Ko sotia tausi o te Faletapu:Ko Akupa, Talamoni, mo olotou kaiga, e tusa mo te 172 te aofaki katoa.
20A te toega o tino Isalaelu, mo faitaulaga, mo te kau sa Levi, e nofo eiloa i olotou manafa i nisi fa'kai lasi mo fa'kai foliki o Iuta.
21A tino ga'lue o te Faletapu e nofo i te sua feitu o Ielusalema e igoa ko Ofele kae e galue i lalo o te fakatonutonuga a Siha mo Kisepa.
22A te tino fakatonutonu o te kau sa Levi tela e nofo i Ielusalema, ko Usi te tama tagata a Pani kae ko te mokopuna o Hasapaia. A ona tupuga ko Matania mo Mika, ka ko ia se tino i te kaukaiga o Asafo, te kaukaiga tātā lakau o te Faletapu.
23E isi ne fakatonuga a te malo ke fakasolosolo sale a kaukaiga i te takitakiga o pese i te Faletapu i aso takitasi.
24Ko Petaia te tama tagata a Mesesapelu, mai i te kaukaiga o Sela i te matakaiga o Iuta, e sui ne ia te fenua o Isalaelu i te fono i Pelesia.
Ko Tino i nisi Fa'kai lasi mo Fa'kai foliki25E tokouke eiloa a tino e nofo i fa'kai i tafa o olotou manafa mo fatoaga. A tino i te matakaiga o Iuta e nofo i Kiliata Alapa, i Tipono, mo Iekapaselu, mo fa'kai foliki i tafa o fa'kai lasi kona.
26E nofo foki latou i fa'kai o Iesua, Molata, Petepelete,
27mo Hasalasualo, pela foki i Pelesepa, mo fa'kai i tafatafa.
28E nofo latou i te fa'kai o Sikilaka, i Mekona mo ona fakai foliki,
29i Enelimoni, i Sola mo Ialamuta,
30i Sanoa, i Atulama, mo fa'kai foliki ei i tafatafa o fa'kai kona. E nofo foki latou i Lakisa mo laukele pili atu, pela foki i Aseka mo ona fa'kai foliki. Tena la, a tino o Iuta e nofo i te kogā laukele i te va o Pelesepa i saute mo te Vanu o Hinomo i matu.
31A tino i te matakaiga o Peniamina e nofo i Kepa, Mekemase, Ai, Peteli, mo fa'kai foliki i tafatafa o fa'kai kona,
32i Anatota, Nopa, Anania,
33Hasola, Lama, Kitaima,
34Hatita, Sepoima, Nepalata,
35Loto, mo Ono, pela foki i te Vanu o Tufuga.
36A nisi potukau sa Levi kola ne nofo i te kogā fenua o Iuta ko ave ke nofo tasi mo tino Peniamina.
Who We AreWhat We EelieveWhat We Do
2025 by iamachristian.org,Inc All rights reserved.
