MALAKI 4 - Tuvalu Revised Bible

Ko Pili mai te Aso o te Aliki

1Muna a te Aliki Tafasili i te Malosi penei, “Ko pili o oko mai te aso e sunu ei a tino ma'sei mo tino fakamata'mata pela me ne kaiga. I te aso tena, ka 'ka valevale latou, kae ka seai ne mea e toe mai i a latou.

2Ka ko koutou kola e faka'logo mai ki a au, ka fakaola ne au a koutou. Ka saoloto koutou kae fiafia e pela me ne tamā pulumakau ko tala ki tua mai te lotou lulu.

3I te aso e fai ei ne au a mea kona, ka fakatakavale ne koutou a tino ma'sei kae ka fai latou e pela me ne pefu i lalo o otou vae.

4“Masaua a akoakoga a taku tavini ko Mose, tulafono mo fakatonuga kola ne tuku ne au ki a ia i te Mauga o Sinai ke faka'logo ki ei a tino katoa o Isalaelu.

5 Mata 11.14; 17.10-13; Male 9.11-13; Luka 1.17; Ioa 1.21 “Kae koi tuai o oko mai te aso lasi mo te fakamataku o te Aliki, ka uga atu ne au a te pelofeta ko Elia.

6Ka fai ne ia a tamana mo olotou tama ke toe fealofani; me moi ne seki fai pena, penei ko oti ne fakamasei valevale ne au te otou fenua.”