SALAMO 118 - Tuvalu Revised Bible

Te Talo Fakafetai me ko maua te Manumalo

1 1NTupu 16.34; 2NTupu 5.13; 7.3; Esela 3.11; Sala 100.5; 106.1; 107.1; 136.1; Iele 33.11 Fakafetai atu koutou ki te Aliki me agalei,

A tena alofa foki e se gata mai.

2A tino Isalaelu ke fai ake penei,

“A tena alofa e se gata mai.”

3A faitaulaga a te Atua ke fai ake penei,

“A tena alofa e se gata mai.”

4A tino katoa kola e tapuaki ki a ia ke fai ake penei,

“A tena alofa e se gata mai.”

5Au ne kalaga ki te Aliki i taimi e puapuagatia ei au;

Ne tali mai kae fakasao ne ia au.

6 Epe 13.6 Au ko se mataku me kau fakatasi maua mo te Aliki;

Ko se toe mafai ne tino o fai mai se mea ki a au.

7Ko te Aliki tela e fesoasoani mai ki a au,

Ka lavea ei ne au oku fili ka takavale.

8E sili atu te talitonu ki te Aliki,

i lo te fakalagolago ki tino.

9E sili atu te talitonu ki te Aliki,

i lo te fakalagolago ki tino pule.

10Ne nikoi au ne fili e tokouke;

Kae ne fakamasei ne au a latou i te mana o te Aliki!

11Ne nikoi au ne latou i feitu katoa;

Ne fakamasei ne au a latou ki te mana o te Aliki!

12Ne mumu mai ki a au e pela me ne lagofufu,

Kae ne 'ka fakavave katoa latou e pela me se afi e ka i va o lakau makaikai;

Ne fakamaseigina latou ki te mana o te Atua!

13Au ne ta fakamasei kae ne takavale,

Ka ko te Aliki ne fesoasoani mai ki a au.

14 Eso 15.2; Isa 12.2 Te Aliki ne fai ne ia au ke malosi kae mafi;

Ne fakaola ne ia au.

15Faka'logo ki ka'laga fia'fia o te manumalo i loto i faleie o tino o te Atua:

“Ko te mana lasi o te Aliki ne fai ne ia!

16Ko tena mana ne manumalo ei tatou,

Ko tena mana malosi i taua!”

17Au ka se mate; au ka ola eiloa,

Ko te mea ke fakamatala ne au a mea a te Aliki ne fai.

18Ne fakasala 'mafa ne ia au,

Kae ne seki tuku ne ia au ke mate.

19'Tala mai ki a au a mataloa o te Faletapu;

Ke ulu atu au ki loto o fakafetai ki te Aliki!

20Tenei te mataloa o te Aliki;

Ko tino amiotonu fua e mafai o ulu mai ki loto.

21Te Aliki, e tavae ne au a koe me ne talia ne koe au,

Ne fai foki au ne koe ke manumalo.

22 Luka 20.17; Galu 4.11; 1Pete 2.7 Mata 21.42; Male 12.10,11 Te fatu tela ne tiaki ne tufuga fai fale me se aoga,

Ne iloa ake me ko te toe fatu tafasili i te taua i fatu katoa.

23Ne fai ne te Aliki te mea tenei;

E ofo tatou ma kilo ki ei!

24Mea nei ko te aso o te manumalo o te Aliki;

Ke fiafia tatou o fakamasaua!

25 Mata 21.9; Male 11.9; Ioa 12.13 Te Aliki, fakaola mai matou!

Tuku mai te manuia ki a matou!

26 Mata 21.9; 23.39; Male 11.9; Luka 13.35; 19.38; Ioa 12.13 Te Atua, fakamanuia atu ki a ia tena e vau i te igoa o te Aliki;

Mai te Faletapu o te Aliki, e fakamanuia atu ei matou ki a koutou.

27A te Aliki ko te Atua; a ia ne alofa mai ki a tatou.

Kamata a fiafiaga o te aso o solo mo kaula o lakau i otou lima o fakatamilo te fata-fai-taulaga.

28A koe ko toku Atua, ko fakafetai atu au ki a koe;

Ka folafola atu ne au tou 'malu.

29Fakafetai ki te Aliki me i a ia e aga 'lei,

A tena alofa foki e se gata mai.