1 TUPU 7 - Tuvalu Revised Bible

Ko te Palesi o Solomona

1Ne faite foki ne Solomona se palesi mo ia, kae e tusa mo te sefulutolu tausaga ne galue ei a ia ki ei.

2-3A te potu e tasi i loto i te palesi e igoa ko te Potu o te Vao o Lepanona, e tusa mo te fasefulu fa mita te loa, e luasefulu lua mita te lauefa, kae e sefulutolu tesimale lima mita te maluga. E tolu laina o pou alasi, e taki sefululima pou i te laina e tasi, mo 'saga alasi e faka'lava i luga o pou kona. A te fakaalo e faite ki laupapa o alasi, e oko atu eiloa ki potu teu koloa, kae tokāi ne pou.

4E taki tolu laina o fakamalama i feitu fale takitasi.

5A mataloa mo fakamalama e faka'tafa. I te feitu fale e tasi, e tolu laina o famalama e fakafesagai tonu mo fakamalama i te sua feitu.

6A te sua potu e igoa ko te Potu o Pou, e tusa mo te luasefulu lua mita te loa kae sefulutolu tesimale lima mita te lauefa. E isi se fakaosoga o te potu tena, e taofi mau ne pou.

7A te Potu o te Nofogaaliki, tela e fakaigoa foki ko te Potu o Fakamasinoga, te koga e fakamasino ei ne Solomona a kinauga a te fenua, e faite foki ki laupapa o te alasi mai i te fola ke oko ki laupapa o te tuafale.

8 Ne fakatu ne ia a pou kona i te mataloa o te Faletapu.

16Ne faite foki ne ia e lua a ulu pou palasi, e takilua tesimale lua mita te ma'luga o ulu pou takitasi, kae e fakapiki ki ulu o pou kola ne faite.

17A ulu o pou kona e teu ki ata o filifili e 'laga,

18mo te ava laina o pomekalanite e faite ki palasi.

19A ulu pou e faite pela me ne pula o lili, e takitasi tesimale valu mita te 'loa,

20kae e faka'piki i te koga pukupuku, mai luga o ata fakagaligali o filifili. E tusa mo te luaselau pomekalanite i laina e lua, fakatamilo i ulupou takitasi.

21Ne faka'tu ne Hulamo a pou palasi konei e lua i mua o te mataloa o te Faletapu: a te pou ki te feitu ki saute e fakaigoa ko Iakini, ka ko te pou ki te feitu ki matu e fakaigoa ko Poasa.

22A ulu pou palasi kola e foliga pela me ne lili, e faka'piki i luga i pou kona.

Tena, ko palele ei a te galuega ki te faitega o pou kona.

Ko te Tani Palasi(2NTupu 4.2-5)

23Ne faite foki ne Hulamo se tani palasi kae pukupuku, e tusa mo te lua tesimale lua mita te 'poko, e fa tesimale fa mita mai te sua mata o te tani ki te sua mata, kae sefulutolu tesimale lua mita i te pukupuku.

24E isi ne laina e lua o ata o vine e faite ki palasi, kola ne faite ke foitino tasi mo te tani.

25A te tani e tu i luga i tua o pulumakau palasi e sefululua kola e fakasaga katoa ki tua, e taki tolu e fakasaga ki feitu takitasi.

26A te matolu o feitu o te tani e tusa mo te fitusefulu lima milimita. A te kaugutu o te tani e pela mo kaugutu o se ipu, e pale ki tua e pela mo pula o te lakau ko te lili. A te aofaki o te vai i loto i te tani tena e tusa mo te fasefulu afe lita.

Ko Ka Palasi

27Ne faite foki ne Hulamo e sefulu ka palasi; a te ka e tasi e tusa mo te tasi tesimale valu mita te loa, tasi tesimale valu mita te lauefa, kae tasi tesimale tolu mita te maluga.

28Ne faite ki laupapa fakata'fa kola e fakama'losi ki patini,

29mo ata o leona, pulumakau mo kelupi e lomi i luga i laupapa kona. I luga i patini, mai luga o leona mo pulumakau, pela foki mai lalo o ata o manu kona, e lomi foki i ei a ata o mea fili pela me ne fou.

30A te ka e tasi e tusa mo te fa o ana teka palasi, mo olotou siafu e faite foki ki palasi. I kaokao o ka kona, e isi foki ne lagolago palasi mo tuku sale ei a pesini; a lagolago kona e fakagaligali foki ki mea 'fili.

31E isi se mea pukupuku i te feitu ki luga mo te pesini. A te mea tena e fakaoso ki luga mai te ka e tusa mo te fasefulu lima senitimita, kae e sefuluvalu senitimita te fakaoso ki lalo mo te ka. E isi ne ata fakagaligali i ana kaugutu.

32A teka e tusa mo te onosefulu ono senitimita te ma'luga; kae e nofo tonu mai lalo o laupapa. A kau, se fiti eiloa e tasi mo te ka.

33A teka, e pela me ne teka o kaliota. A olotou kau mo kaugutu, mo gaogao, mo te kogaloto e faite katoa ki palasi.

34E fa a lagolago i te feitu ki lalo o ka takitasi, e takitasi i te matulimanu e tasi, kae e 'piki tasi katoa mo te ka.

35E isi se fusi e tusa mo te luasefulu lua senitimita te loa e fusi fakatamilo i luga i ka takitasi; a ona lagolago mo laupapa se foitino katoa eiloa e tasi mo te ka.

36A lagolago mo laupapa e teuteu ki ata o kelupi, leona mo lakau ko pama, i koga kola e avanoa mo lomi ei a ata o mea kona, ka ko tafatafa e isi ne ata o mea e fili pela me ne fou.

37E pena te faitega o ka kona, ne faite ke foliga katoa ki te foliga e tasi.

38 Eso 30.17-21 Ne faite foki ne Hulamo e sefulu pesini, e takitasi i te ka e tasi. A te pesini e tasi e tusa mo te tasi tesimale valu mita mai te kaugutu e tasi ki te sua kaugutu, kae e tusa mo te valu selau lita o mea e ofi i ei.

39Ne fakatu ne ia e lima ka i te feitu ki saute o te Faletapu, ka ko te sua lima i te feitu ki matu; ka ko te tani ne tuku ne ia i te matulimanu ki saute saegala.

Ko igoa o Meafale o te Faletapu(2NTupu 4.11—5.1)

40-45Ne faite foki ne Hulamo a ulo, sevolo mo pola. Ne palele fakalei eiloa tena galuega mo Solomona, i te faitega o te Faletapu o te Aliki. Konei a mea ne faite ne ia:

Ko pou e lau

Ko ulu pou e lua e foliga pela me ne pōla kola e na i luga i ulu o pou kona e lua

Ko ata o filifili e fili i luga i ulu pou taki tasi

Ko pomekalanite palasi e faselau, e taki luaselau i ulupou takitasi. I te ulu pou e tasi, e tusa mo te lua laina, kae e taki selau i te laina e tasi, kae e fakatamilo i ata i luga i ulu pou kona

Ko ka e sefulu

Ko pesini e sefulu

Ko te tani

Ko pulumakau e sefulu lua kola e lago ki ei te tani

Ko ulo, sevolo mo pōla.

A mea katoa kona mō te Faletapu kola ne faite ne Hulamo i te manako; o Solomona, ne faite katoa ki palasi malapu'lapu.

46A mea katoa kona ne fakatonu katoa ne te tupu ke faite i te koga faite fiti tela e tu i te va o Sukota mo Saletana, i te Vanu o Iolitana

47A mea palasi kona e seki fua ne Solomona me ko to uke, tela la, e se iloa eiloa te 'mafa o mea kona.

48 Eso 30.1-3; Eso 25.23-30 E isi foki ne meafale aulo ne fai ne Solomona: ko te fata-fai-taulaga, te taipola e tuku ei te falaoa tela e ofo sale atu ki te Atua,

49Eso 25.31-40 ko tulaga‐moli e sefulu kola e tu i mua o te Potu Tafasili i te Tapu, e lima i te feitu ki saute, kae lima i te feitu ki matu; ko teu, ko moli, mo sikofi;

50ko ipu, ko sikofi o moli, ko pōla, ko tisi mo tuku mea ma'nogi, mo ulo e tuku sale ei a malala ka; mo inisisi o mataloa o te Potu Tafasili i te Tapu, mo mataloa ki tua o te Faletapu. A mea katoa kona ne faite ki aulo.

51 2Samu 8.11; 1NTupu 18.11 I te palelega o te galuega a Solomona ki te faitega o te Faletapu, ne teu ne ia a mea katoa kola ko oti ne fakatapu ne tena tamana ko Tavita mō te Aliki, ki loto i potu teu koloa i loto i te Faletapu — ko siliva, ko aulo, mo nisi mea aka foki.