ESELA 5 - Tuvalu Revised Bible

1 Haka 1.1; Saka 1.1 I te taimi tena, e tokolua a pelofeta ko Hakai mo Sakalia te tama a Ito, ne kamata o faipati i te igoa o te Atua o Isalaelu ki tino Iutaia kola e nofo i Iuta mo Ielusalema.

2Haka 1.12; Saka 4.6-9 I te logoga a Selupapelu te tama a Salatielu mo Iosua te tama a Iosataka i te fekau tena, ne kamata ei o toe faite ne laua a te Faletapu i Ielusalema, ka ko te tokolua pelofeta kona ne fesoasoani atu ki a laua.

3I te taimi eiloa tena, ne vau ei te kovana o te kogā fenua o Eufilate ki te Togala ko Tatenai, mo Setala Posenai mo taina ofisa o laua ki Ielusalema, kae fai mai penei: “Ne aumai i fea a te fakatonuga tena ke toe faite te Faletapu?”

4Ne fesilisili foki laua ki igoa o tagata kola ne fesoasoani i te faitega o te Faletapu.

5Ka ko te Atua e tausi faka'lei eiloa ne ia a takitaki o te kau Iutaia, tela la, a ofisa o te malo o Pelesia ne mafaufau ke seai se mea e fai mua ne latou ke oko ki te taimi e ave ei se tusi a latou ki a Taliu kae ke maua foki se tali mai i a ia.

6Tenei te lipoti tela ne ave ne latou ki te tupu:

7“Ki te Tupu ko Taliu, ke manuia tau nofoaiga.

8“E tau ke iloa ne Tou Malu i a matou ne olo ki te itumalo o Iuta kae ne lavea ne matou i te Faletapu o te Atua sili ne faite ki fatu fakata fa lasi mo utupoto lakau e faka'lava i te pui. A te galuega ne fai faka'lei eiloa, kae ko oko eiloa te fanofano lei.

9“Ne fesili matou ki takitaki o te fenua me ne aumai i fea te saolotoga e toe faite ei ne latou a te Faletapu mo mea i loto i ei.

10Ne sili foki matou me ko oi olotou igoa, ko te mea ke mafai o fakailoa atu ne matou a igoa o tino e takitaki i te galuega.

11“Ne tali mai latou penei, ‘A matou ko tavini a te Atua o te lagi mo te lalolagi, ka ko toe faite nei ne matou a te Faletapu tela ne faite ne te tupu takutakua o Isalaelu i aso mua.

122Tupu 25.8-12; 2NTupu 36.17-20; Iele 52.12-15 Kae ona ne fakaoso ne omotou tupuga a te Atua o te lagi ke kaitaua, tena ne tuku atu ei ne ia latou ke puke fakapagota ne Nepukanesa, te Tupu o Papelonia, se tupu i te fakasologa o tupu i Kalateana. Ne ofa ne latou a te Faletapu, kae ave fakapagota foki ei a tino ki Papelonia.

13Esela 1.2-11 Tena la, i te tausaga muamua o te nofoaiga a te Tupu ko Kulesa i Papelonia, ne fai ei tena fakatonuga ke toe faite a te Faletapu.

14Ne toe fakafoki mai ne ia a meāfale aulo mo siliva pela mo sipunu mo tui mo naifi kola ne puke ne Nepukanesa mai i te Faletapu i Ielusalema o ave o tuku i te Faletapu i Papelonia. Ne avatu ne Kulesa a meaafale kona ki te tagata e igoa ko Sesepasa, tela ne fili ne ia ke fai mo kovana o Iuta.

15A te tupu ne fai ki ei ke fano o fakafoki a mea kona ki te Faletapu i Ielusalema, kae ke toe faite a te Faletapu i te koga ne tu ei muamua.

16Tena ne vau ei a Sesepasa, faite eiloa ne ia a te fakavae; tena ne maumau mai eiloa a te galuega ke oko mai ki te taimi nei, kae tenei e seki palele eiloa.’

17Tou Malu, kafai e talia ne koe, ke fakatonu aka ne koe ne tino ke onoono ki tusi e fakamau ei a tala tuku fakasolo o te malo o Papelonia, ke iloa tonu aka me e tonu eiloa e isi se fakatonuga ne fai ne Kulesa ke toe faite a te Faletapu tenei i Ielusalema ka oti ko fakailoa mai ei me se a te mea e manako koe ke fai ne matou.”