FAKAASIGA 3 - Tuvalu Revised Bible

Ko te Fekau ki Salataisa

1 “Tusi la koe ki te agelu o te Ekalesia i Salataisa penei:

“Tenei te fekau mai i a ia tela e nofo mo agaga e fitu o te Atua mo fetu foki e fitu. E iloa ne au, au mea e fai; e iloa foki ne au me e iai te manatu pela i a koe e ola, kae iloa ake nei i a koe ko mate!

2Tela la, ala mai, kae fakamalosi ake a te mea tena e i a koe, ka koi tuai o mate tonu eiloa. Me ko iloa ne au i tau mea ne fai e seki katoatoa tona 'lei i mua o te Atua.

3

“Tenei te fekau mai i a ia tela e tapu kae fai mea tonu, tela e nofo mo ia te ki a Tavita, e 'tala ne ia te mataloa kae e seai ake foki se tino e mafai o 'pono ne ia. E 'pono ne ia, kae seai ake foki se tino e mafai ne ia o 'tala.

8E iloa ne au au mea e fai; e iloa foki ne au i a koe e tai vaivai; ko oti koe ne tautali i aku akoakoga kae ne fakamaoni mai foki koe ki a au. Ko oti ne 'tala ne au a te mataloa i ou mua, tela e seai se tino e mafai ne ia o 'pono.

9

“Tenei te fekau mai te Amene, tela ko ia ko te molimau fakamaoni kae tonu, ko ia foki ko te kamataga o mea katoa ne faite ne te Atua.

15E iloa ne au, au mea ne fai; e iloa foki ne au, i a koe e se 'moko e se 'vela. Au e loto ke matuā 'moko koe io me matuā 'vela.

16Kae ona ko koe e mafanafana, e se 'vela e se 'moko, ka luaki nei ne au koe mai i toku gutu!

17Fai mai koe, ‘Au e maumea kae maukoloa. Ko maua katoa ne au a mea kola e manako au ki ei. Kae e se iloa ne koe a tou masei mo tou fakaalofa.’ A koe e mativa, e nofo fuafua kae kivi.

18Au e fakatonu atu ki a koe, ke 'togi ne koe ne aulo mai i a au, ko tinā aulo eiloa, ko te mea ke maumea koe. 'Togi foki ne gatu kena mo ou pei, ke ufiufi i ei a tou nofo fuafua fakalumalumagina. 'Togi foki ne vailakau e fai ei ou mata, ko te mea ke ile koe.

19Faata 3.12E fakatonu ne au a mea 'se, kae e kini ne au a latou katoa kola e alofa au ki ei. Tela la, ke lotomau koutou kae salamo ki otou agasala.

20Kiloke, au e tu i te mataloa kae tukituki atu; kafai se tino e lagona ne ia toku leo kae 'tala ne ia te mataloa, e ulu atu au ki loto i tona fale o 'kai fakatasi mo ia, ko ia foki mo au.

21Ko latou kola e manumalo, e avatu ne au ki a latou te saolotoga ke 'nofo i oku tafa i toku nofogaaliki, e pela eiloa mo au ne manumalo, kae nofo nei au i tafa o toku Tamana i tona nofogaaliki.

22“Tela la, ko latou kola e fai'tau ki te tusi tenei, ke na faka'logo la ki muna e fai atu ne te Agaga ki Ekalesia!”