IOPU 9 - Tuvalu Revised Bible

1-2

9 o teke ki te Atua.

14Tela la, ne a aku pati e mafai ei au o tali atu ki te Atua?

15E ui eiloa i a au e se se,

Kae e tau foki eiloa mo au o fakamolemole ki te Atua toku famasino ke alofa mai ki a au.

16Kae kafai foki e talia ne ia ke faipati au.

Kae e iloa ne au me e se fakalogologo mai ki a au.

17E aumai ne ia a kautaufa ke fakalogofiofio ei au,

Kae tela la, seai se mea se a aku ne fai.

18E se manako eiloa a ia ke ola lei au;

Ko fakafonu ne ia toku olaga ki te mae.

19E a, ka taumafai au o fakaaoga te fai malo?

O fai malo te Atua?

E a, ka ave ne au a ia ki te fono?

Ko oi te tino e mafai ne ia o fai te Atua ke fano ki te fono?

20Au e se agasala kae tumau toku fakamaoni,

Ka ko aku pati e fai, e pela me ko agasala ei au.

Mo muna katoa e fai ne au e pela me ka malaia fua i ei au.

21-22Au e se agasala, kae e se afaina,

Au ko se fia saga ki ei. Au ko fita i te ola.

Ko seai se mea e mafaufau mafa au ki ei;

Faitalia me agasala me e se agasala,

Ka ko tatou e ta fakapalele eiloa ne te Atua.

23Kafai e mate fakavave se tino se agasala,

Kae kata te Atua.

24A te lalolagi ne tuku ne te Atua ki tino amio masei.

Ne fai ne ia a famasino katoa ke kivi.

Kafai la e seki fai ne te Atua, ko oi ne fai ne ia?

25A oku aso ko tele faka'sili i oku tafa,

E seai eiloa se aso e lei.

26A toku olaga ko vave eiloa pela mo te poti makini eiloa,

E pela eiloa mo te aeto tela e eva ifo o po te lapiti.

27-28Kafai au e kata kae taumafai o fakapuli toku mae;

Kae ko toe foki mai oku puapuaga o fakalavelave au.

E iloa ne au i te Atua e taofi pela i a au e agasala.

29Ona ko manatu koutou pela i a au e agasala,

Se a fua la te mea ka saga atu ei au o fakasao au?

30E seai se sopu e mafai o fakama ne ia aku agasala.

31E 'pei au ne te Atua ki loto i te lua e fonu i mea masei;

A oku gatu ko ma foki i a au.

32A te Atua moi se tino, e penei e mafai ne au o fakafesagai;

E mafai foki ne au ke olo maua ki te fono ke fa'kaiku ei te kinauga a maua.

33Ka ko te fakalavelave, me e seai se tino e mafai o tu i te ma va;

E seai se tino e mafai ne ia o fakamasino maua mo te Atua.

34Te Atua, fakagata aka toku fakasalaga ne koe!

Faka'mao atu au mea fakamataku!

35Au se mataku. Au ka faipati, me e iloa eiloa ne au toku loto.