1Au se tino saoloto. Au se apositolo. Ne matea ne au te tou Aliki ko Iesu. A koutou ko fua o taku galuega mō te Aliki.
2Kafai ko se fai au mo apositolo i manatu o nisi tino, kae ki a koutou, au se apositolo eiloa; i te mea ko koutou ko tino e fakamaonia ei toku fai mo apositolo i te Aliki i otou olaga.
3Tenei eiloa taku fakasako e fai sale ne au ki tino kola e fakamasinosino mai ki a au.
4E isi soku saolotoga e 'tau ei o aumai ki a au a meakai mo mea inu, ona ko taku galuega.
5E isi soku saolotoga o ave taku avaga kelisiano manafai e faimalaga au. E mafai foki o fai pena nisi apositolo, taina tonu o te Aliki pela foki mo Petelu.
6A maua mo Panapa e se 'tau o galue mō te ma olaga e pela eiloa mo nisi apositolo.
7A te sotia i te kautau e se 'togi ne ia tena galuega. A te tino toki lakau e kai eiloa ki fuaga o tona togavine. A te tausi mamoe e fakaaoga ne ia a te susu mai i ana mamoe.
8A mea konei ne fakatusa fua o te mea tela ne fai atu ei au,
9Teu 25.4; 1Timo 5.18me e maua ne tatou i te Tulafono a Mose a muna konei, “Tuku eiloa te pulumakau ke kai, manafai e lakalaka ne ia a fuaga saito.” A muna o te tulafono tenei, e se fakatiga fua ki pulumakau.
10A muna o te tulafono tenei, e faka'tau foki ki a tatou. A te tino tela e 'toki, mo te tino tela e tau ne ia te fuaga; e fai te la galuega mo te fakamoemoe ke maua se la vaega mai fuaga o lakau.
11Loma 15.27Ko oti ne 'toki ne matou fuaga faka te Agaga i a koutou; tela la, e fakamoemoe au ke maua ne maua ne mea e tausi ei te ma olaga.
12Kafai a nisi tino e isi se lotou fakamoemoega ke maua mai i a koutou ne olotou mea pena, a te ma fakamoemoega ke sili atu te ma mea e maua i lo latou.
Ne seki fakamalosi ne maua ke fai ne koutou ki a maua pena, kae ne ma'lie eiloa maua ki te mu'tana o te ma mea ne maua mai i a koutou, me se ma'nako maua o fakalavelave ki te Tala 'Lei a Keliso, tela ne folafola atu ne maua.
13Teu 18.1E iloa tonu ne koutou me i tino kola e ga'lue i te Fale Tapu, e maua olotou meakai mai te Fale Tapu; e pela mo te faitaulaga tela e ofo atu ne ia taulaga i te fata-fai-taulaga, e maua foki sona tusaga mai meakai kola ne ofo atu mo fai taulaga.
14Mata 10.10; Luka 10.7E pena foki a te fakatonuga a te Aliki ki a latou kola e folafola te tala 'lei, e 'tau o tausi ne Kelisiano.
15Au seki fai atu eiloa ki a koutou ke tausi mai koutou, kae e se mafai eiloa ne au o fai atu pena ki a koutou. E sili toku mate i te likiliki, i lo toku fai atu ke tausi mai koutou ki a au.
16Me kafai e folafola ne au te tala 'lei, e se se mea e 'tau o fakamatamata au ki ei. Au e pulea ne fakatonuga ke fai ne au. Kae ka pefea eiloa i te masei a mea ka 'tupu ki a au, manafai e se folafola ne au a te tala 'lei!
17Kafai e fai ne au taku galuega i taku filifiliga, ko tona uiga ka fakamoemoe au ke maua soku 'togi; kae ona ko te mea ne fai ne au e pela mo se tiute, ko tena uiga ne fai ne au pena i te mea se galuega ne tuku mai ke fai ne au.
18Tela la, se a te 'togi e maua ne au? Ko te folafolaga o te Tala 'Lei e aunoa mo se 'togi. Ne 'tau mo au o fai atu ke 'togi katoa mai taku galuega, kae ne seki fai ne au pena.
19E ui eiloa i a au se tino e saoloto mai tino katoa, kae nei ko fai au mo pologa ki tino katoa, ko te mea ke maua ne au a tino e tokouke.
20I te taimi ne galue ei au mō tino Iutaia, e ola au e pela eiloa mo se tino Iutaia, ko te mea ke maua ne au a latou; kae tusa eiloa me i a au e se fusifusia ki te Tulafono a Mose, kae e ola eiloa au e pela mo tino e ola i te tulafono, manafai e galue au mō latou, ko te mea ke maua ne au a latou.
21E pela foki ki tino o fenua fakaatea, e ola au e pela mo se tino o fenua fakaatea kola e se aofia i Tulafono faka-Iutaia, ko te mea ke maua ne au ne tino o fenua fakaatea. E se ko te uiga o te mea nei i a au e se fakalogo ki tulafono a te Atua, kae ona ko au ko nofo mai lalo i tulafono a Keliso.
22E pena foki ki tino e vaivai i te fakatuanaki, e ola au e pela mo latou, ko te mea ke maua ne au latou. Tela la, e ola au i so se vaega olaga o tino, ko te mea ke fakaola ne au nisi o latou, i so se auala e mafai ne au o fakaaoga.
23E fai katoa ne au a mea konei mō te tala 'lei, ko te mea ke maua ne au te manuia mai ei.
24E iloa tonu ne koutou me i te fakatau'telega, e 'tele katoa a tino i ei, kae tokotasi fua e maua ne ia te fakailoga. Tela la, tele mo te fakamoemoe ke maua ne koe te fakailoga.
25A tino 'tele katoa i te taimi e fakaakoako ei mo te fakatau'telega, e ola latou i te olaga fakataputapu, kae fai ne latou ona ko te mea ke fakafou latou ki te fou tela e pala gofie, tela ko te fakailoga o te tino e sili i te fakatau'telega, ka ko tatou, ke fai ne tatou mō te fou faka te Agaga tela e se mafai o pala.
26A te tino tele, e tele ke maua ne ia te fakailoga. A te tino faipelē, e faipelē malosi ke manumalo a ia. E pena foki au, e fakapelepele eiloa toku malosi o talai te tala 'lei.
27Ne fakataputapu fakamaoni toku foitino, ko te mea kafai e folafola atu ne au te tala 'lei ki tino, e se 'teke mai te Atua ki a au.
Who We AreWhat We EelieveWhat We Do
2025 by iamachristian.org,Inc All rights reserved.
