LEVITIKO 14 - Tuvalu Revised Bible

Ko te Fakāmaga o te Tino ko Lei tena Lepela

1Ne tuku mai ne te Aliki ki a Mose

2Mata 8.4; Male 1.44; Luka 5.14; 17.14a fakatonuga konei e uiga ki te faka'maga i feitu faka‐tapuakiga o te tino ko lei tena lepela. I te aso tela ka taku ei a ia ko 'ma, e tau a ia o aumai ki mua o te faitaulaga,

3kae ka ave a ia ne te faitaulaga ki tua o te fa'kai o iloilo i ei. Kafai ko lei eiloa te masaki,

4ko fai ei te fakatonuga a te faitaulaga ke aumai se avā manu eva 'ma fakatasi mo te potulakau o te alasi, te uka kula, mo te kaula o te hisopo.

5Tena, ka fakatonu atu ei a te faitaulaga ke tamate se manu eva e tasi i luga i se pola fatu e fonu i vai o se vaipuna.

6Ka ufi ne ia a te sua manu, fakatasi mo te potulakau o te alasi, mo te uka kula, mo te kaula o te hisopo ki loto i te toto o te manu ne tamate.

7Ka ligiligi ne ia a te toto e fakafitu taimi ki te tino tela ka faka'ma mai tena masaki ko te lepela, tena ka taku ei a ia ko 'ma. A te manu tela koi ola ka fakaeva atu ne te faitaulaga ki te vao.

8A te tino tena ne faka'ma ka 'ta faka'lei ona gatu, kati fakakila a tena ulu, kae koukou, tena ko 'ma ei a ia. Ko mafai ne ia o vau ki loto i te fa'kai, kae e tau mua o nofo a ia i tua o tena faleie i aso e fitu.

9I te fitu o aso, ka toe kati fakakila a tena ulu, vele ana talafa mo ana fulumata, mo fulufulu katoa i tena foitino; ka 'ta faka'lei ona gatu kae koukou, tena ka 'ma ei a ia i feitu faka‐te‐lotu.

10I te valu o aso, ka aumai ne ia se āva tamā mamoe tagata, mo se tamā mamoe fafine ko tasi tena tausaga kae seai sena pona, mo se tolu kilokalame falaoa e palu ki sinu olive mo te tasi vae tolu lita o te sinu olive.

11Ka ave ne te faitaulaga a te tagata tena, fakatasi mo taulaga kona ki te mataloa o te Faleie o te Aliki.

12Tena, ka puke aka ne te faitaulaga se tamā mamoe tagata e tasi ko ofo atu ei ne ia fakatasi mo te tasi vae tolu lita o te sinu ke fai mo taulaga e toe togi ei te agasala. Ka tuku atu ne ia a mea kona ke fai mo meaalofa fakapitoa ki te Aliki, kae puke ma faitaulaga.

13Ka tamate ne ia a te tamā mamoe i te koga tapu, te koga e 'ta ei a manu mo fai taulaga sunu, pela foki mo manu mo taulaga mo agasala. E tau o fai ne ia a te mea tenei me i te taulaga o te toe togiga o te agasala e puke ma te faitaulaga, e pela eiloa mo te taulaga mo agasala, kae se taulaga 'malu.

14Ka puke aka ne te faitaulaga ne mu toto o te tamā mamoe o nani ki te kapa taliga fakaatamai o te tagata tela e faka'ma, e pela foki ki te matikao matua o te lima fakaatamai, mo te matikao matua o tena vae fakaatamai.

15Ka puke aka ne te faitaulaga ne mu sinu olive, o fakamatulu ki tena alofilima fakamaui,

16kae ke ufi atu mo tena matikao fakaatamai ki ei, ko apiapi atu ei ne mu sinu e fakafitu taimi i mua o te Aliki.

17Ka puke ne ia ne mu sinu kola i tena alofilima, mo ne mu toto o te tamā mamoe o nani atu a te kapa taliga fakaatamai o te tagata tela e faka'ma, e pela foki te matikao matua o tena lima fakaatamai, mo te matikao matua o tena vae fakaatamai.

18A te toega o te sinu i tena alofilima ka mili atu ne ia ki te ulu o te tagata tena. E pena te faiga o te sauniga mo te faka'maga o se tino ko lei tena lepela.

19Tena, ka ofo atu ne te faitaulaga se taulaga mo te fakamagaloga o agasala, kae fai te sauniga o te faka'maga. Ka oti tena, ko tamate ei ne ia a te manu mo te taulaga sunu

20kae ofo fakatasi atu mo te taulaga saito i luga i te fata-fai-taulaga. E pena a te sauniga o te faka'maga e fai ne te faitaulaga e faka'ma ei a te tagata tena, tena ko 'ma ei a ia.

21Kafai te tagata tena e mativa ko se maua ne ana tamā mamoe e lua, ko aumai fua la ei ne ia mo fai te sauniga o tena faka'maga, se tamā mamoe tagata e tasi, ke fai mo taulaga o te toe togiga o te agasala, e fai mo meaalofa fakapitoa ki te Aliki kae fakaaoga ne faitaulaga. Ka aumai ne ia e tasi fua te kilokalame o falaoa kae palu ki sinu olive mo fai te taulaga saito, mo te tasi vae tolu lita o te sinu olive.

22E tau foki o aumai ne ia se avā lupe io me se avā tamā lupe, e tasi mo fai te taulaga mo te fakamagaloga o agasala kae tasi mo fai te taulaga‐sunu.

23I te valu o aso, ko aumai ei ne ia a mea kona ki te faitaulaga i te mataloa o te Faleie o te Aliki.

24Ka puke ne te faitaulaga a te tamā mamoe mo te sinu olive o tuku atu ke fai mo meaalofa fakapitoa ki te Aliki kae puke ma te faitaulaga.

25Ka tamate ne te faitaulaga a te tamā mamoe kae puke ne ia ne mu toto o nani atu ki te kapa taliga fakaatamai o te tagata tena, e pela foki te matikao matua o tena lima fakaatamai mo te matikao matua o tena vae fakaatamai.

26Ka ligi ne te faitaulaga ne mu sinu ki tena alofilima fakamaui

27ko ufi atu ei se matikao o tena lima fakaatamai, kae apiapi atu i mua o te Aliki e fakafitu taimi.

28Ka mili atu ne ia ne mu sinu ki koga kola ne nani atu foki ei ne ia te toto: ko te kapa taliga fakaatamai o te tagata tena, ko te matikao matua o tena lima fakaatamai mo te matikao matua o tena vae fakaatamai.

29A te toega o te sinu i tena alofilima, ke mili atu ne ia ki te ulu o te tagata tena, ko te faiga tena o te sauniga e faka'ma ei te tagata tena.

30Ka oti, ko ofo atu ne ia se lupe io me se tamā lupe e tasi

31mo fai te taulaga mo agasala, ka ko te sua lupe ke fai mo taulaga 'sunu fakatasi mo te taulaga saito. E fai pena ne te faitaulaga a te sauniga o te faka'maga.

32Tena te tulafono e tau o tau'tali ki ei a te tino e maua ne te lepela, tela e se mafai o maua ne ia a mea tonu kola e manakogia mo fai ana taulaga i te taimi e faka'ma ei a ia.

Ko te Ila Lepela i Fale

33Konei a fakatonuga ne tuku mai ne te Aliki ki a Mose mo Alona

34e fakasino ki fale kola e maua i loto a te ila lepela. A te mea tenei e fakasino ki te taimi tela ko oti ne ulu atu ei a te fenua o Isalaelu ki loto i Kanana, te fenua tela e fakamoemoe te Aliki ke tuku atu ke fai mo tofi o tino Isalaelu.

35So se tino e matea ne ia se ila lepela i tena fale, e 'tau o fano o fakailoa ki te faitaulaga.

36Ka fakatonu ne te faitaulaga ke ave katoa ki tua a mea i loto i te fale, koi tuai o fanatu a ia o iloilo a te ila lepela tena; me kafai se fai pena, ko tena uiga a mea katoa i loto i te fale ka se 'ma katoa. Ka oti eiloa a mea ne tali ki tua, ko fanatu ei a ia ki loto i te fale,

37o iloilo a te ila lepela tena. Kafai e matea ne ia ne tu'tutuga lanu usi io me lanu kula tela ko kai ki loto i te pui,

38ko tau o tiakina ne ia te fale kae loka i aso e fitu.

39I te fitu o aso, ka toe foki mai a ia o toe iloilo. Kafai ko gasolo o lasi te ila lepela,

40ka fakatonu atu ne ia ke tapale a fatu kola e pisia i te ila lepela, o ave o 'pei atu keatea i se koga se 'ma i tua o te fa'kai.

41Ka oti ko soi ei a te pui loto o te fale kae ave a mea kona ne soi o pei atu keatea i se koga se 'ma i tua o te fa'kai.

42Ka oti, ko toe aumai ei ne fatu o fakapiki ki koga kola ne tapale mai ei a fatu kola ne pisia i te ila lepela, ko toe fai ei se palasita fou mo ufi te pui.

43Kafai ko toe sae aka a te ila lepela i te fale, ka ko oti ei ne tapale a fatu kae soi a te pui, ka ko oti foki ne toe palasita,

44e tau o toe fano a te faitaulaga o iloilo. Kafai ne gasolo o lasi a te ila lepela, a te fale ko se 'ma.

45E tau o ofa ki lalo. A fatu mo laupapa mo te sameni ne palasita ei e tau o ave katoa ki tua o te fa'kai ki se koga se 'ma.

46So se tino e ulu ki loto i te fale i te taimi e loka ei, ka se 'ma ke oko eiloa ki te afiafi.

47So se tino e takato i te fale io me e kai i ei, e tau o 'ta faka'lei ona gatu.

48Kafai ne toe iloilo aka ne te faitaulaga a te fale tena, kae matea ne ia me ko seai eiloa se ila lepela i ei i te taimi tela ko oti ei ne toe fakapalasita a te pui, ka fakailoa atu ne ia i te fale ko 'ma, me ko seai eiloa se ila lepela i ei.

49Konei a mea ka fakaaoga ne ia mo te faka'maga o te fale: e lua manu eva, se potulakau o te lakau ko te alasi, se uka kula mo te kaula o te hisopo.

50Ka tamate ne te faitaulaga se manu eva e tasi i luga o se pola fatu tela e isi ne vai o te vaipuna i ei.

51Ka oti ko puke aka ne ia a te laupapa o te alasi, te hisopo, te uka kula mo te manu eva tela koi ola, ko ufi ei ne ia ki te toto o te manu eva tela ne tamate, pela foki ki loto i te vai. Tena, ko apiapi atu ei ne ia a te fale e fakafitu taimi.

52Tena te faiga e faka'ma ei ne ia a te fale tena, ki te toto o te manu eva, te vai fou, te manu eva ola, te potulakau o te alasi, te hisopo mo te uka kula.

53Ka oti ko tuku atu ei ne ia a te manu eva ke eva. E pena te faiga o te sauniga o te faka'maga o te fale, tena ko 'ma ei.

54Kona a tulafono e uiga ki te masaki ko te lepela;

55-56ko matakili, ko fakafoa, io me ko mea fakakula'kula i te foitino; e pena foki ki ila lepela i luga i gatu pela foki i loto i fale.

57A tulafono kona e iloa ei te mea 'ma mo te mea se 'ma.