1Te Aliki, masaua te mea ne tupu ki a matou.
Kilo mai ki a matou, ke lavea ne koe te motou masiasi.
2A omotou kope ko i lima o tino fakaatea;
A tino o fenua fakaatea ko nofo nei i omotou fale.
3A omotou tamana ne tamate ne omotou fili,
Kae nei a omotou matua ko seai ne avaga.
4E togi ne matou te vai e inu ei matou;
E togi ne matou a fafie e fakaka ei te afi.
5A matou e fakagalue malosi eiloa pela me ne asini io me ko kamela,
E fita matou kae tapu e malolo.
6Ke maua ne meakai e lava mo omotou ola,
Ne olo matou o fakamolemole ki Aikupito mo Asulia.
7Ne agasala omotou tupuga, kae nei ko galo atu latou,
Kae ko puapuaga fāka eiloa matou i olotou agasala.
8A matou ko pule ne tino e pau me ne pologa,
Kae seai eiloa se tino e maua ne ia o fakasao matou mai te lotou malosi.
9A tino tatino ko oloolo sale fua i tua o te fa'kai;
Kafai e olo matou o sala meakai,
Ko tena uiga ko pau fua i a matou te ola mo te mate.
10A te likiliki ko fai ne ia matou ke vela pela mo te fiva,
Tela la, omotou pakili ko vela eiloa pela mo se ogaumu.
11A omotou avaga ne puke mālo i luga i te Mauga o Siona;
A omotou tama fafine ne puke mālo foki i fa'kai katoa o Iuta.
12A omotou takitaki ko oti ne ave o noaua;
A omotou toeaina e seai se fakaaloalo e fai ki a latou.
13A omotou tamataene e fai malo ke solo a saito e pela me ne pologa;
A tamaliki tagata ko takasese fua i te amoga o fafie māfa.
14A tino matua ko se toe lavea atu ke sagasaga sale i te mataloa o te fa'kai,
Mo te kautama tuputupu ko se lagona ke usu pese kae tata lakau.
15Ko seai se fiafia i omotou olaga;
Ko te fanoanoa tenei ko sui ne ia te 'saka fiafia o matou.
16Ko seai eiloa se mea e 'toe mai mai koloa o te motou fenua kola e fakamatamata sale ei matou.
A matou ne agasala, kae nei ko malaia matou.
17Ko masaki matou i omotou loto,
Ko se mafai ne matou o lavea se mea me ko pono ne omotou loimata,
18I te Mauga o Siona ko tu aliali pela me se toafa,
mo kuli vao ko olo sale fua i koga ne fakamasei.
19Te Aliki, a koe ko te tupu ki te se gata mai,
Kae ka pule koe ki te se gata mai.
20Kai a ko tiakina ei ne koe matou i se taimi leva penei?
Mata koi masaua mai ne koe matou?
21Te Aliki! Toe fakafoki mai matou ki a koe! Toe puke atu matou ki a koe!
Kae fakafou te olaga takutakua ne nofo muamua matou i ei.
22Kae a, koi ita eiloa koe ki a matou ki te se gata mai?
E a, e seai se gatamaiga o tou kaitaua?
Who We AreWhat We EelieveWhat We Do
2025 by iamachristian.org,Inc All rights reserved.
