1Te Atua Malosi, ko oko eiloa toku fiafia ki tou Faletapu!
2Ko oko eiloa toku fia nofo i ei!
Au e fia nofo i loto i te fale o te Aliki.
E usu pese atu au mo te fiafia, mo toku loto katoatoa ki te Atua ola.
3Ke oko foki eiloa ki tamā manu, e isi ne olotou ofaga
Kae e tausi olotou punua i tafa o ou fata-fai-taulaga,
Te Aliki Malosi, toku tupu mo toku Atua.
4Ko oko eiloa te fiafia o tino kola e 'nofo i loto i tou Faletapu
E usu pese faeloa kae 'viki ki a koe.
5Ko oko eiloa i te fia'fia o latou kola ne maua mai ne latou te malosi mai i a koe,
Kola ko ma'nako malosi o fai malaga o fai tapuakiga i te Mauga o Siona.
6Ka koi fai malaga latou i te vanu o Peka,
Kae 'poi eiloa me ko fai me se koga o vaipuna;
Ka ko te tōga o vaiua muamua, ne fakafonu ei a koga poko'poko.
7E gasolosolo ake eiloa te lotou malosi ka koi fano eiloa te lotou malaga;
Ka matea ne latou a te Atua o atua i Siona.
8Te Aliki te Atua Malosi katoatoa;
Fakalogo mai ki taku 'talo.
Te Atua o Iakopo, talia mai!
9Te Atua, fakamanuia mai te motou tupu,
Ko te tupu eiloa tela ne filifili ne koe.
10E sili atu te aso e tasi e fakamaumau i tou Faletapu,
i lo te afe o aso e fakamaumau i so se koga;
E sili atu toku tu i te mataloa o te fale o toku Atua,
i lo te nofo i fale o tino masei!
11A te Aliki ko te 'tou 'puiga mo te 'tou tupu 'malu,
E fakamanuia mai ki a tatou i tena alofa mo te fakaaloalo.
E se taofi ne ia so se mea lei ki tino kola e fai meatonu.
12Te Atua Malosi, amutia a latou kola e talitonu ki a koe!
Who We AreWhat We EelieveWhat We Do
2025 by iamachristian.org,Inc All rights reserved.
