1Ne fakamaopoopo ne Iosua a tino katoa i matakaiga o Leupena, Kato, mo Manase ki te Saegala,
2 i te feitu eiloa ki te togala o te Iolitana, ne faite ei ne latou se fata-fai-taulaga lasi kae gali, i tafa o te vaitafe.
11E isi se tino ne fanatu o fai ki te sua vaega o Isalaelu penei, “Faka'logo mai! A tino o matakaiga o Leupena, Kato mo Manase ki te Saegala ko oti ne faite ne latou se fata-fai-taulaga i Kelilota, i te feitu mai o te Iolitana, te feitu o tatou!”
12I te 'logoga o te vaega tena o Isalaelu, ne maopoopo ei latou katoa i Sailo o olo atu o taua atu ki matakaiga kona ki te saegala.
13Tena, ne uga atu ne tino Isalaelu a Fineaso, te tama tagata a Eleasalo te faitaulaga, ke fano ki tino o matakaiga o Leupena, Kato mo Manase ki te Saegala, i te fenua o Kileata.
14E toko sefulu tagata ne olo mo Fineaso, e taki tokotasi mai i matakaiga takitasi o te togala. A tagata katoa kona ne ulu o kaiga i kaukaiga kesekese.
15Ne oko atu latou kona ki te fenua o Kileata, ki tino o matakaiga o Leupena, Kato, mo Manase ki te Saegala,
16Teu 12.13,14 kae ne fai latou mo sui o te fenua o te Atua o fai atu penei, “Ai a ko fai ei ne koutou se mea masei penei ki te Atua o Isalaelu? A koutou ko oti ne teke ki te Aliki i te faitega ne koutou o te fata-fai-taulaga tenei mo koutou! A koutou ko se tautali i te Aliki!
17Nume 25.1-9 Masaua ne koutou te 'tou agasala ne fai i Peolo, i te fakasalaga ne te Aliki tena fenua ki te mala? A tatou nei koi puapuaga eiloa ona ko te mea tena. E a, e se lava te agasala tena?
18E a, ko se fia tautali nei koutou i a ia? Kafai e teke nei koutou ki te Aliki i te aso nei, kae ka kaitaua a ia ki tino Isalaelu katoa fakamuli.
19Kiloke, kafai e se 'tau te otou fenua i te fai o tapuakiga, o'mai la ki te feitu nei, ki te fenua o te Aliki, tela e tu ei tena Faleie. O'mai o sala ne laukele i te motou feitu. Sa taumafai o teke ki te Aliki, io me fai ne koutou ke taia matou i te agasala teke, o fakatu se isi fata-fai-taulaga e fakaatea mo te fata-fai-taulaga a te Aliki te 'tou Atua.
20Iosu 7.1-26 Masaua ne koutou a Akana te tama a Sela tela ne seki fakalogo ki te fakatonuga e uiga ki mea kola e tau o fakama'sei ke se puke; ne fakasala katoa eiloa a te fenua o Isalaelu i te agasala tena. Se ko Akana fua ne mate i tena agasala tena.”
21Ne tali atu a tino o matakaiga o Leupena, Kato, mo Manase ki te Saegala penei:
22“A ia tela e tafasili i te Malosi, ko te Atua! A ia ko te Aliki! A ia tela e Tafasili i te Malosi, ko te Atua! A ia ko te Aliki! E iloa lei ne ia te pogai e fai ei ne matou te mea tenei, tela la, matou e manako ke iloa foki ne koutou! Kafai matou ne teke io me ko se tautali i te Aliki, ko tau o tamate katoa matou!
23Kafai ko se faka'logo matou ki te Aliki o faite se fata-fai-taulaga ma matou mo sunu a taulaga i luga i ei, io me ofo i ei a taulaga Saito mo taulaga fakafetai, ko tau ke fakasala matou ne te Aliki.
24Kiloke, matou se teke. Ne fai ne matou te mea tena, me i a matou e mataku me i aso fakamuli ka o'mai a tino i otou gafa o fai ki tino i omotou gafa penei, ‘Se a te otou mea e fai ki te Aliki te Atua o Isalaelu?
25Ne fai ne ia te Iolitana mo tuakoi i te va o matou mo koutou tino o Leupena mo Kato. E seai se fekau a koutou ki te Aliki.’ Tena, e se taumate kaati ka fakagata ne tino i otou gafa a tino i omotou gafa o tapuaki atu ki te Aliki.
26Tena te mea ne faite ei ne matou te fata-fai-taulaga, se mo sunu taulaga manu io me ofo i ei a taulaga saito,
27kae ne faite ke fai mo fakailoga ki omotou tino mo otou tino, pela foki ki tupulaga i tua o tatou, me i a matou e tapuaki fakamaoni eiloa ki te Aliki i mua o tena Faleie tapu, mo omotou taulaga ke sunu, mo taulaga manu mo taulaga fakafetai. E fai te mea tena ke se fai aka pela a otou fanau me e seai se fekau a omotou fanau ki te Aliki.
28Tena te manatu o matou, me kafai e tupu se mea pena, e mafai ne omotou fanau o tali penei, ‘Kiloke! Ne faite ne omotou tupuga se fata-fai-taulaga e pela mo te fata-fai-taulaga a te Aliki. E seki faite mō sunu taulaga saito io me ko taulaga manu, kae ke fai mo fakailoga i otou tino mo omotou tino.’
29A matou se fia teke lele eiloa ki te Aliki, io me fakagata te motou tautali i a ia, o faite se isi fata-fai-taulaga mō sunu taulaga i ei. E seai se fata-fai-taulaga e faite ne matou ke fakaatea mo te fata-fai-taulaga a te Aliki te tou Atua tela e tu i mua o tena Faleie.”
30Ne lagona ne Fineaso te faitaulaga, mo te tinogafulu tagata kola ne olo mo ia, a te tali a tino o matakaiga o Leupena, Kato mo Manase ki te Saegala, tena ne malie ei latou.
31Muna a Fineaso, te tama a Eleasalo te faitaulaga ki a latou, “Ko iloa nei ne matou i te Aliki e fakatasi mai ki a tatou. A koutou seki teke atu ki a ia, tela la, ko sao ei a tino Isalaelu mai i te fakasalaga a te Aliki.”
32Tena, ne tiakina ei ne Fineaso mo tagata kona ne olo mo ia, a tino o matakaiga o Leupena, Kato mo Manase ki te Saegala i te fenua o Kileata, o foki atu ki olotou tino Isalaelu i te fenua o Kanana, fakamatala atu foki ei ne latou te tala o te lotou malaga.
33Ne ma'lie a loto o tino Isalaelu, tena vikia ei ne latou te igoa o te Atua. Ko se toe faipati latou ke olo latou o taua kae fakamasei te fenua e nofo ei a tino o matakaiga o Leupena mo Kato.
34Muna a tino o Leupena mo Kato penei, “A te fata-fai-taulaga tenei se molimau ki a tatou katoa i te Aliki ko te Atua.” Tena ne fakaigoa ei ne latou ko ‘Molimau’.
Who We AreWhat We EelieveWhat We Do
2025 by iamachristian.org,Inc All rights reserved.
